മുംബൈയെ തകർത്ത്​ ബാംഗ്ലൂർ; അനായാസ ജയം, കോ​ഹ്​​ലി​ക്ക്​ പ​തി​നാ​യി​രം

ദു​ബൈ: ഇന്ത്യൻ ക്യാപ്​റ്റൻ വിരാട്​ കോഹ്​ലി ട്വൻറി20യിൽ 10,000 റൺസ്​ തൊട്ട്​ വീണ്ടും ചരിത്രംകുറിച്ച ദിനത്തിൽ ബാംഗ്ലൂരിന്​ അനായാസ ജയം. മുംബൈ പ്രതീക്ഷക​ളുടെ ചിറകരിഞ്ഞ ഹാട്രിക്കുമായി ഹർഷൽ പ​ട്ടേൽ നിറഞ്ഞാടിയ കളിയിൽ മുംബൈ ഇന്ത്യൻസിനെ 54 റൺസിനാണ്​ ബംഗളൂരു തകർത്തത്​. സ്​കോർ: ബാംഗ്ലൂർ: 165/6, മുംബൈ: 111ന്​ എല്ലാവരും പുറത്ത്​.

ആദ്യം ബാറ്റു ചെയ്​ത ബാംഗ്ലൂരിനായി 13 റൺസ്​ എടുത്തപ്പോഴാണ്​ കോഹ്​ലി 10,000 റൺസ്​ കടന്നത്​. കോഹ്​ലിയുടെയും ഗ്ലെൻ മാക്​സ്​വെല്ലി​െൻറയും അർധ സെഞ്ച്വറിയിൽ മുംബൈക്കു മുന്നിൽ ബാംഗ്ലൂർ ഉയർത്തിയത്​ 166 റൺസി​െൻറ ലക്ഷ്യം.

42 പന്തിൽനിന്നാണ്​ കോഹ്​ലി 51 റൺസെടുത്തത്​. കോഹ്​ലിയുടെ തുടർച്ചയായ രണ്ടാം അർധശതകമാണ്​. 37 പന്തിൽ നിന്ന്​​ മാക്​സ്​വെൽ 56 റൺസ്​ നേടി​. ടോസ്​ നേടിയ മുംബൈ ക്യാപ്​റ്റൻ രോഹിത്​ ശർമ റോയൽ ചലഞ്ചേഴ്​സിനെ ബാറ്റിങ്ങിനിറക്കുകയായിരുന്നു. 20 ഓവറിൽ ആറു​ വിക്കറ്റ്​ നഷ്​ടത്തിലാണ്​ ബാംഗ്ലൂർ 165 റൺസെടുത്തത്​.