ലോകകപ്പ്​ യോഗ്യതയിലേക്ക്​ ഒരു പടികൂടി

ഈ ​വ​ർ​ഷം അ​വ​സാ​നം ഇ​ന്ത്യ​യി​ൽ ന​ട​ക്കു​ന്ന ഏ​ക​ദി​ന ക്രി​ക്ക​റ്റ്​ ലോ​ക​ക​പ്പി​ൽ യു.​എ.​ഇ ക​ളി​ക്കു​മോ ?. ഉ​ത്ത​രം വി​ഷ​മ​ക​ര​മാ​ണെ​ങ്കി​ലും സാ​ധ്യ​ത​യി​ലേ​ക്ക്​ ഒ​രു പ​ടി​കൂ​ടി അ​ടു​ത്തി​രി​ക്കു​ക​യാ​ണ്​ ടീം. ​ക​ഴി​ഞ്ഞ ദി​വ​സം സ​മാ​പി​ച്ച ലോ​ക​ക​പ്പ്​ യോ​ഗ്യ​ത പ്ലേ ​ഓ​ഫി​ൽ ര​ണ്ടാം സ്ഥാ​ന​ക്കാ​രാ​യ​തോ​ടെ സിം​ബാ​ബ്​​വെ​യി​ൽ ന​ട​ക്കു​ന്ന അ​വ​സാ​ന ഘ​ട്ട യോ​ഗ്യ​ത റീ​ണ്ടി​ലേ​ക്ക്​ ടീം ​യോ​ഗ്യ​ത നേ​ടി​യി​രി​ക്കു​ക​യാ​ണ്.

എ​ന്നാ​ൽ, 10 ടീ​മു​ക​ൾ പ​​ങ്കെ​ടു​ക്കു​ന്ന യോ​ഗ്യ​ത പോ​രാ​ട്ട​ത്തി​ൽ ര​ണ്ട്​ ടീം ​മാ​ത്ര​മെ ഇ​ന്ത്യ​യി​ലേ​ക്ക്​ വ​ണ്ടി ക​യ​റൂ. അ​തി​ൽ ഒ​ന്ന്​ യു.​എ.​ഇ ആ​യി​രി​ക്കു​മോ എ​ന്ന്​ കാ​ത്തി​രി​ക്കു​ക​യാ​ണ്​ ഇ​മാ​റാ​ത്തി​ലെ ക്രി​ക്ക​റ്റ്​ പ്രേ​മി​ക​ൾ.

അ​ടു​ത്തി​ടെ യു.​എ.​ഇ ക്രി​ക്ക​റ്റ്​ ടീ​മി​ന്‍റെ പ്ര​ക​ട​നം മോ​ശ​മാ​യി​രു​ന്നു. ഏ​ക​ദി​ന ​സ്റ്റാ​റ്റ​സ്​ പോ​ലും ന​ഷ്ട​പെ​ടു​മെ​ന്ന അ​വ​സ്ഥ​യു​ണ്ടാ​യി​രു​ന്നു. എ​ന്നാ​ൽ, ക​ഴി​ഞ്ഞ അ​ഞ്ച്​ മ​ത്സ​ര​ങ്ങ​ളി​ൽ നാ​ലി​ലും ജ​യി​ച്ചാ​ണ്​ ടീം ​യോ​ഗ്യ​ത റൗ​ണ്ടി​ൽ മു​ന്നേ​റി​യ​ത്. ഇ​തോ​ടെ ഏ​ക​ദി​ന സ്റ്റാ​റ്റ​സ്​ നി​ല​നി​ർ​ത്താ​നും ടീ​മി​ന്​ ക​ഴി​ഞ്ഞു എ​ന്ന ആ​ശ്വാ​സ​ത്തി​ലാ​ണ്​ എ​മി​റേ​റ്റ്​​സ്​ ക്രി​ക്ക​റ്റ്​ ബോ​ർ​ഡ്. അ​ടു​ത്ത നാ​ല്​ വ​ർ​ഷ​ത്തേ​ക്കു​ള്ള സ്റ്റാ​റ്റ​സാ​ണ്​ നി​ല​നി​ർ​ത്താ​ൻ ക​ഴി​ഞ്ഞ​ത്.

കാ​ന​ഡ, ന​മീ​ബി​യ, പ​പ്പു​വ ന്യൂ​ഗി​നി​യ, ന്യൂ​ജേ​ഴ്​​സി എ​ന്നീ ടീ​മു​ക​ളാ​ണ്​ യു.​എ.​ഇ​ക്ക്​ മു​ൻ​പി​ൽ വീ​ണ​ത്. യു.​എ​സി​നെ​തി​രെ മി​ക​ച്ച പ്ര​ക​ട​നം ന​ട​ത്തി​യെ​ങ്കി​ലും ഒ​രു ഓ​വ​ർ ബാ​ക്കി നി​ൽ​ക്കെ ക​ളി കൈ​വി​ട്ടു​പോ​യി.

മു​ൻ ഇ​ന്ത്യ​ൻ താ​രം റോ​ബി​ൻ സി​ങി​ന്‍റെ പ​രി​ശീ​ല​ന​ത്തി​ൽ ക​ള​ത്തി​ലി​റ​ങ്ങി​യ യു.​എ.​ഇ തു​ട​ർ​ച്ച​യാ​യ പ​രാ​ജ​യ​ങ്ങ​ൾ നേ​രി​ട്ടി​രു​ന്നു. 27ൽ 20 ​മ​ത്സ​ര​ങ്ങ​ളും തോ​റ്റ​തോ​ടെ റോ​ബി​ൻ സി​ങി​ന്​ പ​ക​ര​ക്കാ​ര​​നെ തേ​ടു​ക​യാ​ണ്​ എ​മി​റേ​റ്റ്​​സ്​ ക്രി​ക്ക​റ്റ്​ ബോ​ർ​ഡ്. പു​തി​യ നാ​യ​ക​ൻ മു​ഹ​മ്മ​ദ്​ വ​സീ​മി​ന്‍റെ നേ​തൃ​ത്വ​ത്തി​ൽ മു​ഖ്യ പ​രി​ശീ​ല​ക​നി​ല്ലാ​തെ​യാ​ണ്​ യു.​എ.​ഇ ക​ഴി​ഞ്ഞ ക​ളി​ക​ളി​ൽ ജ​യി​ച്ചു​ക​യ​റി​യ​ത്.

വൈ​കി ടീ​മി​ൽ ഇ​ടം നേ​ടി​യ ആ​സി​ഫ്​ ഖാ​ന്‍റെ പ്ര​ക​ട​ന​മാ​ണ്​ എ​ടു​ത്തു​പ​റ​യേ​ണ്ട​ത്. പാ​കി​സ്താ​ൻ സ്വ​ദേ​ശി​യാ​യ ആ​സി​ഫ്​ നേ​പ്പാ​ളി​നെ​തി​രെ 42 പ​ന്തി​ൽ സെ​ഞ്ച്വ​റി നേ​ടി​യി​രു​ന്നു. ഏ​ക​ദി​ന ച​രി​ത്ര​ത്തി​ലെ ഏ​റ്റ​വും വേ​ഗ​മേ​റി​യ നാ​ലാ​മ​ത്തെ സെ​ഞ്ച്വ​റി​യാ​ണി​ത്. 38ാം ഓ​വ​റി​ൽ ബാ​റ്റി​ങ്ങി​നെ​ത്തി​യ ആ​സി​ഫ്​ 11 സി​ക്സി​ന്‍റെ അ​ക​മ്പ​ടി​യോ​ടെ​യാ​ണ്​ സെ​ഞ്ച്വ​റി തി​ക​ച്ച​ത്. തു​ട​ർ​ന്ന്​ ന​ട​ന്ന മ​ത്സ​ര​ങ്ങ​ളി​ലും ആ​സി​ഫ്​ ഫോം ​തു​ട​ർ​ന്നു.

അ​ഞ്ച്​ മ​ത്സ​ര​ങ്ങ​ളി​ലാ​യി 296 റ​ൺ​സെ​ടു​ത ആ​സി​ഫാ​ണ്​ ടൂ​ർ​ണ​​മെ​ന്‍റി​ലെ ടോ​പ്​ സ്​​കോ​റ​ർ. 266 റ​ൺ​സു​മാ​യി നാ​യ​ക​ൻ മു​ഹ​മ്മ​ദ്​ വ​സീ​മും മി​ക​ച്ച പ്ര​ക​ട​നം ന​ട​ത്തി. ജ​ഴ്​​സി​ക്കെ​തി​രാ​യ അ​വ​സാ​ന മ​ത്സ​ര​ത്തി​ൽ പേ​സ്​ ബൗ​ള​ർ അ​ലി ഖാ​ൻ മ​റ്റൊ​രു റെ​ക്കോ​ഡും ഇ​ട്ടു.

32 റ​ൺ​സ്​ വ​ഴ​ങ്ങി ഏ​ഴ്​ വി​ക്ക​റ്റ്​ വീ​ഴ്ത്തി​യ അ​ലി​യു​ടെ പ്ര​ക​ട​നം ഒ​രു അ​സോ​സി​യേ​റ്റ്​ രാ​ജ്യ​ത്തി​ന്‍റെ താ​ര​ത്തി​ന്‍റെ ഏ​റ്റ​വും മി​ക​ച്ച ര​ണ്ടാ​മ​ത്തെ ബൗ​ളി​ങാ​ണ്. 18 റ​ൺ​സി​ന്​ ഏ​ഴ്​ വി​ക്ക​റ്റെ​ടു​ത്ത അ​ഫ്​​ഗാ​നി​സ്ത​ന്‍റെ റാ​ശി​ദ്​ ഖാ​നാ​ണ്​ ഈ ​നി​ര​യി​ൽ ഒ​ന്നാ​മ​ൻ. ജൂ​ൺ-​ജൂ​ലൈ മാ​സ​ങ്ങ​ളി​ലാ​ണ്​ ഗ്ലോ​ബ​ൽ ക്വാ​ളി​ഫ​യ​ർ ന​ട​ക്കു​ക. യു.​എ.​ഇ അ​ണ്ട​ർ-16 ടീം ​മി​ക​ച്ച പ്ര​ക​ട​നം ന​ട​ത്തു​ന്ന​തും ടീ​മി​ന്​ പ്ര​തീ​ക്ഷ പ​ക​രു​ന്നു.