പ​​​​േട്ടലിന്‍റെ പേരുമാറ്റി, മൊ​േട്ടര സ്​റ്റേഡിയം ഇനി നരേന്ദ്ര മോദിയുടെ പേരിൽ; നീക്കം ഇന്ത്യയുടെ മത്സരം തുടങ്ങാനിരിക്കവേ

അഹ്​മദാബാദ്​: ഇന്ത്യ-ഇംഗ്ലണ്ട്​ മൂന്നാം ടെസ്റ്റ്​ മത്സരം അഹമ്മദാബാദ്​ മൊ​േട്ടര സ്​റ്റേഡിയത്തിൽ തുടങ്ങാനിരിക്കവേ ഏവരെയും അമ്പരപ്പിച്ച്​ സ്​റ്റേഡിയത്തിന്‍റെ പേരുമാറ്റം. സർദാർ വല്ലഭായ്​ പ​േട്ടലിന്‍റെ പേരിലുള്ള സ്​​റ്റേഡിയം നരേന്ദ്ര മോദിയുടെ പേരിലേക്ക്​ മാറ്റിയതായി ഉദ്​ഘാടന ചടങ്ങിനിടെ രാഷ്​ട്രപതി രാംനാഥ്​ കോവിന്ദാണ്​ അറിയിച്ചത്​. 1,10,000 സീറ്റുകളുള്ള ​മൊ​േട്ടര ലോകത്തിലെ ഏറ്റവും വലിയ ക്രിക്കറ്റ്​ സ്​റ്റേഡിയമാണ്.

ഇന്ത്യ-ഇംഗ്ലണ്ട്​ ക്രിക്കറ്റ്​ മത്സരത്തിന്​ മുന്നോടിയായി ഭൂമിപൂജയോടെയാണ്​ ഉദ്​ഘാടന ചടങ്ങുകൾ നിർവഹിച്ചത്​. ആഭ്യന്തര മന്ത്രി അമിത്​ ഷാ, ബി.സി.സി.ഐ സെക്രട്ടറി ജയ്​ ഷാ, കായിക മന്ത്രി കിരൺ റിജിജു എന്നിവർ ചടങ്ങിൽ സന്നിഹിതരായി. ആൻജിയോപ്ലാസ്റ്റിക്​ ശേഷം വിശ്രമ ജീവിതം നയിക്കുന്ന ബി.സി.സി.ഐ പ്രസിഡന്‍റ്​ സൗരവ്​ ഗാംഗുലി ചടങ്ങിൽ സംബന്ധിച്ചില്ല.

ഇന്ത്യ-ഇംഗ്ലണ്ട്​ പരമ്പരയിലെ 3,4 ടെസ്റ്റുകളും അഞ്ച്​ ട്വന്‍റികളും ഈ സ്​​റ്റേഡിയത്തിലാണ്​ നടക്കുന്നത്​. 2020ൽ അമേരിക്കൻ പ്രസിഡന്‍റ്​ ഡോണൾഡ്​ ട്രംപ്​ ഇന്ത്യ സന്ദർശിച്ചപ്പോൾ വേദിയൊരുക്കിയത്​ മൊ​േട്ടര സ്​റ്റേഡിയത്തിലായിരുന്നു. നേരത്തേ ഡൽഹി ഫിറോസ്​ ഷാ കോട്​ല സ്​റ്റേഡിയത്തിന്​ അന്തരിച്ച കേന്ദ്രമന്ത്രി അരുൺ ജയ്​റ്റ്​ലിയുടെ പേര്​ നൽകിയിരുന്നു.