ദക്ഷിണാഫ്രിക്കെക്കെതിരായ ടെസ്റ്റിൽ ഇന്ത്യൻ വനിതകൾക്ക് 10 വിക്കറ്റ് ജയം

ചെ​ന്നൈ: ദ​ക്ഷി​ണാ​ഫ്രി​ക്ക​ക്കെ​തി​രാ​യ ഏ​ക ക്രി​ക്ക​റ്റ് ടെ​സ്റ്റി​ൽ വ​ൻ വി​ജ​യം ആ​ഘോ​ഷി​ച്ച് ഇ​ന്ത്യ​ൻ വ​നി​ത​ക​ൾ. 10 വി​ക്ക​റ്റി​നാ​ണ് ഹ​ർ​മ​ൻ​പ്രീ​ത് കൗ​റും സം​ഘ​വും എ​തി​രാ​ളി​ക​ളെ ത​ക​ർ​ത്ത​ത്. ഫോ​ളോ ഓ​ൺ ചെ​യ്ത ദ​ക്ഷി​ണാ​ഫ്രി​ക്ക കു​റി​ച്ച 37 റ​ൺ​സ് ല​ക്ഷ്യം വി​ക്ക​റ്റ് ന​ഷ്ട​പ്പെ​ടാ​തെ നേ​ടി ആ​തി​ഥേ​യ​ർ. സ്കോ​ർ: ഇ​ന്ത്യ 603/6 ഡി​ക്ല. & 37/0, ദ​ക്ഷി​ണാ​ഫ്രി​ക്ക 266 & 373. ര​ണ്ട് ഇ​ന്നി​ങ്സി​ലു​മാ​യി 10 വി​ക്ക​റ്റ് വീ​ഴ്ത്തി​യ സ്പി​ന്ന​ർ സ്നേ​ഹ് റാ​ണ​യാ​ണ് പ്ലെ​യ​ർ ഓ​ഫ് ദ ​മാ​ച്ച്.

നാ​ലാ​മ​ത്തെ​യും അ​വ​സാ​ന​ത്തെ​യും ദി​വ​സ​മാ​യ തി​ങ്ക​ളാ​ഴ്ച രാ​വി​ലെ ര​ണ്ട് വി​ക്ക​റ്റി​ന് 232 റ​ൺ​സെ​ന്ന ശ​ക്ത​മാ​യ നി​ല​യി​ലാ​ണ് സ​ന്ദ​ർ​ശ​ക​ർ ര​ണ്ടാം ഇ​ന്നി​ങ്സ് പു​ന​രാ​രം​ഭി​ച്ച​ത്. 93 റ​ൺ​സു​മാ​യി ക്രീ​സി​ലു​ണ്ടാ​യി​രു​ന്ന ക്യാ​പ്റ്റ​നും ഓ​പ​ണ​റു​മാ​യ ലോ​റ വോ​ൾ​വാ​ർ​ട്ട് (122) സെ​ഞ്ച്വ​റി നേ​ടി.

മാ​രി​സാ​നേ കാ​പ്പ് 31 റ​ൺ​സി​ൽ മ​ട​ങ്ങി​യ​പ്പോ​ൾ 61 റ​ൺ​സ് ചേ​ർ​ത്ത നാ​ഡി​ൻ ഡി ​ക്ലെ​ർ​ക്കി​ന്റെ ബാ​റ്റി​ങ് ഇ​ന്നി​ങ്സ് തോ​ൽ​വി ഒ​ഴി​വാ​ക്കി. 373ൽ ​ദ​ക്ഷി​ണാ​ഫ്രി​ക്ക ര​ണ്ടാം ഇ​ന്നി​ങ്സ് അ​വ​സാ​നി​പ്പി​ക്കു​മ്പോ​ൾ അ​വ​ർ​ക്ക് 36 റ​ൺ​സ് ലീ​ഡു​ണ്ടാ​യി​രു​ന്നു. ഇ​ന്ത്യ​ക്കു​വേ​ണ്ടി സ്നേ​ഹ് റാ​ണ​യും ദീ​പ്തി ശ​ർ​മ​യും രാ​ജേ​ശ്വ​രി ഗെ​യ്ക് വാ​ദും ര​ണ്ട് വി​ക്ക​റ്റ് വീ​തം വീ​ഴ്ത്തി. ഒ​ന്നാം ഇ​ന്നി​ങ്സി​ൽ സ്നേ​ഹ് എ​ട്ടു​പേ​രെ മ​ട​ക്കി​യി​രു​ന്നു.

ഇ​ന്ത്യ​യു​ടെ ര​ണ്ടാം ഇ​ന്നി​ങ്സി​ൽ ഓ​പ​ണ​ർ​മാ​രാ​യ ഷ​ഫാ​ലി വ​ർ​മ​യും (30) ശു​ഭ സ​തീ​ഷും (13) പു​റ​ത്താ​കാ​തെ നി​ന്നു. ഷ​ഫാ​ലി​യു​ടെ (205) ഇ​ര​ട്ട ശ​ത​ക​വും സ്മൃ​തി മ​ന്ദാ​ന​യു​ടെ (149) സെ​ഞ്ച്വ​റി​യു​മാ​ണ് ആ​തി​ഥേ​യ​ർ​ക്ക് ഒ​ന്നാം ഇ​ന്നി​ങ്സി​ൽ കൂ​റ്റ​ൻ സ്കോ​ർ സ​മ്മാ​നി​ച്ച​ത്.