​​റൈസിങ്​ പുണെ സൂപ്പർ ജയൻറ്​സിനെ കടത്തിവെട്ടുമോ ? െഎ.പി.എൽ പുതിയ ടീമിനായി ചരടുവലിച്ച്​ അദാനി ഗ്രൂപ്പ്​

ന്യൂഡൽഹി: അടുത്ത വർഷം ഐ.പി.എൽ പൂരത്തിന്​ മാറ്റുകൂട്ടാൻ ഒരു പുതിയ ടീമുകൂടിയുണ്ടാവുമെന്ന്​ ബി.സി.സി.ഐ സൂചന നൽകിയപ്പോൾ, 'ഹോട്ട്​ ടിക്കറ്റ്​' ലഭിക്കാനായി അദാനി ഗ്രൂപ്പ്​ ചരടുവലി തുടങ്ങി. അഹ്​മദാബാദ്​ കേ​ന്ദ്രമാക്കിയാവും അദാനി ഗ്രൂപ്പ്​ പുതിയ ടീമിനെ ഒരുക്കുന്നത്​. നേരത്തെ ടൂർണമെൻറിലുണ്ടായിരുന്ന റൈസിങ്​ പൂണെ സൂപ്പർ ജയൻറ്​സി​െൻറ ഉടമ ഗോയങ്ക ഗ്രൂപ്പും ഈ ഫ്രാഞ്ചൈസിക്കായി രംഗത്തുണ്ട്​.

ഡിസംബറിൽ വാർഷിക ജനറൽ ബോഡി മീറ്റിങ്ങിലാണ്​ ബി.സി.സി.ഐ ഇക്കാര്യം ഔദ്യോഗികമായി തീരുമാനിക്കുക. മറ്റു ചില‌‌ ബിസിനസ് ഗ്രൂപ്പുകളും പുതുതായി വരുന്ന ഐ.പി.എൽ ടീം ലഭിക്കാനായി പിന്നാലെ കൂടുന്നുണ്ട്​.

അതേസമയം, രണ്ട് ടീമുകൾക്ക്​ കൂടി പുതുതായി അനുമതി നൽകുമെന്ന സൂചനകളും പുറത്തുവരുന്നുണ്ട്​. രണ്ടു ടീമുകളെ ഉൾപ്പെടുത്താൻ ബി.സി.സി.ഐ തീരുമാനിക്കുകയാണെങ്കിൽ അടുത്ത സീസണ് മുമ്പായി മെഗാ താരലേലമുണ്ടാവും.

മലയാളത്തി​െൻറ സൂപ്പർ താരം മോഹൻലാലും ടീമിനായി ശ്രമം നടത്തുന്നുണ്ടെന്ന വാർത്തയും പുറത്തുവരുന്നുണ്ട്​. ഐ.പി.എൽ ഫൈനൽ കാണാൻ ബി.സി.സി.ഐ ക്ഷണപ്രകാരം താരം സ്​റ്റേഡിയത്തിൽ എത്തിയിരുന്നു.