ഐ.പി.എൽ 2021: സെപ്​തംബറിൽ യു.എ.ഇയിൽ പുനഃരാരംഭിച്ചേക്കും; ഫൈനൽ ഒക്​ടോബർ 10ന്​

മുംബൈ: കോവിഡ്​ മൂലം നിർത്തിവെച്ച ഐ.പി.എൽ മത്സരങ്ങൾ യു.എ.ഇയിൽ പുനഃരാരംഭിക്കുമെന്ന്​ സൂചന. സെപ്​തംബർ 19ന്​ ഐ.പി.എൽ വീണ്ടും തുടങ്ങുമെന്ന വാർത്തകളാണ്​ പുറത്ത്​ വരുന്നത്​. ഒക്​ടോബർ 10നായിരിക്കും ഫൈനൽ നടക്കുക. കോവിഡ്​ രണ്ടാം തരംഗത്തെ തുടർന്ന്​ മേയ്​ നാലിനാണ്​ ഐ.പി.എൽ നിർത്തിവെച്ചത്​.

സെപ്​തംബർ 15ന്​ ടെസ്റ്റ്​ പരമ്പര പൂർത്തിയാക്കിയതിന്​ പിന്നാലെ ഇംഗ്ലണ്ട്​, ഇന്ത്യ ടീമംഗങ്ങൾ ഐ.പി.എല്ലിനായി ദുബൈയിലേക്ക്​ പറക്കും. അവിടെ മൂന്ന്​ ദിവസം ഇരു ടീമംഗങ്ങളും ക്വാറന്‍റീനിൽ കഴിയും. തുടർന്ന്​ സെപ്​തംബർ 19ന്​ മത്സരം തുടങ്ങുമെന്നാണ്​ റിപ്പോർട്ട്​.

ടെസ്റ്റ്​ സീരിസിൽ മാറ്റം വരുത്തണമെന്ന്​ ആവശ്യപ്പെട്ട്​ ബി.സി.സി.ഐ ഇതുവരെ ഇംഗ്ലണ്ട്​ ക്രിക്കറ്റ്​ ബോർഡിന്​ കത്ത്​ നൽകിയിട്ടില്ല. അതുകൊണ്ട്​ ഐ.പി.എല്ലിനായി സെപ്​തംബർ 15നായിരിക്കും​ ടീമംഗങ്ങൾ യു.എ.ഇലെത്തുകയെന്നാണ്​ സൂചന.