കോഹ്​ലി സംപൂജ്യൻ, രഹാനയും പുറത്ത്​; ഇന്ത്യ നാലിന്​ 80

അഹ്​മദാബാദ്: ഇംഗ്ലണ്ടിനെതിരായ നാലാം ടെസ്റ്റിൽ ഇന്ത്യയുടെ നില പരുങ്ങലിൽ. രണ്ടാം ദിനം ലഞ്ചിന്​ പിരിയു​േമ്പാൾ നാല്​ വിക്കറ്റ്​ നഷ്​ടത്തിൽ 80 റൺസാണ്​ സമ്പാദ്യം. ഇംഗ്ലണ്ടിന്‍റെ ഒന്നാം ഇന്നിങ്​സ്​ സ്​കോറായ 205 മറികടക്കാൻ ഇനിയും 125 റൺസ്​ കൂടി വേണം.

32 റൺസുമായി രോഹിത്​ ശർമയാണ്​ ക്രീസിൽ. ഒരു വിക്കറ്റിന്​ 25 റൺസെന്ന നിലയിൽ തുടങ്ങിയ ഇന്ത്യക്ക്​ 15 റൺസ്​ ചേർക്കു​േമ്പാഴേക്കും പുജാരയെ (17) നഷ്​ടമായി. തുടർന്ന്​ വന്ന ക്യാപ്​റ്റൻ വിരാട്​ കോഹ്​ലിയും റണ്ണെന്നും എടുക്കാതെ മടങ്ങി. സ്​റ്റോക്​സിനായിരുന്നു വിക്കറ്റ്​. പിന്നീട്​ രഹാനയെ കൂട്ടുപിടിച്ച്​ രോഹിത്​ സ്​കോർ ഉയർത്താൻ ശ്രമിച്ചെങ്കിലും വലിയ ആയുസ്സുണ്ടായില്ല. 27 റൺസെടുത്ത രഹാനയെ ആൻഡേഴ്​സണാണ്​ വീഴ്​ത്തിയത്​​.

കുത്തിത്തിരിയുന്ന പിച്ചെന്ന്​ പഴിയേറെ കേട്ട അഹ്​മദാബാദ്​ സ്​റ്റേഡിയത്തിൽ ആദ്യം ദിനം ഇന്ത്യൻ സ്​പിന്നർമാരായിരുന്നു കരുത്തുതെളിയിച്ചത്​. നാലാം ടെസ്റ്റിന്‍റെ ഒന്നാം ദിവസം ആദ്യം ബാറ്റു ചെയ്​ത ഇംഗ്ലണ്ട്​ 205 റൺസ്​ എടുക്ക​ു​േമ്പാഴേക്ക്​ എല്ലാവരും പുറത്തായി. ഓപണിങ്​ ജോഡിയെ പിഴുത്​ അക്​സർ പ​േട്ടൽ തുടങ്ങിയ വിക്കറ്റ്​ വേട്ട അശ്വിനും മുഹമ്മദ്​ സിറാജും വാഷിങ്​ടൺ സുന്ദറും ചേർന്ന്​ പൂർത്തിയാക്കിയപ്പോൾ ബെൻ സ്​റ്റോക്​സ്​, ഡാൻ ലോറൻസ്​ എന്നിവർ ഒഴികെ എല്ലാവരും കാര്യമായ സമ്പാദ്യമില്ലാതെ പുറത്തായി.

ഓപണർമാരായ സാക്​ ക്രോളി ഒമ്പതു റൺസിലും ഡോം സിബ്​ലി രണ്ടു റൺസിലും നിൽക്കെ പ​േട്ടലിന്​ വിക്കറ്റ്​ നൽകി മടങ്ങിയതോടെ ഇംഗ്ലീഷ്​ ബാറ്റിങ്ങിന്‍റെ തകർച്ച വ്യക്​തമായിരുന്നു. ജോണി ബെയർസ്​റ്റോ (28) പിടിച്ചുനിൽക്കാൻ ശ്രമിച്ചെങ്കിലും മുഹമ്മദ്​ സിറാജ്​ എൽ.ബി.ഡബ്ല്യുവിൽ കുരുക്കി. ​വൈകാതെ ജോ റൂട്ടും (05) സിറാജിന്​ തന്നെ വിക്കറ്റ്​ നൽകി.

ബെൻ സ്​റ്റോക്​സ്​ അർധ സെഞ്ച്വറി തികച്ചെങ്കിലും റൺസ്​ 55ൽ നിൽക്കെ മടങ്ങി. വാഷിങ്​ടൺ സുന്ദറായിരുന്നു ബൗളർ. ഓയിലി പോപ്​, ബെൻ ഫോക്​സ്​, ജാക്​ ലീച്ച്​ എന്നിവരെ അശ്വിൻ മടക്കിയപ്പോൾ വാലറ്റത്ത്​ ഡോം ബെസും ഡാൻ ലോറൻസും അക്​സർ പ​േട്ടലിനു മുന്നിൽ കീഴടങ്ങി.