വമ്പന്മാർ വാഴും ട്വന്‍റി20യിൽ ഈ നേപാളി താരം കുറിച്ചത്​ ആരും കുറിക്കാത്ത അപൂർവ ചരിത്രം; റെക്കോഡ്​ ഇതാണ്​...

കാഠ്​മണ്​ഡു: അയൽരാജ്യങ്ങളായ ഇന്ത്യയും പാകിസ്​താനും ബംഗ്ലദേശും ലോക ക്രിക്കറ്റിൽ അങ്കം മുറുക്കി ചരിത്രം പലതു കുറിച്ചപ്പോഴൊന്നും തൊട്ടുചേർന്നുനിൽക്കുന്ന നേപാൾ ചിത്രത്തിലുണ്ടായിരുന്നില്ല. ഏകദിന, ടെസ്റ്റ്​ ഫോർമാറ്റുകളിൽ ഇനിയും നേപാളിന്​ പരിചയവും പോരാ. അതിനിടെ ട്വന്‍റി20യിൽ വിരാട്​ കോഹ്​ലിയും ബാബർ അഅ്​സമും കുറിച്ച റെക്കോഡുകൾക്കൊപ്പം നിൽക്കാൻ കരുത്തുള്ള പുതിയ നേട്ടവുമായി കുശാൽ ഭർ​േട്ടൽ എന്ന നേപാളി താരം കഴിഞ്ഞ ദിവസം കുറിച്ചത്​ പുതിയ ഉയരം.

ട്വന്‍റി20യിൽ രാജ്യാന്തര കരിയർ തുടങ്ങി ആദ്യ മൂന്നു മത്സരങ്ങളിലും അർധ സെഞ്ച്വറിയെന്ന അപൂർവ നേട്ടമാണ്​ ഭർ​േട്ടൽ അടി​ച്ചെടുത്തത്​.

ഇതോടെ, പാക്​ നായകൻ ബാബർ അഅ്​സം, ഓപണർ ഫഖർ സമാൻ എന്നിവർക്കൊപ്പം ഏപ്രിൽ മാസത്തെ ഐ.സി.സി താരമാകാൻ ഭർ​േട്ടലുമുണ്ട്​. നെതർലൻഡ്​സ്​, മലേഷ്യ എന്നിവർക്കെതിരായ ത്രിരാഷ്​ട്ര പരമ്പരയിലാണ്​ താരമുൾപെട്ട നേപാൾ കളിക്കുന്നത്​. പരമ്പരയിൽ നാലു അർധ സെഞ്ച്വറികളുൾപെടെ ഭർ​േട്ടൽ നേടിയത്​ 278 റൺസ്​. 62, പുറത്താകാതെ 61, 62, 14, 77 എന്നിങ്ങനെയായിരുന്നു അഞ്ച്​ ഇന്നിങ്​സുകൾ.

2016ൽ നേപാളിനായി അണ്ടർ 19 ലോകകപ്പിലാണ്​ ഭർ​േട്ടലിന്‍റെ രാജ്യാന്തര അരങ്ങേറ്റം. പിന്നീട്​ ചെറിയ ഇടവേളയിൽ അപ്രത്യക്ഷനായ താരം ഏറെ വൈകിയാണ്​ വീണ്ടുമെത്തുന്നത്​.