ഫൈനൽ മേയ് 26ന് ചെന്നൈയിൽ; ഐ.പി.എൽ മുഴുവൻ മത്സരക്രമവും പുറത്തുവിട്ടു

മുംബൈ: ഐ.പി.എല്ലിലെ മുഴുവൻ മത്സരക്രമവും ബി.സി.സി.ഐ പുറത്തുവിട്ടു. മേയ് 26ന് ചെന്നൈ എം.എ ചിദംബരം സ്റ്റേഡിയത്തിലാണ് ഫൈനൽ മത്സരം നടക്കുക. പാർലമെന്‍റ് തെരഞ്ഞെടുപ്പ് നടക്കുന്നതിനാല്‍ ഏപ്രില്‍ ഏഴ് വരെയുള്ള 21 മത്സരങ്ങളുടെ സമയക്രമം മാത്രമായിരുന്നു നേരത്തെ പുറത്തു വിട്ടിരുന്നത്.

ഏപ്രിൽ എട്ടിന് ചെന്നൈ-കൊൽക്കത്ത മത്സരം നടക്കും. സഞ്ജുവിന്‍റെ രാജസ്ഥാൻ റോയൽസ് ഏപ്രിൽ 10നാണ് ഗുജറാത്ത് ടൈറ്റൻസുമായി ഏറ്റുമുട്ടുക. ആരാധകരേറെയുള്ള മുംബൈ-ബംഗളൂരു മത്സരം ഏപ്രിൽ 11നാണ്. മറ്റൊരു പ്രധാന പോരാട്ടമായ മുംബൈ-ചെന്നൈ മത്സരം ഏപ്രിൽ 14നാണ്.

ലീഗ് ഘട്ടത്തിൽ ആകെ 70 മത്സരങ്ങളാണുള്ളത്. മേയ് 21ന് അഹമ്മദാബാദിലാണ് ആദ്യ ക്വാളിഫയർ മത്സരം. 22ന് ഇവിടെ എലിമിനേറ്റർ മത്സരവും നടക്കും. രണ്ടാം ക്വാളിഫയർ 24ന് ചെന്നൈയിലാണ്.