ധോണി ചെന്നൈ നായകസ്ഥാനം ഒഴിഞ്ഞേക്കും, നറുക്ക്​ വീഴുക ഈ താരത്തിന്​; റിപ്പോർട്ട്​

ഇന്ത്യൻ പ്രീമിയർ ലീഗ് (ഐ‌.പി.എൽ) ടീമുകൾ ടൂർണമെൻറി​െൻറ 15-ാം സീസണിനായുള്ള ആസൂത്രണം ആരംഭിച്ചു കഴിഞ്ഞു. ചെന്നൈ സൂപ്പർ കിങ്​സും (CSK) 2022 സീസണിനായുള്ള തയ്യാറെടുപ്പുകളിലാണ്​. അതിനിടെ ആരാധകരെ ഞെട്ടിക്കുന്ന വാർത്തകളാണ്​ അണിയറയിൽ നിന്നും വരുന്നത്​.

സി.എസ്‌.കെ ഫ്രാഞ്ചൈസി ഇത്തവണ ക്യാപ്റ്റനെ മാറ്റിയേക്കുമെന്നും എം.എസ് ധോണി ത​െൻറ നായകസ്ഥാനം ടീമിലെ മറ്റൊരു കളിക്കാരന് കൈമാറാൻ സാധ്യതയുണ്ടെന്നുമാണ്​ വിവരം. ചെന്നെ ടീമുമായി അടുത്ത വൃത്തങ്ങളെ ഉദ്ധരിച്ചുകൊണ്ട്​ ദേശീയ മാധ്യമങ്ങളാണ്​ ഇത്​ റിപ്പോർട്ട്​ ചെയ്​തത്​.​

നേരത്തെ, സിഎസ്‌കെ ടീം മാനേജ്‌മെന്റും എംഎസ് ധോണിയും ടീമി​െൻറ ഭാവിയെക്കുറിച്ച് ആസൂത്രണം ചെയ്യാൻ ആഗ്രഹിക്കുന്നുവെന്ന് വ്യക്തമാക്കിയിരുന്നു. വരാനിരിക്കുന്ന സീസണിൽ ധോണി നായകസ്ഥാനം മറ്റൊരാൾക്ക് കൈമാറിയേക്കുമെന്നും അന്ന്​ സൂചനകളുണ്ടായിരുന്നു. സമീപകാലത്തെ ചില ഊഹാപോഹങ്ങൾ വിശ്വസിക്കാമെങ്കിൽ, ധോണി തന്റെ നായകത്വം രവീന്ദ്ര ജഡേജയെ ഏൽപ്പിച്ചേക്കും.

പ്രധാന ലേലത്തിന് മുമ്പ് നാല് താരങ്ങളെയാണ്​ സിഎസ്‌കെ നിലനിർത്തിയത്​. കഴിഞ്ഞ സീസണിൽ ടീമിനെ കിരീട വിജയത്തിലേക്ക്​ നയിച്ച പ്രധാന താരങ്ങളായ എംഎസ് ധോണിയെയും രവീന്ദ്ര ജഡേജ, ഋതുരാജ് ഗെയ്‌ക്‌വാദ് എന്നിവരെയുമാണ്​ നിലനിർത്തിയത്​. കൂടാതെ, ഓൾറൗണ്ടർ മൊയീൻ അലിയും ടീമിൽ ഇടംപിടിച്ചിട്ടുണ്ട്​.