ഐ.പി.എല്ലിന്​ മത്സരക്രമമായി; ആദ്യ മത്സരം മുംബൈയും ​ചെ​ന്നൈയും തമ്മിൽ

ദുബൈ: ക്രിക്കറ്റ്​ പ്രേമികളുടെ കാത്തിരിപ്പിന്​ വിരാമമിട്ട്​ ഐ.പി.എൽ മത്സരക്രമം പുറത്തുവിട്ടു. സെപ്റ്റംബർ 19ന്​ അബുദബിയിൽ സൂപ്പർടീമുകളായ മു​ംബൈ ഇന്ത്യൻസും ചെ​െന്നെ സൂപ്പർകിങ്സും ഏറ്റുമുട്ടുന്ന മത്സരത്തോടെയാണ്​ ഐ.പി.എല്ലിന്​ തിരശ്ചീല ഉയരും. ഐ.പി.എൽ ഗവേണിങ്​ കൗൺസിലാണ്​ മത്സരക്രമം പുറത്തുവിട്ടത്​.

ടൂർണമെൻറിലെ 24 മത്സരങ്ങൾ ദുബൈയിലും 20 എണ്ണം അബുദബിയിലും 12 മത്സരങ്ങൾ ഷാർജയിലുമാണ്​ നടക്കുക. ​േപ്ല ഓഫ്​ മത്സരങ്ങളുടെയും ഫൈനൽ മത്സരങ്ങളുടെയും വേദി പിന്നീട്​ പ്രഖ്യാപിക്കും.

നിലവിലെ ചാമ്പ്യൻമാരായ മുംബൈയും റണ്ണേഴ്​സ്​ അപ്പായ ചെന്നൈയും ആദ്യമത്സരത്തിൽ കൊമ്പ​ുകോർക്കുന്നത്​ ആരാധകർക്ക്​ കളിവിരുന്നാകും. കോവിഡ്​ പ്രതിസന്ധിമൂലമാണ്​ ഐ.പി.എൽ വേദി ഇന്ത്യയിൽ നിന്നും യു.എ.ഇയിലേക്ക്​ മാറ്റിയത്​.