ചെന്നൈക്ക് പിന്നാലെ മുംബൈക്കും തുടർച്ചയായ നാലാം തോൽവി

പു​ണെ: ഐ.പി.എല്ലിലെ റെക്കോഡ് ചാമ്പ്യന്മാരായ മുംബൈ ഇന്ത്യൻസിനും തുടർച്ചയായ നാലാം തോൽവി. ​റോ​യ​ൽ ച​ല​ഞ്ചേ​ഴ്സ് ബാം​ഗ്ലൂ​രാണ് ഏഴു വിക്കറ്റിന് മുംബൈയെ തകർത്തത്.

ആദ്യം ബാറ്റുചെയ്ത് ആറിന്ന് 151 റ​ൺ​സെടുത്ത മുംബൈക്കെതിരെ ഒമ്പത് പന്ത് ബാക്കിയിരിക്കെ മൂന്നു വിക്കറ്റ് നഷ്ടത്തിൽ ബാം​ഗ്ലൂർ വിജയത്തിലെത്തി. അനൂജ് റാവത്തും (47 പന്തിൽ 66) വിരാട് കോഹ്‍ലിയും (36 പന്തിൽ 48) ആണ് ബാംഗ്ലൂരിനെ ജയത്തിലെത്തിച്ചത്. നേരത്തേ, 10 ഓ​വ​റി​ൽ അ​ഞ്ചി​ന് 69 എ​ന്ന നി​ല​യി​ലേ​ക്ക് കൂ​പ്പു​കു​ത്തി​യ മും​ബൈ​യെ 37 പ​ന്തി​ൽ 68 റ​ൺ​സു​മാ​യി പു​റ​ത്താ​വാ​തെ​നി​ന്ന സൂ​ര്യ​കു​മാ​ർ ഒ​റ്റ​ക്ക് ക​ര​ക​യ​റ്റു​ക​യാ​യി​രു​ന്നു.

ആ​റു സി​ക്സും അ​ഞ്ചു ബൗ​ണ്ട​റി​യും പാ​യി​ച്ച സൂ​ര്യ​കു​മാ​ർ അ​ഭേ​ദ്യ​മാ​യ ഏ​ഴാം വി​ക്ക​റ്റി​ന് ജ​യ്ദേ​വ് ഉ​ന​ദ്ക​ട്ടി​ന് (14 പ​ന്തി​ൽ 13) ഒ​പ്പം 40 പ​ന്തി​ൽ 72 റ​ൺ​സ് കൂ​ട്ടി​ച്ചേ​ർ​ത്തു. പ​രി​ക്കു​മൂ​ലം ആ​ദ്യ ര​ണ്ടു ക​ളി​ക​ളി​ൽ പു​റ​ത്തി​രു​ന്ന സൂ​ര്യ​കു​മാ​റി​ന്റെ തു​ട​ർ​ച്ച​യാ​യ ര​ണ്ടാം അ​ർ​ധ​ശ​ത​ക​മാ​ണി​ത്.

ടോ​സ് ന​ഷ്ട​മാ​യി ബാ​റ്റി​ങ്ങി​നി​റ​ങ്ങി​യ മും​ബൈ ത​ര​ക്കേ​ടി​ല്ലാ​ത്ത തു​ട​ക്ക​ത്തി​നു​ശേ​ഷ​മാ​ണ് പൊ​ടു​ന്ന​നെ ത​ക​ർ​ന്ന​ത്. ഫോ​മി​ലേ​ക്കു​യ​ർ​ന്നു​വ​രി​ക​യാ​യി​രു​ന്ന നാ​യ​ക​ൻ രോ​ഹി​ത് ശ​ർ​മ (15 പ​ന്തി​ൽ ഒ​രു സി​ക്സും നാ​ലു​ ഫോ​റു​മ​ട​ക്കം 26) സ്കോ​ർ 50ൽ​നി​ൽ​ക്കെ​യാ​ണ് പു​റ​ത്താ​യ​ത്.

മ​റു​ഭാ​ഗ​ത്ത് ഇ​ഷാ​ൻ കി​ഷ​ൻ (28 പ​ന്തി​ൽ 26) ത​പ്പി​ത്ത​ട​യു​ക​യാ​യി​രു​ന്നു. ഒ​രു വി​ക്ക​റ്റി​ന് 60ലെ​ത്തി​യ മും​ബൈ​യെ ക​ണ്ണ​ട​ച്ച് തു​റ​ക്കും​മു​മ്പ് അ​ഞ്ചി​ന് 62 എ​ന്ന നി​ല​യി​ലാ​യി. കി​ഷ​നും ഡെ​വാ​ൾ​ഡ് ബ്രെ​വി​സും (8),തി​ല​ക് വ​ർ​മ​യും (0), കീ​റ​ൺ പൊ​ള്ളാ​ർ​ഡും (0) പു​റ​ത്ത്.

അ​ധി​കം വൈ​കാ​തെ ര​മ​ൺ​ദീ​പ് സി​ങ്ങും (6) മ​ട​ങ്ങി​യ​ശേ​ഷ​മാ​യി​രു​ന്നു ഉ​ന​ദ്ക​ട്ടി​നെ കൂ​ട്ടു​പി​ടി​ച്ച് സൂ​ര്യ​കു​മാ​റി​ന്റെ ര​ക്ഷാ​പ്ര​വ​ർ​ത്ത​നം. ബാം​ഗ്ലൂ​രി​നാ​യി ഹർ​ഷ​ൽ പ​ട്ടേ​ലും വാ​നി​ന്ദു ഹ​സ​രം​ഗ​യും ര​ണ്ടു വി​ക്ക​റ്റ് വീ​തം വീ​ഴ്ത്തി. യ​ഥാ​ക്ര​മം 23ഉം 28​ഉം റ​ൺ​സേ ഇ​രു​വ​രും വ​ഴ​ങ്ങി​യു​ള്ളു.