പട നയിച്ച്​ പടിക്കലും കോഹ്​ലിയും; രാജസ്​ഥാനെ എട്ടു വിക്കറ്റിന്​ തോൽപിച്ച്​ ബാംഗ്ലൂർ

അബൂദബി: മൂന്നാം അർധസെഞ്ച്വറിയുമായി മലായാളി താരം ദേവ്​ദത്ത്​ പടിക്കലും (63), ആദ്യമായി ഫോമിലേക്കുയർന്ന ക്യാപ്​റ്റൻ വിരാട്​ കോഹ്​ലിയും (72*) മിന്നിച്ചപ്പോൾ രാജസ്​ഥാൻ റോയൽസിനെതിരെ ബാംഗ്ലൂർ റോയൽ ചാലഞ്ചേഴ്​സിന്​ അനായാസ ജയം. ആദ്യം ബാറ്റു ചെയ്​ത രാജസ്​ഥാൻ നേടിയ 154 റൺസ്​ രണ്ടു വിക്കറ്റ്​ നഷ്​ടത്തിലാണ് അഞ്ചു പന്ത്​ ​േശഷിക്കെ​ ബാംഗ്ലൂർ മറികടന്നത്​.

സ്​കോർ:

• രാജസ്​ഥാൻ റോയൽസ്​ 154/6(20 ഓവർ).
• ബാംഗ്ലൂർ റോയൽ ചാലഞ്ചേഴ്​സ്​: 158/2(19.1)

ടോസ്​ നേടി ബാറ്റിങ്​ തെരഞ്ഞെടുത്ത രാജസ്​ഥാനെ 154 റൺസിന്​ ഒതുക്കിയപ്പോൾ തന്നെ കോഹ്​ലിപ്പട കളിയിൽ മേധാവിത്വം നേടിയിരുന്നു. ചെറിയ വിജയലക്ഷ്യം മറികടക്കാൻ ഇറങ്ങിയ ബാംഗ്ലൂരിന്​ ആരോൺ ഫിഞ്ചിനെ (8) പെ​ട്ടെന്ന്​ നഷ്​ട​മായെങ്കിലും മലയാളി താരം ദേവ്​ദത്ത്​ പടിക്കലും ക്യാപ്​റ്റൻ വിരാട്​ കോഹ്​ലിയും സെഞ്ച്വറി കൂട്ടുകെട്ടുമായി മൂന്നാം ജയം ഒരുക്കി. ഒരു സിക്​സും ആറു ഫോറും ഉൾപ്പെടെ 45 പന്തിലായിരുന്നു പടിക്കൽ 63 റൺസെടുത്തത്​. സ്​കോർ 124 ൽ എത്തു​േമ്പാൾ പടിക്കൽ മടങ്ങിയെങ്കിലും കോഹ്​ലി പുറത്താകാതെ എ.ബി ഡിവില്ലിയേഴ്​സിനെ(12) കൂട്ടുപിടിച്ച്​ കളി ജയിപ്പിച്ചു. രണ്ടു സിക്​സും ഏഴുഫോറും ഉൾപ്പെടെ 53 പന്തിലായിരുന്നു കോഹ്​ലി 72 റൺസ്​ എടുത്തത്​.

നേരത്തെ, ആദ്യം ബാറ്റു ചെയ്​ത രാജസ്​ഥാൻ നിരയിൽ നെട​ുന്തൂണായിരുന്ന മുൻനിര താരങ്ങളെല്ലാം ബാംഗ്ലൂർ ബൗളിങ്ങ്​​ മികവിന്​ മുന്നിൽ തകർന്നടി​ഞ്ഞപ്പോൾ പ്രതീക്ഷിച്ച സ്​കോറിലേക്കെത്താതെ തളരുകയായിരുന്നു. ഒരു ഘട്ടത്തിൽ വൻ പതനം മണത്തിരുന്ന ടീമിനെ ഒറ്റക്ക്​ താങ്ങി രാജസ്​ഥാൻകാരൻ തന്നെയായ മഹിപാൽ ലോംറോറാണ് ​(39 പന്തിൽ 47) പൊരുതാവുന്ന സ്​കോറിലേക്ക്​ എത്തിച്ചത്​. മൂന്ന്​ വിക്കറ്റ്​ വീഴ്​ത്തിയ യുസ്​വേന്ദ്ര ചഹൽ, ഇശുറു ഉദാന (രണ്ടു വിക്കറ്റ്​), നവദീപ്​ സൈയ്​നി( ഒരു വിക്കറ്റ്​) എന്നിവരാണ്​ രാജസ്​ഥാ​െൻറ നടുവൊടിച്ചത്​.

മികച്ച കൂട്ടുകെട്ടിന്​ ക്യാപ്​റ്റൻ സ്​റ്റീവ്​ സ്​മിത്തും ജോസ്​ ബട്ട്​ലറും ശ്രമിക്കുന്നതിനിടയിൽ മൂന്നാം ഒാവറിലാണ്​ ബാംഗ്ലൂർ റോയൽ ചലഞ്ചേഴ്​സ്​ കളി വരുതിയിലാക്കുന്നത്​. ആദ്യം സ്​റ്റീവ്​ സ്​മിത്ത്​(5), പിന്നാലെ ജോസ്​ബട്ട്​ലറും (22) സഞ്​ജു വി സാംസണും (4). അതിനിടക്ക്​ റോബിൻ ഉത്തപ്പയെ(17) കൂട്ടു പിടിച്ചായിരുന്നു മഹിപാലി​െൻറ (47) രക്ഷാപ്രവർത്തനം.

ആറാമനായി എത്തിയ റിയാൻ പ്രാഗും(16) മഹിപാലിന്​ പിന്തുണനൽകി. ഒടുവിൽ എത്തിയ രാഹുൽ തെവാത്തിയയും(12 പന്തിൽ 24) ജോഫ്ര ആർച്ചറും(10 പന്തിൽ 16) വീശിയടിച്ചതോടെയാണ്​ ടീം സ്​കോർ 154ലേക്ക്​ എത്തിയത്​.