ഇരട്ട ശതകവും കടന്ന്​​ റൂട്ട്​; കീഴടക്കാനാവാതെ ഇംഗ്ലീഷ്​ കുതിപ്പ്​

ചെന്നൈ: സെഞ്ച്വറിത്തിളക്കത്തിൽ ഒന്നാം ദിനം ബാറ്റിങ്​ നിർത്തി ഡ്രസ്സിങ്​ റൂമിലെത്തിയ ജോ റൂട്ട്​ രണ്ടാം ദിവസം പാതിയെത്തു​േമ്പാഴേക്ക്​ ​ഇരട്ട സെഞ്ച്വറിയും പിന്നിട്ട്​ മുന്നോട്ട്​. മുനയൊടിഞ്ഞ്​ ഇന്ത്യൻ ബൗളർമാർ റൂട്ടിനെയും സഹതാരങ്ങളെയും പുറത്താക്കാൻ പാടുപെടു​േമ്പാൾ സന്ദർശക ബാറ്റിങ്​ അതിവേഗം റൺ വാരിക്കൂട്ടുകയാണ്​.

ഒന്നാം ദിനം അവസാന ഓവറിൽ ഡോം സിബ്​ലി വീണതോടെ കളിയിൽ തിരിച്ചെത്തിയെന്നു പ്രതീക്ഷിച്ച ആതിഥേയർക്ക്​ കാര്യമായ അവസരം നൽകാതെയാണ്​ ഇംഗ്ലീഷ്​ ബാറ്റിങ്​ നിര കുതിക്കുന്നത്​. നാലാമനായി ഇറങ്ങിയ ബെൻ സ്​റ്റോക്​സ്​ 118 പന്ത്​ നേരിട്ട്​ 82 റൺസെടുത്ത്​ റൂട്ടിന്​ മികച്ച പിന്തുണ നൽകി. 209 റൺസുമായി കണ്ണഞ്ചും ബാറ്റിങ്​​ തുടരുന്ന റൂട്ടിന്​ പിന്തുണയുമായി ഓലി പോപ്​ 24 റൺസെടുത്ത്​ മൈതാനത്തുണ്ട്​. അവസാനം റിപ്പോർട്ട്​ ചെയ്യു​േമ്പാൾ നാലു വിക്കറ്റ്​ നഷ്​ടത്തിൽ 469 റൺസെടുത്ത്​ കളി തുടരുകയാണ്​ ഇംഗ്ലണ്ട്​​. ബെൻ സ്​റ്റോക്​സിനെ നദീം വീഴ്​ത്തിയതാണ്​ ഇന്ത്യക്ക്​ ഏക ആശ്വാസം.

റൂട്ട്​ ശനിയാഴ്​ച 150 റൺസ്​ പൂർത്തിയാക്കിയതോടെ തന്നെ അത്രയും റൺസും അതിലേറെയും ഏറ്റവും കൂടുതൽ സ്വന്തമാക്കിയ വിരാട്​ കോഹ്​ലിയുടെ റെക്കോഡിനൊപ്പമെത്തിയിട്ടുണ്ട്​.

ശ്രീലങ്കക്കെതിരെ കഴിഞ്ഞ ദിവസങ്ങളിൽ നടന്ന രണ്ടു ടെസ്​റ്റുകളിലും റൂട്ട്​ മികച്ച പ്രകടനം കാഴ്​ചവെച്ചിരുന്നു. ഒരു ഇരട്ട ശതകം നേടിയ താരം ഒരു സെഞ്ച്വറിയും നേടി. 100ാം ടെസ്​റ്റിനിറങ്ങിയ റൂട്ട്​ അംലക്കു ശേഷം 100ാം ടെസ്​റ്റിൽ സെഞ്ച്വറി നേടുന്ന താരവുമായി.