വിജയിക്കാൻ 143 റൺസ് മാത്രം; ഇനി കൊൽക്കത്ത ബാറ്റ്​സ്​മാൻമാരുടെ ഊഴം

അബൂദബി: കൊൽക്കത്ത നൈറ്റ്​​റൈഡേഴ്​സി​െൻറ ബൗളർമാർ അവരുടെ ജോലി ഭംഗിയായി നിർവഹിച്ചു. ഐ.പി.എല്ലിലെ തങ്ങളുടെ രണ്ടാം മത്സരത്തിൽ സൺറൈസേഴ്​സ്​ ഹൈദരാബാദിനെ 142 റൺസിൽ പിടിച്ചുകെട്ടി.

പത്ത്​ പന്തിൽ നിന്നും അഞ്ച്​ റൺസെടുത്ത ജോണി ബെയർസ്​റ്റോയെ തുടക്കത്തിലേ നഷ്​ടമായ ശേഷം മനീഷ്​ പാണ്ഡേയും (51), ഡേവിഡ്​ വാർണറും (36) ക്രീസിൽ ഉറച്ചുനിന്നു. പക്ഷേ ഇരുവർക്കും അതിവേഗത്തിൽ സ്​കോർ നിരക്ക്​ ഉയർത്താനായില്ല. ഡേവിഡ്​ വാർണർ 30 പന്തുകളിൽ നിന്നാണ്​ 36 റൺസെടുത്തത്​. മനീഷ്​ പാണ്ഡേ 38 പന്തുകളിൽ നിന്നാണ്​ 51 റൺസെടുത്തത്​. 31 പന്തുകൾ നേരിട്ട വൃദ്ധിമാൻ സാഹക്ക്​ വെറും 30 റൺസെടുക്കാനേ ആയുള്ളൂ. വിക്കറ്റുകൾ കയ്യിലുണ്ടായിട്ടും സ്​കോർ നിരക്കുയർത്താനാകാതെ ഹൈദരാബാദ്​ ബാറ്റിങ്​ നിര ശരിക്കും വിയർത്തു.

നാലോവറിൽ 19 റൺസ്​മാത്രം വിട്ടുകൊടുത്ത്​ ഒരു വിക്കറ്റെടുത്ത പാറ്റ്​​ കമ്മിൻസ്​ ത​െൻറ മൂല്യം വെളിവാക്കി. മുംബൈക്കെതിരായ ആദ്യമത്സരത്തിൽ കമ്മിൻസ്​ പൊതിരെ തല്ലുവാങ്ങിയിരുന്നു.

ഇനി കൊൽക്കത്ത ബാറ്റിങ്​ നിരയുടെ ഊഴമാണ്​. മികച്ച ​ബൗളിങ്ങ്​ ലൈനപ്പുള്ള ഹൈദരാബാദി​െൻറ ആക്രമണത്തെ ദിനേഷ്​ കാർത്തികും കൂട്ടരും എങ്ങനെ അതിജീവിക്കുമെന്ന്​ കണ്ടറിയണം.