ജയ്സ്വാൾ 171ന് പുറത്ത്, കോഹ്ലിക്ക് അർധ സെഞ്ച്വറി; ഇന്ത്യ 250 റ​ൺ​സി​ന് മു​ന്നിൽ

റോ​സോ: വെ​സ്റ്റി​ൻ​ഡീ​സി​നെ​തി​രാ​യ ഒ​ന്നാം ക്രി​ക്ക​റ്റ് ടെ​സ്റ്റി​ൽ ഇ​ന്ത്യ ശ​ക്ത​മാ​യ നി​ല​യി​ൽ. മൂ​ന്നാം ദി​നം ഉ​ച്ച​ഭ​ക്ഷ​ണ​ത്തി​ന് ക​ളി നി​ർ​ത്തു​​മ്പോ​ൾ നാ​ല് വി​ക്ക​റ്റി​ന് 400 റ​ൺ​സെ​ടു​ത്ത സ​ന്ദ​ർ​ശ​ക​ർ 250 റ​ൺ​സി​ന് മു​ന്നി​ലാ​ണ്. വി​ൻ​ഡീ​സ് ഒ​ന്നാ​മി​ന്നി​ങ്സി​ൽ 150 റ​ൺ​സി​ന് പു​റ​ത്താ​യി​രു​ന്നു. ര​ണ്ടി​ന് 312 എ​ന്ന നി​ല​യി​ൽ മൂ​ന്നാം ദി​നം ബാ​റ്റി​ങ് പു​ന​രാ​രം​ഭി​ച്ച ഇ​ന്ത്യ​ക്ക് ​അ​ര​​ങ്ങേ​റ്റ ​സെ​ഞ്ച്വ​റി വീ​ര​ൻ യ​ശ​സ്വി ജ​യ്സ്വാ​ളി​ന്റെ വി​ക്ക​റ്റാ​ണ് ആ​ദ്യം ന​ഷ്ട​മാ​യ​ത്. 171 റ​ൺ​​സെ​ടു​ത്ത ജ​യ്സ്വാ​ളി​നെ അ​ൽ​സാ​രി ​ജോ​സ​ഫി​ന്റെ പ​ന്തി​ൽ വി​ക്ക​റ്റി​ന് പി​ന്നി​ൽ ജോ​ഷ്വ ഡാ ​സി​ൽ​വ ക്യാ​ച്ചെ​ടു​ത്താ​ണ് മ​ട​ക്കി​യ​ത്. മൂ​ന്നു റ​ൺ​സെ​ടു​ത്ത വൈ​സ് ക്യാ​പ്റ്റ​ൻ അ​ജി​ൻ​ക്യ ര​ഹാ​ന​യും പു​റ​ത്താ​യി. കെ​മ​ർ റോ​ച്ചി​നാ​ണ് വി​ക്ക​റ്റ്. 72 റ​ൺ​സു​മാ​യി വി​രാ​ട് കോ​ഹ്‍ലി​യും 21 റ​ൺ​സ് നേ​ടി​യ ര​വീ​ന്ദ്ര ജ​ദേ​ജ​യു​മാ​ണ് ക്രീ​സി​ൽ.

143 റ​ൺ​സു​മാ​യാ​ണ് ജ​യ്സ്വാ​ൾ മൂ​ന്നാം ദി​നം ബാ​റ്റി​ങ് തു​ട​ങ്ങി​യ​ത്. 36 റ​ൺ​സു​മാ​യി ​​കോ​ഹ്‍ലി​യും. രാ​വി​ലെ മൂ​ന്നാം ഓ​വ​റി​ൽ ത​ന്നെ ജ​യ്സ്വാ​ൾ 150 ക​ട​ന്നു. അ​ര​ങ്ങേ​റ്റ ടെ​സ്റ്റി​ൽ ഈ ​നേ​ട്ടം കു​റി​ക്കു​ന്ന മൂ​ന്നാ​മ​ത്തെ ഇ​ന്ത്യ​ൻ ബാ​റ്റ​റാ​യി യു​വ​താ​രം. സ്പി​ന്ന​ർ ജോ​മ​ൽ വാ​രി​ക്ക​നെ അ​തി​ർ​ത്തി​ക്ക​പ്പു​റം പ​റ​ത്തി ടെ​സ്റ്റി​ലെ ആ​ദ്യ സി​ക്സും ജ​യ്സ്വാ​ൾ നേ​ടി.

അ​ര​ങ്ങേ​റ്റ​ത്തി​ൽ ഇ​ര​ട്ട ​സെ​ഞ്ച്വ​റി നേ​ടു​ന്ന ആ​ദ്യ ഇ​ന്ത്യ​ൻ ബാ​റ്റ​റാ​കു​മെ​ന്ന് ആ​രാ​ധ​ക​ർ പ്ര​തീ​ക്ഷി​ച്ചി​രി​ക്കെ​യാ​യി​രു​ന്നു ജ​യ്സ്വാ​ളി​ന്റെ പു​റ​ത്താ​ക​ൽ. ക​രു​ത​ലോ​ടെ ക​ളി​ച്ച ജ​യ്സ്വാ​ളി​ന് ഒ​രു ലൂ​സ് ഷോ​ട്ടി​ൽ പി​ഴ​ക്കു​​ക​യാ​യി​രു​ന്നു. ശി​ഖ​ർ ധ​വാ​നും (187) രോ​ഹി​ത് ശ​ർ​മ​ക്കും (177) ശേ​ഷം അ​ര​ങ്ങേ​റ്റ​ത്തി​ലെ ഇ​ന്ത്യ​ൻ താ​ര​ത്തി​ന്റെ മൂ​ന്നാ​മ​ത്തെ മി​ക​ച്ച സ്കോ​റാ​യി​രു​ന്നു ജ​യ്സ്വാ​ളി​ന്റെ 171 റ​ൺ​സ്. 147 പ​ന്തി​ലാ​ണ് ക്ഷ​മാ​പൂ​ർ​വം ബാ​റ്റ് വീ​ശി വി​രാ​ട് കോ​ഹ്‍ലി അ​ർ​ധ ശ​ത​കം നേ​ടി​യ​ത്.