നിർണായക മത്സരം ജയിച്ച്​ മുംബൈ

അ​ബൂ​ദ​ബി: ഐ.​പി.​എ​ല്ലി​ൽ ഇ​രു​ടീ​മു​ക​ൾ​ക്കും ജ​യം അ​നി​വാ​ര്യ​മാ​യ മ​ത്സ​ര​ത്തി​ൽ വിജയഭേരി മുഴക്കി നിലവിലെ ജേതാക്കളായ മുംബൈ ഇന്ത്യൻസ്​. പ​ഞ്ചാ​ബ്​ കി​ങ്​​സി​നെ ആറു വിക്കറ്റിന്​ ​േതാൽപിച്ചാണ്​ രോഹിത്​ ശർമയും കൂട്ടരും പ്ലേഓഫ്​ പ്രതീക്ഷ നിലനിർത്തിയത്​.

ടോ​സ്​ നേ​ടി ബൗ​ളി​ങ്​ തെ​ര​ഞ്ഞെ​ടു​ത്ത മും​ബൈ മി​ക​ച്ച ബൗ​ളി​ങ്ങി​ലൂ​ടെ പ​ഞ്ചാ​ബി​നെ ആ​റു വി​ക്ക​റ്റി​ന്​ 135ലൊ​തു​ക്കിയ ശേഷം ആറു പന്ത്​ ബാക്കിയിരിക്കെ നാലു വിക്കറ്റ്​ നഷ്​ടത്തിൽ വിജയത്തിലെത്തുകയായിരുന്നു.

അവസാനഘട്ടത്തിൽ തകർത്തടിച്ച ഹർദിക്​ പാണ്ഡ്യയും (30 പന്തിൽ രണ്ടു സിക്​സും നാലു ഫോറുമടക്കം പുറത്താവാതെ 40) കീറൺ പൊള്ളാർഡും (7 പന്തിൽ ഒരു സിക്​സും ഒരു ഫോറുമടക്കം പുറത്താവാതെ 15) ചേർന്നാണ്​ മുംബൈക്ക്​ ജയമൊരുക്കിയത്​. 45 റൺസെടുത്ത സൗരഭ്​ തിവാരിയും ക്വിൻറൺ ഡികോകും (27) മികച്ച പിന്തുണ നൽകി. ക്യാപ്​റ്റൻ രോഹിത്​ ശർമയും (8) സൂര്യകുമാർ യാദവും ​(0) ചെറിയ സ്​കോറിന്​ പുറത്തായി. ഇരുവരെയും അടുത്തടുത്ത പന്തുകളിൽ വീഴ്​ത്തിയ ലെഗ്​സ്​പിന്നർ രവി ബിഷ്​ണോയി ആണ്​ പഞ്ചാബിന്​ പ്രതീക്ഷ നൽകിയത്​.

നേരത്തേ, നാ​ലു ഓ​വ​റി​ൽ 24 റ​ൺ​സി​ന്​ ര​ണ്ടു വി​ക്ക​റ്റ്​ വീ​ഴ്​​ത്തി​യ ജ​സ്​​പ്രീ​ത്​ ബും​റ​യും എ​റി​ഞ്ഞ ഏ​ക ഓ​വ​റി​ൽ എ​ട്ടു റ​ൺ​സി​ന്​ ര​ണ്ടു പേ​രെ പു​റ​ത്താ​ക്കി​യ കീ​റ​ൺ പൊ​ള്ളാ​ർ​ഡു​മാ​ണ്​ പ​ഞ്ചാ​ബി​നെ പി​ടി​ച്ചു​കെ​ട്ടി​യ​ത്. ക്രു​ണാ​ൽ പാ​ണ്ഡ്യ​യും രാ​ഹു​ൽ ച​ഹാ​റും ഓ​രോ വി​ക്ക​റ്റ്​ വീ​​ത​മെ​ടു​ത്തു. വി​ക്ക​റ്റ്​ ന​ഷ്​​ട​മി​ല്ലാ​തെ 36 റ​ൺ​സി​ലെ​ത്തി​യ​ശേ​ഷം പ​ത​റി​യ പ​ഞ്ചാ​ബി​ന്​ 48​ലെ​ത്തു​േ​മ്പാ​ഴേ​ക്കും നാ​ലു ​പേ​രെ ന​ഷ്​​ട​മാ​യി. ഒ​രോ​വ​റി​ൽ ഗെ​യ്​​ലി​നെ​യും രാ​ഹു​ലി​നെ​യും മ​ട​ക്കി​യ പൊ​ള്ളാ​ർ​ഡാ​ണ്​ ക​ളി തി​രി​ച്ച​ത്.

42 റ​ൺ​സെ​ടു​ത്ത എ​യ്​​ഡ​ൻ മാ​ർ​ക്ര​മി​​നൊ​ഴി​കെ ആ​ർ​കും പ​ഞ്ചാ​ബ്​ നി​ര​യി​ൽ പൊ​രു​താ​നാ​യി​ല്ല. ദീ​പ​ക്​ ഹൂ​ഡ (28), നാ​യ​ക​ൻ ലോ​കേ​ഷ്​ രാ​ഹു​ൽ (21) എ​ന്നി​വ​രാ​ണ്​ കു​റ​ച്ചെ​ങ്കി​ലും പി​ടി​ച്ചു​നി​ന്ന​ത്. ക്രി​സ്​ ഗെ​യ്​​ലും (1) നി​കോ​ളാ​സ്​ പൂ​രാ​നും (2) അ​േ​മ്പ പ​രാ​ജ​യ​മാ​യ​പ്പോ​ൾ അ​വ​സ​രം മു​ത​ലാ​ക്കാ​ൻ മ​ന്ദീ​പ്​ സി​ങ്ങി​നും (15) ആ​യി​