മുംബൈ ഇന്ത്യൻസിനും തിരിച്ചടി; സൂപ്പർതാരം ടൂർണമെൻറിൽ നിന്ന്​ വിട്ടുനിൽക്കും

അബുദാബി: ഇന്ത്യന്‍ പ്രീമിയര്‍ ലീഗ്​ 13ാം സീസണിൽ അഞ്ചാം കിരീടം ലക്ഷ്യമിട്ടിറങ്ങുന്ന നിലവിലെ ചാമ്പ്യന്മാരായ മുംബൈ ഇന്ത്യന്‍സിന് വമ്പൻ തിരിച്ചടി. മത്സരങ്ങൾ ആരംഭിക്കാന്‍ ദിവസങ്ങള്‍ മാത്രം ബാക്കി നില്‍ക്കെ ടീമി​െൻറ പേസ്​ കുന്തമുനയായ ലസിത്​ മലിംഗ സീസണില്‍ പങ്കെടുക്കില്ലെന്ന് ഉറപ്പായി. അച്ഛ​െൻറ രോഗത്തെത്തുടര്‍ന്നാണ് മലിംഗ ഇത്തവണ വിട്ടുനില്‍ക്കുന്നത്. പകരക്കാരനായി ആസ്​ട്രേലിയയുടെ പേസര്‍ ജെയിംസ് പാറ്റിന്‍സണെ മുംബൈ ടീമില്‍ ഉള്‍പ്പെടുത്തിയിട്ടുണ്ട്​.

മുംബൈ ടീം യു.എ.ഇയിലേക്ക് പുറപ്പെട്ടപ്പോൾ കൂടെ മലിംഗ ഉണ്ടായിരുന്നില്ല. തുടക്കത്തിലുള്ള ചില മത്സരങ്ങളിൽ നിന്ന്​ താരം വിട്ടുനിൽക്കുമെന്നും നേരത്തെ റിപ്പോർട്ടുകൾ വന്നിരുന്നു. മത്സരത്തിൽ പ​െങ്കടുത്ത്​ തിരിച്ച്​ പോയാൽ താരം ലങ്കയിൽ 14 ദിവസം ക്വാറൻറീനിൽ കഴിയണം. അടുത്ത ആഴ്ച അച്ഛ​െൻറ രോഗത്തിനുള്ള ശസ്ത്രക്രിയ നടത്തേണ്ടതിനാൽ മലിംഗ പൂർണ്ണമായും ഇത്തവണ ​െഎ.പി.എല്ലിൽ നിന്ന്​ വിട്ടുനിൽക്കുമെന്ന്​ ഇന്നാണ്​ സ്ഥിരീകരണം വന്നത്​.

നാല് തവണ ഐപിഎല്‍ കിരീടം മുംബൈ നേടിയപ്പോൾ മലിംഗയുടെ പ്രകടനം അതിനിർണ്ണായകമായിരുന്നു. കഴിഞ്ഞസീസണിൽ മുംബൈ​ ഇന്ത്യൻസിന്​ കിരീടം നേടിക്കൊടുക്കുന്നതിൽ പ്രധാന പങ്കുവഹിച്ചയാളാണ്​ മലിംഗ. ചെന്നൈക്കെതിരായ മത്സരത്തിൽ അവസാന ഓവർ മലിംഗയാണ്​ എറിഞ്ഞത്​. കിരീടത്തിനായി ഒമ്പത്​ റൺസായിരുന്നു ധോണിയുടെ സംഘത്തിന്​ വേണ്ടിയിരുന്നത്​. എന്നാൽ, എഴ്​​ റൺസ്​ മാത്രം വിട്ടുകൊടുത്ത്​ ഒരു റൺസി​െൻറ വിജയം കൈപിടിയിലൊതുക്കി. അവസാന പന്തിൽ താക്കൂറിനെ വിക്കറ്റിന്​ മുന്നിൽ കുരുക്കിയായിരുന്ന മു​ംബൈയുടെ നാലാം കിരീടനേട്ടം.

ഐ.പി.എല്ലി​െൻറ ചരിത്രത്തിൽ ഏറ്റവും കൂടുതൽ വിക്കറ്റ്​ നേടിയ താരവും മറ്റാരുമല്ല. 122 മത്സരങ്ങളിൽനിന്നായി 170 വിക്കറ്റുകളാണ്​ മലിംഗയുടെ സമ്പാദ്യം​. ആറ്​ തവണ നാല്​ വിക്കറ്റും ഒരു തവണ അഞ്ച്​ വിക്കറ്റും​ പിഴുതിട്ടുണ്ട്​. മലിംഗ പോയാലും ജസ്പ്രീത് ബൂംറ, ട്രൻറ്​ ബോള്‍ട്ട്, നഥാന്‍ കോള്‍ട്ടര്‍ നെയ്ല്‍, മിച്ചല്‍ മഗ്ലെങ്ങന്‍ തുടങ്ങിയ മികച്ച പേസ് നിര മുംബൈക്കുണ്ട്​. സെപ്​റ്റംബർ 19ന്​ ചെന്നൈക്കെതിരെ തന്നെയാണ്​ മുംബൈയുടെ ആദ്യ മത്സരം.