ഐ.പി.എൽ സെപ്​തംബറിൽ പുനഃരാരംഭിക്കും; ഫൈനൽ ഒക്​ടോബർ 15ന്​

ന്യൂഡൽഹി: കോവിഡി​െൻറ രണ്ടാം തരംഗം മൂലം താൽക്കാലികമായി നിർത്തിവെച്ച ഐ.പി.എൽ മത്സരങ്ങൾ സെപ്​തംബർ 19ന്​ പുനഃരാരംഭിക്കുമെന്ന്​ സൂചന. യു.എ.ഇയിലായിരിക്കും മത്സരങ്ങൾ നടക്കുക. ഇതുമായി ബന്ധപ്പെട്ട ചർച്ചകൾ ബി.സി.സി.ഐയും എമിറേറ്റസ്​ ക്രിക്കറ്റ്​ ബോർഡും തമ്മിൽ പുരോഗമിക്കുകയാണ്​. ദുബൈ, അബുദാബി, ഷാർജ തുടങ്ങിയ നഗരങ്ങളിലായിരിക്കും ടൂർണമെൻറ്​ നടക്കുക.

25 ദിവസത്തിനുള്ളിലായിരിക്കും ഐ.പി.എല്ലിലെ ശേഷിക്കുന്ന മത്സരങ്ങൾ പൂർത്തിയാക്കുക. വിദേശതാരങ്ങളെ ഉറപ്പാക്കാൻ വിവിധ ക്രിക്കറ്റ്​ ബോർഡുകളുമായി ​ ബി.സി.സി.ഐ ചർച്ചകൾക്ക്​ തുടക്കം കുറിച്ചുവെന്ന റിപ്പോർട്ടുകളും പുറത്ത്​ വരുന്നുണ്ട്​. ട്വൻറി 20 ലോകകപ്പ്​ ഉൾപ്പടെ നടക്കുന്ന സാഹചര്യത്തിൽ എത്രത്തോളം വിദേശതാരങ്ങൾ ടൂർണമെൻറിനെത്തുമെന്നത്​ സംബന്ധിച്ച്​ ആശങ്കയുണ്ട്​.

ഇംഗ്ലണ്ട്​ താരങ്ങൾ ടൂർണമെൻറിനെത്തി​ല്ലെന്നാണ്​ സൂചന. ഇത്​ ചില ഐ.പി.എൽ ടീമുകളെ കടുത്ത പ്രതിസന്ധിയിലേക്ക്​ തള്ളിവിടും.