സൂപ്പർ ടൈഡേ, ഇഞ്ചോടിഞ്ചിൽ വിജയം നെഞ്ചോടടക്കി പഞ്ചാബ്​

നിശ്ചിത സ്​കോർ ടൈ, സൂപ്പർ ഓവറും ടൈ, പിന്നെ മത്സരം അടുത്ത സൂപ്പർ ഓവറിലേക്ക്​. ഒരു വശത്ത്​ ട്രെൻറ്​ ബോൾട്ടും ജസ്​പ്രീത്​ ബുമ്രയും മറുവശത്ത് മുഹമ്മദ്​​ ഷമിയും ക്രിസ്​ ജോർദാനും അണിനിരന്ന്​ യോർക്കർ യുദ്ധം നടത്തിയപ്പോൾ ക്രിക്കറ്റ്​ പ്രേമികൾക്ക്​ ലഭിച്ചത്​ ട്വൻറി 20 ക്രിക്കറ്റി​െൻറ സർവ്വ സൗന്ദര്യവും അലിഞ്ഞുചേർന്ന ഒന്നാന്തരമൊരു മത്സരം. ഒടുവിൽ ഇഞ്ചോടിഞ്ച്​ പോരാട്ടത്തിൽ പഞ്ചാബ്​ മത്സരം നെഞ്ചോടടക്കി. രണ്ടാം സൂപ്പർ ഓവറിൽ മുംബൈ ഇന്ത്യൻസ്​ മുന്നോട്ടുവെച്ച 12 റൺസ് വിജയലക്ഷ്യം പഞ്ചാബ് നാലു പന്തുകൾ ബാക്കിനിൽക്കെ മറികടക്കുകയായിരുന്നു.

ടോസ്​ നേടി ബാറ്റിങ്​ തെരഞ്ഞെടുത്ത മുംബൈ ക്വിൻറൺ ഡീകോക്കി​െൻറ അർധ സ്വെഞ്ച്വറിയുടെ (53) മികവിൽ 176 റൺസെടുത്തു. 77 റൺസുമായി നായകൻ കെ.എൽ രാഹുൽ മുന്നിൽ നിന്ന്​ പൊരുതിയതോടെയാണ്​ പഞ്ചാബ്​ ഒപ്പത്തിനൊപ്പമെത്തിയത്​. 51 പന്തിൽ ഏഴ്​ ഫോറും മൂന്ന്​ സിക്​സുമടങ്ങുന്നതായിരുന്നു രാഹുലി​െൻറ കിടിലൻ ഇന്നിങ്​സ്​. ക്രിസ്​ ഗെയിലും നിക്കോളാസ്​ പുരാനും 24 റൺസ്​ വീതമെടുത്തു. നാല്​ ഒാവറിൽ 24 റൺസ്​ വഴങ്ങി മൂന്ന്​ വിക്കറ്റുകൾ പിഴുത ജസ്​പ്രീത്​ ബുംറ പഞ്ചാബിന്​ വലിയ തലവേദനയാണ്​ സൃഷ്​ടിച്ചത്​.

ക്വിൻറൺ ഡീക്കോക്കിന്​ പുറമേ, മുംബൈക്ക്​ വേണ്ടി ക്രുണാൽ പാണ്ഡ്യയും കീറോൺ പൊള്ളാർഡും 34 റൺസ്​ വീതമെടുത്തു. 12 പന്തിൽ നാല്​ സിക്​സും ഒരു ബൗണ്ടറിയുമടങ്ങുന്നതായിരുന്നു വിൻഡീസ്​ താരത്തി​െൻറ ഇന്നിങ്​സ്​. നായകൻ രോഹിത്​ ശർമ എട്ട്​ പന്തിൽ ഒമ്പത്​ റൺസ്​ മാത്രമെടുത്ത്​ പുറത്തായി. അവസാന അഞ്ച്​ ഒാവറിൽ നേടിയ 62 റൺസാണ്​ മുംബൈക്ക്​ പൊരുതാവുന്ന സ്​കോർ സമ്മാനിച്ചത്​. പഞ്ചാബ്​ ബൗളർമാരിൽ മുഹമ്മദ്​ ഷമിയും അർഷ്​ദീപ്​ സിങ്ങും രണ്ടുവീതം വിക്കറ്റുകളെടുത്തു.