ഏഷ്യൻ ഗെയിംസിൽ ഇന്ത്യൻ പുരുഷ, വനിത ക്രിക്കറ്റ് ടീമുകൾ പ​ങ്കെടുക്കും

മും​ബൈ: ചൈ​ന​യി​ലെ ഗാ​ങ്​​ചോ​യി​ൽ ന​ട​ക്കു​ന്ന ഏ​ഷ്യ​ൻ​ ഗെ​യിം​സി​ൽ ഇ​ന്ത്യ​യി​ൽ​നി​ന്ന് പു​രു​ഷ, വ​നി​ത ടീ​മു​ക​ൾ പ​​ങ്കെ​ടു​ക്കും. സെ​പ്റ്റം​ബ​ർ 23ന് ​തു​ട​ങ്ങി ഒ​ക്ടോ​ബ​ർ എ​ട്ടു വ​രെ​യാ​ണ് ഇ​ത്ത​വ​ണ ഏ​ഷ്യ​ൻ ഗെ​യിം​സ്. ആ​ദ്യ​മാ​യാ​ണ് ഏ​ഷ്യ​ൻ ഗെ​യിം​സി​ൽ ഇ​ന്ത്യ ക്രി​ക്ക​റ്റ് ടീ​മി​നെ അ​യ​ക്കു​ന്ന​ത്. ഒ​ക്ടോ​ബ​ർ അ​ഞ്ചി​ന് ഏ​ക​ദി​ന ലോ​ക​ക​പ്പ് ആ​രം​ഭി​ക്കാ​നി​രി​ക്കെ പു​രു​ഷ വി​ഭാ​ഗ​ത്തി​ൽ ര​ണ്ടാം നി​ര​യെ ആ​കും ഇ​ന്ത്യ അ​ണി​നി​ര​ത്തു​ക. വ​നി​ത വി​ഭാ​ഗ​ത്തി​ൽ പ​ക്ഷേ, ഏ​റ്റ​വും മി​ക​ച്ച ഇ​ല​വ​ൻ ത​ന്നെ​യാ​കും ഇ​റ​ങ്ങു​ക.

2010 മു​ത​ൽ ഏ​ഷ്യ​ൻ ഗെ​യിം​സി​ൽ ക്രി​ക്ക​റ്റ് മ​ത്സ​ര ഇ​ന​മാ​യു​ണ്ട്. 2014ലും ​ഇ​ത് ഉ​ൾ​പ്പെ​ടു​ത്തി​യെ​ങ്കി​ലും 2018ലെ ​ജ​ക്കാ​ർ​ത്ത ഗെ​യിം​സി​ൽ ഒ​ഴി​വാ​ക്കി. 2010ൽ ​ബം​ഗ്ലാ​ദേ​ശും 2014ൽ ​ശ്രീ​ല​ങ്ക​യു​മാ​യി​രു​ന്നു ചാ​മ്പ്യ​ന്മാ​ർ. വ​നി​ത​ക​ളി​ൽ ര​ണ്ടു ത​വ​ണ​യും പാ​കി​സ്താ​നാ​യി​രു​ന്നു വി​ജ​യി​ക​ൾ. വ​രു​ന്ന ഗെ​യിം​സി​ലെ ക്രി​ക്ക​റ്റ് മ​ത്സ​ര​ങ്ങ​ൾ​ക്ക് ഐ.​സി.​സി രാ​ജ്യാ​ന്ത​ര പ​ദ​വി ന​ൽ​കി​യി​ട്ടു​ണ്ട്. പു​രു​ഷ, വ​നി​ത മ​ത്സ​ര​ങ്ങ​ൾ ട്വ​ന്റി20 രീ​തി​യി​ലാ​കും ന​ട​ത്തു​ക.