ഈഡൻ ഗാർഡൻസിൽ ആകാശം തെളിഞ്ഞു; ഐ.പി.എൽ ഉദ്ഘാടന ചടങ്ങുകൾ തുടങ്ങി

കൊൽക്കത്ത: ഐ.​പി.​എ​ൽ 18ാം സീ​സ​ൺ ഉദ്ഘാടന ചടങ്ങുകൾ കൊൽക്കത്തയിലെ ഈഡൻ ഗാർഡൻസ് സ്റ്റേഡിയത്തിൽ തുടങ്ങി. ഉദ്ഘാടന മത്സരത്തിന് മഴഭീഷണിയുണ്ടെങ്കിലും വൈകീട്ടോടെ ആകാശം തെളിഞ്ഞു. ശ്രേ​യ ഘോ​ഷാ​ലും ക​ര​ൺ ഓ​ജ്‍ല​യു​മ​ട​ക്കം താ​ര​നി​ര അ​ണി​നി​ര​ക്കു​ന്ന ഉ​ദ്ഘാ​ട​ന ച​ട​ങ്ങുകൾ പുരോഗമിക്കുകയാണ്.

നി​ല​വി​ലെ ചാ​മ്പ്യ​ന്മാ​രും ആ​തി​ഥേ​യ​രു​മാ​യ കൊ​ൽ​ക്ക​ത്ത നൈ​റ്റ് റൈ​ഡേ​ഴ്സും റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു​വും ത​മ്മി​ലാ​ണ് ഉ​ദ്ഘാ​ട​ന പോ​രാ​ട്ടം. ഉദ്ഘാടന ചടങ്ങുകൾക്ക് ശേഷം വൈകീട്ട് 7.30നാണ് മത്സരം ആരംഭിക്കുക.

കൊൽക്കത്ത ഉൾപ്പെടെയുള്ള മേഖലയിൽ ഇന്നും കേന്ദ്ര കാലാവസ്ഥ വകുപ്പിന്‍റെ ഓറഞ്ച് അലർട്ടുണ്ട്. മഴ പെയ്ത് മത്സരം ഉപേക്ഷിക്കുകയാണെങ്കിൽ ഇരു ടീമുകൾക്കും ഓരോ പോയിന്‍റ് വീതം വീതിച്ചുനൽകും. പ്ലേഓഫും ഫൈനലും പോലെ ഗ്രൂപ് ഘട്ടത്തിലെ മത്സരങ്ങൾക്ക് റിസർവ് ദിനമില്ല.

ഏ​റ്റ​വും ക​രു​ത്ത​രാ​യ ര​ണ്ട് ടീ​മു​ക​ളാണ് ഉദ്ഘാടന മത്സരത്തിൽ മു​ഖാ​മു​ഖം വ​രുന്നത്. മൂ​ന്നു​ത​വ​ണ ചാ​മ്പ്യ​ന്മാ​രാ​യ ടീമാണ് കൊ​ൽ​ക്ക​ത്ത. കരുത്തരാണെ​ങ്കി​ലും ഒ​രി​ക്ക​ൽ പോലും കിരീടനേട്ടം സ​ഫ​ല​മാ​ക്കാ​നാ​കാ​ത്ത​വ​രാ​ണ് റോ​യ​ൽ ച​ല​ഞ്ചേ​ഴ്സ് ബം​ഗ​ളൂ​രു. ര​ഹാ​നെ​ക്കു കീ​ഴി​ൽ വ​രു​ൺ ച​ക്ര​വ​ർ​ത്തി​യെ​ന്ന ചാ​ട്ടു​ളി​യെ ഇ​റ​ക്കി​യാ​ണ് കൊ​ൽ​ക്ക​ത്ത മു​ന്നി​ൽ നി​ൽ​ക്കാ​ൻ ശ്ര​മി​ക്കു​ന്ന​തെ​ങ്കി​ൽ കോ​ഹ്‍ലി​ക്കൊ​പ്പം ഫി​ൽ സാ​ൾ​ട്ട് കൂ​ടി അ​ണി​നി​ര​ക്കു​ന്ന​താ​ണ് ബം​ഗ​ളൂ​രു നി​ര. രജത് പാട്ടിദറാണ് ക്യാപ്റ്റൻ. ജി​തേ​ഷ് ശ​ർ​മ, ലി​യാം ലി​വി​ങ്സ്റ്റ​ൺ എ​ന്നി​വ​ർ​കൂ​ടി കോ​ഹ്‍ലി​ക്ക് കൂ​ട്ടാ​യു​ണ്ട്. എ​ന്നാ​ൽ, ഗു​ജ​റാ​ത്തി​നൊ​പ്പം ചേ​ർ​ന്ന സ്റ്റാ​ർ ബൗ​ള​ർ മു​ഹ​മ്മ​ദ് സി​റാ​ജി​ന്റെ ന​ഷ്ടം ക​ന​ത്ത​താ​കും.

ഏറെ പു​തു​മ​​ക​ളേ​റെ​യാ​ണ് ഐ.​പി.​എ​ല്ലി​ൽ ഇ​ത്ത​വ​ണ മത്സരം നടക്കുക. കോ​വി​ഡ് കാ​ല​ത്ത് നി​ല​വി​ൽ​വ​ന്ന ഉ​മി​നീ​ര് വി​ല​ക്ക് എ​ടു​ത്തു​ക​ള​ഞ്ഞ​താ​ണ് ഏ​റ്റ​വും പ്ര​ധാ​നം. പ​ന്ത് വ​രു​തി​യി​ൽ നി​ർ​ത്താ​ൻ ഉ​മി​നീ​ര് പു​ര​ട്ടു​ന്ന​ത് അ​നു​വ​ദി​ച്ച് ബി.​സി.​സി.​ഐ​യാ​ണ് വി​ല​ക്ക് എ​ടു​ത്തു​ക​ള​ഞ്ഞ​ത്. 2022ലാ​ണ് അ​ന്താ​രാ​ഷ്ട്ര ക്രി​ക്ക​റ്റ് കൗ​ൺ​സി​ൽ വി​ല​ക്ക് അ​നി​ശ്ചി​ത കാ​ല​ത്തേ​ക്കാ​ക്കി​യി​രു​ന്ന​ത്. ഐ.​പി.​എ​ൽ സ്വ​ന്തം നി​യ​മ​പ്ര​കാ​രം ആ​യ​തി​നാ​ൽ ഐ.​സി.​സി വി​ല​ക്ക് ബാ​ധ​ക​മാ​കി​ല്ല.

മ​ഞ്ഞ് ക​ളി​യെ ബാ​ധി​ക്കാ​തി​രി​ക്കാ​ൻ രാ​ത്രി​കാ​ല ക​ളി​ക​ളി​ൽ 11ാം ഓ​വ​റി​ൽ പു​തി​യ പ​ന്ത് ഉ​പ​യോ​ഗി​ക്കാ​ൻ അ​മ്പ​യ​ർ​ക്ക് അ​നു​മ​തി ന​ൽ​കാം. ​ഉ​ച്ച​ക്കു ശേ​ഷം തു​ട​ങ്ങു​ന്ന​വ​യെ​ങ്കി​ൽ ബാ​ധ​ക​മാ​കി​ല്ല. ഡി.​ആ​ർ.​എ​സ് നി​യ​മം ഓ​ഫ്സൈ​ഡ് വൈ​ഡു​ക​ൾ, ഹൈ​റ്റ് വൈ​ഡു​ക​ൾ എ​ന്നി​വ​ക്കും ബാ​ധ​ക​മാ​ക്കി.