ഡൽഹിക്കെതിരെ ചെന്നൈ സൂപ്പർ കിങ്സിന് 91 റൺസിന്‍റെ കൂറ്റൻ ജയം

മും​ബൈ: തൃ​ശൂ​രി​ല​ല്ല, മും​ബൈ ഡി.​വൈ പാ​ട്ടീ​ൽ സ്റ്റേ​ഡി​യ​ത്തി​ലാ​യി​രു​ന്നു പൂ​രം വെ​ടി​ക്കെ​ട്ട്. 10 സി​ക്സ​റു​ക​ൾ. 17 ബൗ​ണ്ട​റി​ക​ൾ. ഡെ​വോ​ൺ കോ​ൺ​വോ​യി​യു​ടെ സാ​മ്പി​ൾ വെ​ടി​ക്കെ​ട്ടും അ​വ​സാ​ന ഓ​വ​റു​ക​ളി​ൽ നാ​യ​ക​ൻ മ​ഹേ​ന്ദ്ര സി​ങ് ധോ​ണി​യു​ടെ മി​ന്ന​ൽ​പ്പി​ണ​രും മൊയീൻ അലിയുടെ സ്പിൻ മാജികും ചേർന്നപ്പോൾ ഡൽഹി ക്യാപിറ്റൽസിനെതിരെ ചെന്നൈ സൂപ്പർ കിങ്സിന് 91 റൺസിന്റെ കൂറ്റൻ ജയം. സ്കോർ: ചെന്നൈ ആറിന് 208. ഡൽഹി 117ന് ആൾ ഔട്ട്.

209 റൺസ് ലക്ഷ്യം മുന്നിൽ കണ്ടിറങ്ങിയ ഡൽഹിക്ക് തുടക്കം മുതലേ വിക്കറ്റുകൾ പൊഴിഞ്ഞുകൊണ്ടിരുന്നു. 25 റൺസെടുത്ത മിച്ചൽ മാർഷാണ് ടോപ് സ്കോറർ. മൊയീൻ അലിയുടെ മൂന്ന് വിക്കറ്റിനു പുറമെ മുകേഷ് ചൗധരി, സിമർജീത് സിങ്, ഡ്വൈൻ ബ്രാവോ എന്നിവർ രണ്ട് വിക്കറ്റ് വീതം വീഴ്ത്തി.

ടോ​സ് ന​ഷ്ട​മാ​യി ബാ​റ്റി​ങ്ങി​ന് വി​ധി​ക്ക​പ്പെ​ട്ട ചെ​​ന്നൈ​യു​ടെ ആ​ദ്യ വി​ക്ക​റ്റ് വീ​ണ​ത് 110 റ​ൺ​സി​ൽ. ക​ഴി​ഞ്ഞ ക​ളി​യി​ൽ ഒ​രു റ​ണ്ണി​ന് സെ​ഞ്ച്വ​റി ന​ഷ്ട​മാ​യ ഋ​തു​രാ​ജ് ഗെ​യ്ക്‍വാ​ദും ന്യൂ​സി​ല​ൻ​ഡ് താ​രം ഡെ​വോ​ൺ കോ​ൺ​വാ​യി​യും ത​ക​ർ​ത്ത​ടി​ച്ച​പ്പോ​ൾ ഡ​ൽ​ഹി നി​ഷ്പ്ര​ഭ​രാ​യി. ഈ ​സീ​സ​ണി​ൽ മി​ക​ച്ച രീ​തി​യി​ൽ പ​ന്തെ​റി​യു​ന്ന ഖ​ലീ​ൽ അ​ഹ​മ്മ​ദ് ഒ​ഴി​കെ​യു​ള്ള ബൗ​ള​ർ​മാ​രെ​ല്ലാം മാ​ര​ക​മാ​യി ത​ല്ലു​വാ​ങ്ങി. സി​ക്സ​റു​ക​ൾ ത​ല​ക്കു മു​ക​ളി​ലൂ​ടെ ഗാ​ല​റി സ​ന്ദ​ർ​ശി​ച്ചു. 33 പ​ന്തി​ൽ 41 റ​ൺ​സെ​ടു​ത്ത ഗെ​യ്ക്‍വാ​ദ് ഒ​രു സി​ക്സ​റും നാ​ല് ബൗ​ണ്ട​റി​യും പാ​യി​ച്ച് പു​റ​ത്താ​യി. പി​ന്നീ​ട് വ​ന്ന ശി​വം ദു​ബെ​യും ര​ണ്ടും ക​ൽ​പി​ച്ചാ​യി​രു​ന്നു. അ​ർ​ധ സെ​ഞ്ച്വ​റി ക​ട​ന്ന കോ​ൺ​വാ​യ് 49 പ​ന്തി​ൽ 87 റ​ൺ​സെ​ടു​ത്ത് ഖ​ലീ​ൽ അ​ഹ​മ്മ​ദി​ന് വി​ക്ക​റ്റ് ന​ൽ​കി പു​റ​ത്താ​യി. ഋ​ഷ​ഭ് പ​ന്തി​ന് ക്യാ​ച്ച്. 19 പ​ന്ത് നേ​രി​ട്ട ശി​വം ദു​ബെ ര​ണ്ടു വീ​തം സി​ക്സും ബൗ​ണ്ട​റി​യു​മ​ട​ക്കം 32 റ​ൺ​സെ​ടു​ത്ത് മി​ച്ച​ൽ മാ​ർ​ഷി​ന്റെ പ​ന്തി​ൽ പു​റ​ത്താ​യി. പി​ന്നീ​ടാ​യി​രു​ന്നു ധോ​ണി​യു​ടെ വെ​ടി​ക്കെ​ട്ട്. വെ​റും എ​ട്ടു പ​ന്ത് നേ​രി​ട്ട ധോ​ണി ര​ണ്ട് സി​ക്സ​റും ബൗ​ണ്ട​റി​യു​മാ​യി 21 റ​ൺ​സെ​ടു​ത്ത് പു​റ​ത്താ​കാ​തെ നി​ന്നു.