മയേഴ്സിന്റെ വെടിക്കെട്ട്, തീതുപ്പി മാർക് വുഡ്: ഡൽഹിയെ 50 റൺസിന് തകർത്ത് ലഖ്നോ

ല​ഖ്നോ: ഐ.​പി.​എ​ല്ലി​ൽ ഇന്ന് ന​ട​ന്ന ര​ണ്ടാം മ​ത്സ​ര​ത്തി​ൽ ഡ​ൽ​ഹി കാ​പി​റ്റ​ൽ​സി​നെതിരെ 50 റൺസിന്റെ മിന്നും ജയം നേടി ല​ഖ്നോ സൂ​പ്പ​ർ ജ​യ​ന്റ്സ്. ലഖ്നോ ഉയർത്തിയ 194 റ​ൺ​സ് വി​ജ​യ​ല​ക്ഷ്യം പിന്തുടർന്ന ഡൽഹിക്ക് 20 ഓവറിൽ ഒമ്പത് വിക്കറ്റ് നഷ്ടത്തിൽ 143 റൺസ് എടുക്കാനേ കഴിഞ്ഞുള്ളൂ. അഞ്ച് വിക്കറ്റുമായി പേസ് ബോളര്‍ മാര്‍ക്ക് വുഡാണ് ലഖ്നോവിന്റെ വിജയം എളുപ്പമാക്കിയത്. നാലോവറില്‍ 14 റണ്‍സ് മാത്രം വഴങ്ങിയാണ് വുഡ് അഞ്ച് വിക്കറ്റ് വീഴ്ത്തിയത്.

ടോ​സ് നേ​ടി​യ ഡ​ൽ​ഹി നാ​യ​ക​ൻ ഡേ​വി​ഡ് വാ​ർ​ണ​ർ ഫീ​ൽ​ഡി​ങ് തി​ര​ഞ്ഞെ​ടു​ത്ത​തോ​ടെ ബാ​റ്റി​ങ്ങി​നി​റ​ങ്ങി​യ ആ​തി​ഥേ​യ​ർ 20 ഓ​വ​റി​ൽ ആ​റു വി​ക്ക​റ്റി​നാ​ണ് 193 റ​ൺ​സ് അ​ടി​ച്ച​ത്. ഏ​ഴു സി​ക്സും ര​ണ്ടു ഫോ​റു​മ​ട​ക്കം 38 പ​ന്തി​ൽ 73 റ​ൺ​സ് സ്കോ​ർ ചെ​യ്ത ഓ​പ​ണ​ർ കൈ​ൽ മ​യേ​ഴ്സാ​ണ് ടോ​പ് സ്കോ​റ​ർ. നി​കോ​ളാ​സ് പു​രാ​ൻ 21 പ​ന്തി​ൽ 36 റ​ൺ​സ് നേ​ടി.

മറുപടി ബാറ്റിങ്ങിൽ ഡൽഹി ബാറ്റിങ് നിര വിയർക്കുന്ന കാഴ്ചയായിരുന്നു. നായകൻ വാർണർ (48 പന്തിൽ 56), റിലീ റോസോ (20 പന്തിൽ 30) എന്നിവരൊഴിച്ച് ബാക്കിയെല്ലാവരും പരാജയമായി.

ടോസ് നഷ്ടമായി ബാറ്റേന്തേണ്ടി വന്ന ലഖ്നോ തുടക്കം മുതലേ തകർത്തടിയായിരുന്നു. 12 പ​ന്തി​ൽ എ​ട്ടു റ​ൺ​സ് മാ​ത്രം ചേ​ർ​ത്ത ഓ​പ​ണ​റും നാ​യ​ക​നു​മാ​യ കെ.​എ​ൽ. രാ​ഹു​ലി​നെ നാ​ലാം ഓ​വ​റി​ൽ ന​ഷ്ട​മാ​യെ​ങ്കി​ലും ദീ​പ​ക് ഹൂ​ഡ​യെ കാ​ഴ്ച​ക്കാ​ര​നാ​ക്കി മ​യേ​ഴ്സ് ത​ക​ർ​ത്ത​ടി​ച്ചു. 18 പ​ന്തി​ൽ 17 റ​ൺ​സെ​ടു​ത്ത ഹൂ​ഡ പു​റ​ത്താ​വു​മ്പോ​ൾ സ്കോ​ർ 11 ഓ​വ​റി​ൽ ര​ണ്ടി​ന് 98. തൊ​ട്ട​ടു​ത്ത ഓ​വ​റി​ൽ മ​യേ​ഴ്സി​നെ അ​ക്സ​ർ പ​ട്ടേ​ൽ ബൗ​ൾ​ഡാ​ക്കി. 10 പ​ന്തി​ൽ 12 റ​ൺ​സ് നേ​ടി​യ മാ​ർ​ക​സ് സ്റ്റോ​യ്നി​സ് 15ാം ഓ​വ​റി​ൽ പു​റ​ത്താ​വു​മ്പോ​ൾ സ്കോ​ർ നാ​ലി​ന് 117. മ​റു​ഭാ​ഗ​ത്ത് പു​രാ​ൻ ന​ട​ത്തി​യ വെ​ടി​ക്കെ​ട്ടും പി​ന്നാ​ലെ ആ​യു​ഷ് ബ​ദോ​നി​യു​ടെ (7 പ​ന്തി​ൽ 18) ഉ​ഗ്ര​ന​ടി​ക​ളു​മാ​ണ് ല​ഖ്നോ​യെ മി​ക​ച്ച ടോ​ട്ട​ലി​ലേ​ക്ക് ന​യി​ച്ച​ത്. ക്രു​നാ​ൽ പാ​ണ്ഡ്യ 13 പ​ന്തി​ൽ 15 റ​ൺ​സു​മാ​യി പു​റ​ത്താ​വാ​തെ നി​ന്നു. അ​വ​സാ​ന പ​ന്തി​നു​വേ​ണ്ടി ഇ​റ​ങ്ങി​യ കൃ​ഷ്ണ​പ്പ ഗൗ​തം സി​ക്സ​ർ പ​റ​ത്തി​യാ​ണ് സ്കോ​ർ 193ലെ​ത്തി​ച്ച​ത്.