ഓവർ ടൈം ഡ്യൂട്ടി

ന്യൂ​ഡ​ൽ​ഹി: ഇ​ന്ത്യ​ൻ ബാ​റ്റ​ർ​മാ​രു​ടെ​യും സ്പി​ന്ന​ർ​മാ​രു​ടെ​യും പ്ര​ഹ​രം മു​മ്പും അ​നു​ഭ​വി​ച്ചി​ട്ടു​ണ്ട് ആ​സ്ട്രേ​ലി​യ. പ്ര​ത്യേ​കി​ച്ച് ക​ഴി​ഞ്ഞ കു​റെ വ​ർ​ഷ​ങ്ങ​ളാ​യി സ​ചി​ൻ ടെ​ണ്ടു​ൽ​ക​റും രാ​ഹു​ൽ ദ്രാ​വി​ഡും വി.​വി.​എ​സ്. ല​ക്ഷ്മ​ണു​മെ​ല്ലാം ബാ​റ്റു​കൊ​ണ്ടും അ​നി​ൽ കും​ബ്ലെ​യു​മൊ​ക്കെ പ​ന്തു​കൊ​ണ്ടും ഓ​സീ​സി​നെ ന​ന്നാ​യി കൈ​കാ​ര്യം​ചെ​യ്ത​വ​രാ​ണ്.

2001 മാ​ർ​ച്ചി​ൽ ഈ​ഡ​ൻ ഗാ​ർ​ഡ​നി​ൽ ന​ട​ന്ന ടെ​സ്റ്റ് മാ​ത്രം മ​തി സാ​മ്പി​ളാ​യി​ട്ട്. അ​ന്ന് ര​ണ്ടാം ഇ​ന്നി​ങ്സി​ൽ ല​ക്ഷ്മ​ണും ദ്രാ​വി​ഡും ചേ​ർ​ന്ന് പ​ടു​ത്തു​യ​ർ​ത്തി​യ 376 റ​ൺ​സ് കൂ​ട്ടു​കെ​ട്ടി​നൊ​പ്പം 13 വി​ക്ക​റ്റ് വീ​ഴ്ത്തി​യ ഹ​ർ​ഭ​ജ​ന്റെ മാ​സ്മ​രി​ക ബൗ​ളി​ങ്ങി​നും ലോ​കം സാ​ക്ഷി​യാ​യി.

അ​വ​രു​ടെ കാ​ലം ക​ഴി​ഞ്ഞ​പ്പോ​ൾ ക​ങ്കാ​രു നാ​ട്ടു​കാ​ർ പേ​ടി​ക്കു​ന്ന​ത് ര​ണ്ടു​പേ​രെ​യാ​ണ്. പ​ന്തെ​ടു​ത്താ​ൽ ഓ​സീ​സ് ബാ​റ്റ​ർ​മാ​രെ എ​റി​ഞ്ഞി​ടു​ക മാ​ത്ര​മ​ല്ല, ബാ​റ്റു​മാ​യി റ​ൺ​സ​ടി​ച്ചു​കൂ​ട്ടാ​നും മി​ടു​ക്ക​രാ​യ ര​വീ​ന്ദ്ര ജ​ദേ​ജ​യും ര​വി​ച​ന്ദ്ര​ൻ അ​ശ്വി​ൻ. അ​ക്ഷ​രം​തെ​റ്റാ​തെ ഇ​വ​രെ വി​ളി​ക്കാം ഓ​ൾ​റൗ​ണ്ട​ർ​മാ​രെ​ന്ന്.

ര​ണ്ടി​ലൊ​രാ​ൾ​ക്കു മു​ന്നി​ൽ വീ​ഴാ​ത്ത​വ​രി​ല്ല

പ​രി​ക്കു കാ​ര​ണം മാ​സ​ങ്ങ​ളോ​ളം വി​ട്ടു​നി​ന്ന​ശേ​ഷ​മാ​യി​രു​ന്നു ജ​ദേ​ജ​യു​ടെ തി​രി​ച്ചു​വ​ര​വ്. നാ​ഗ്പു​ർ ടെ​സ്റ്റി​ലെ ആ​ദ്യ ഇ​ന്നി​ങ്സി​ൽ അ​ഞ്ചു വി​ക്ക​റ്റും 70 റ​ൺ​സും. ര​ണ്ടാം ഇ​ന്നി​ങ്സി​ൽ ര​ണ്ടു വി​ക്ക​റ്റു​കൂ​ടി നേ​ടി ക​ളി​യി​ലെ കേ​മ​നാ​യി. ര​ണ്ട് ഇ​ന്നി​ങ്സി​ലു​മാ​യി എ​ട്ടു വി​ക്ക​റ്റ് നേ​ടി​യ അ​ശ്വി​ൻ ത​ര​ക്കേ​ടി​ല്ലാ​തെ ബാ​റ്റും ചെ​യ്തു.

ഇ​നി ഡ​ൽ​ഹി​യി​ലേ​ക്കു പോ​കാം. ഒ​ന്നാം ഇ​ന്നി​ങ്സി​ൽ ര​ണ്ടു​പേ​രും മൂ​ന്നു വി​ക്ക​റ്റ് വീ​തം വീ​ഴ്ത്തി. ബാ​റ്റി​ങ്ങി​ൽ ഇ​ന്ത്യ ത​ക​രു​മ്പോ​ൾ ജ​ദേ​ജ 26ഉം ​അ​ശ്വി​ൻ 37ഉം ​റ​ൺ​സെ​ടു​ത്തു പി​ടി​ച്ചു​നി​ന്നു. ര​ണ്ടാം ഇ​ന്നി​ങ്സി​ൽ ജ​ദേ​ജ ഏ​ഴു​പേ​രെ​യും അ​ശ്വി​ൻ മൂ​ന്നു​പേ​രെ​യും പു​റ​ത്താ​ക്കി. ജ​ദേ​ജ​ത​ന്നെ വീ​ണ്ടും പ്ല​യ​ർ ഓ​ഫ് ദ ​മാ​ച്ച്.

ഇ​ന്ത്യ​യു​ടെ ടോ​പ് ഓ​ർ​ഡ​ർ പ​രാ​ജ​യ​പ്പെ​ട​വെ വാ​ല​റ്റ​ത്ത് ഇ​റ​ങ്ങി അ​ർ​ധ​ശ​ത​ക​ങ്ങ​ളു​മാ​യി ര​ണ്ടു ടെ​സ്റ്റി​ലും തി​ള​ങ്ങി മ​റ്റൊ​രു സ്പി​ൻ ഓ​ൾ​റൗ​ണ്ട​ർ അ​ക്സ​ർ പ​ട്ടേ​ൽ. ര​ണ്ടു ടെ​സ്റ്റി​ലു​മാ​യി ജ​ദേ​ജ വീ​ഴ്ത്തി​യ​ത് 17ഉം ​അ​ശ്വി​ൻ കൈ​ക്ക​ലാ​ക്കി​യ​ത് 14ഉം ​വി​ക്ക​റ്റു​ക​ൾ. 40ൽ 31​ഉം നേ​ടി​യ​ത് ഇ​രു​വ​രു​മാ​ണ്. ജ​ദേ​ജ​ക്കോ അ​ശ്വി​നോ വി​ക്ക​റ്റ് കൊ​ടു​ക്കാ​ത്ത ഒ​രു ബാ​റ്റ​ർ​പോ​ലും ആ​സ്ട്രേ​ലി​യ​ൻ നി​ര​യി​ൽ ഇ​ല്ലെ​ന്നു ചു​രു​ക്കം

ജ​ദേ​ജ-​അ​ശ്വി​ൻ ഡെ​ഡ്‍ലി കോം​ബോ

45 ടെ​സ്റ്റു​ക​ളാ​ണ് ജ​ദേ​ജ​യും അ​ശ്വി​നും ഒ​രു​മി​ച്ച് ക​ളി​ച്ച​ത്. 86 ഇ​ന്നി​ങ്സി​ലാ​യി 22.25 ശ​രാ​ശ​രി​യി​ൽ അ​ശ്വി​ൻ 248 വി​ക്ക​റ്റ് വീ​ഴ്ത്തി. ജ​ദേ​ജ​ക്കു കി​ട്ടി​യ​ത് 20.33 ശ​രാ​ശ​രി​യി​ൽ 214 ഇ​ര​ക​ളെ. ര​ണ്ടു​പേ​രും ഒ​രു​മി​ച്ചി​റ​ങ്ങി 21 ശ​രാ​ശ​രി​യി​ൽ ഇ​ന്ത്യ​ക്ക് നേ​ടി​ക്കൊ​ടു​ത്ത​ത് 462 വി​ക്ക​റ്റ്. ഫു​ൾ ലെ​ങ്ത് പ​ന്തു​ക​ളു​മാ​യി ക​ളം​നി​റ​യു​ന്ന അ​ശ്വി​നും ജ​ദേ​ജ​യും ച​രി​ത്ര​ത്തി​ലെ​ത്ത​ന്നെ മി​ക​ച്ച ര​ണ്ടാ​മ​ത്തെ സ്പി​ൻ ബൗ​ളി​ങ് കൂ​ട്ടു​കെ​ട്ടാ​ണ്.

54 ടെ​സ്റ്റി​ൽ 501 പേ​രെ പു​റ​ത്താ​ക്കി​യ ഇ​ന്ത്യ​യു​ടെ​ത​ന്നെ കും​ബ്ലെ​യും ഹ​ർ​ഭ​ജ​നു​മാ​ണ് മു​ന്നി​ൽ. പേ​സ​റാ​യ സ​ഹീ​ർ ഖാ​നൊ​പ്പം ചേ​ർ​ന്ന് ഹ​ർ​ഭ​ജ​ൻ 59 ടെ​സ്റ്റി​ൽ 474, ഉ​മേ​ഷ് യാ​ദ​വ്-​അ​ശ്വി​ൻ സ​ഖ്യം 50 ടെ​സ്റ്റി​ൽ 417, കും​ബ്ലെ-​ജ​വ​ഗ​ൽ ശ്രീ​നാ​ഥ് ജോ​ടി 52 ടെ​സ്റ്റി​ൽ 412 എ​ന്നി​ങ്ങ​നെ വി​ക്ക​റ്റ് വീ​ഴ്ത്തി.

റാ​ങ്കി​ങ്ങി​ലും കു​തി​പ്പ്

പു​തി​യ ഐ.​സി.​സി ടെ​സ്റ്റ് റാ​ങ്കി​ങ്ങി​ൽ ജ​ദേ​ജ​യും അ​ശ്വി​നും വ​ലി​യ നേ​ട്ട​മു​ണ്ടാ​ക്കി. ഓ​ൾ​റൗ​ണ്ട​ർ​മാ​രി​ൽ യ​ഥാ​ക്ര​മം ഒ​ന്നും ര​ണ്ടും സ്ഥാ​ന​ങ്ങ​ളി​ൽ ഇ​വ​ർ​ത​ന്നെ. അ​ക്സ​ർ അ​ഞ്ചാ​മ​നാ​യും കു​തി​ച്ചു. ബൗ​ള​ർ​മാ​രി​ൽ അ​ശ്വി​ൻ ര​ണ്ടാം സ്ഥാ​ന​ത്തേ​ക്കു ക​യ​റി. മൂ​ന്ന​ര വ​ർ​ഷ​ത്തി​നു ശേ​ഷം ബൗ​ളി​ങ് റാ​ങ്കി​ങ്ങി​ൽ ആ​ദ്യ പ​ത്തി​ലേ​ക്കു ക​ട​ന്ന ജ​ദേ​ജ ഒ​മ്പ​താ​മ​നാ​യി.

ഇ​ന്ത്യ​യു​ടെ​ത​ന്നെ ജ​സ്പ്രീ​ത് ബും​റ അ​ഞ്ചാം സ്ഥാ​ന​ത്തു​മു​ണ്ട്. ഇം​ഗ്ല​ണ്ടി​ന്റെ ജെ​യിം​സ് ആ​ൻ​ഡേ​ഴ്സ​നാ​ണ് മു​ന്നി​ൽ. ഓ​സീ​സി​ന്റെ മാ​ർ​ന​സ് ല​ബൂ​ഷെ​യ്ൻ ന​യി​ക്കു​ന്ന ബാ​റ്റ​ർ​മാ​രു​ടെ പ​ട്ടി​ക​യി​ൽ ഋ​ഷ​ഭ് പ​ന്തും രോ​ഹി​ത് ശ​ർ​മ​യും ആ​റ്, ഏ​ഴ് സ്ഥാ​ന​ങ്ങ​ളി​ലു​ണ്ട്.