ക്രിക്കറ്റ്​താരം പിയൂഷ്​ ചൗളയുടെ പിതാവ്​ കോവിഡ്​ ബാധിച്ച്​ മരിച്ചു

മുംബൈ: ഇന്ത്യൻ ക്രിക്കറ്റ്​ താരം ക്രിക്കറ്റ്​താരം പിയൂഷ്​ ചൗളയുടെ പിതാവ്​ പ്രമോദ്​ കുമാർ ചൗള കോവിഡ്​ ബാധിച്ച്​ മരിച്ചു. കോവിഡ്​ ബാധിതനായ ശേഷം ഗുരുതര ആ​േരാഗ്യപ്രശ്​നങ്ങളെ തുടർന്ന്​ നില വഷളായ പ്രമോദ്​ കുമാർ ചൗള തിങ്കളാഴ്​ച മരണത്തിന്​ കീഴടങ്ങിയ വിവരം പിയൂഷ്​ ത​െൻറ ഇൻസ്​റ്റഗ്രാം അക്കൗണ്ടിലൂടെയാണ്​ അറിയിച്ചത്​.

'എ​െൻറ പ്രിയപ്പെട്ട പിതാവ്​ ഞങ്ങളെ വിട്ടുപിരിഞ്ഞ വിവരം ഏറെ വ്യസനത്തോടെ അറിയിക്കുകയാണ്​. കോവിഡ്​ ബാധിതനായ ശേഷം അദ്ദേഹത്തിന്​ കടുത്ത ആരോഗ്യപ്രശ്​നങ്ങളുണ്ടായിരുന്നു. നിങ്ങളുടെ ചിന്തകളിലും പ്രാർഥനകളിലും അദ്ദേഹത്തെ ഉൾപെടുത്തണമെന്ന്​ അപേക്ഷിക്കുന്നു. ആത്​മാവിന്​ നിത്യശാന്തി നേരുന്നു..' -ഇൻസ്​റ്റഗ്രാം പോസ്​റ്റിൽ പിയൂഷ്​ ചൗള കുറിച്ചു. 'അദ്ദേഹമില്ലാത്ത ജീവിതം ഇനിയൊരിക്കലും പഴയതുപോലെയാവില്ല. എ​െൻറ കരുത്തി​െൻറ പിന്നിലെ പ്രധാനശക്​തിയാണ്​ നഷ്​ടമായത്​. ' -ചൗള കൂട്ടി​േച്ചർത്തു.

ലെഗ്​സ്​പിന്നറായ 32കാരൻ പിയൂഷ്​ ചൗള ഐ.പി.എല്ലിൽ കൊൽക്കത്ത നൈറ്റ്​​ൈ​​​റഡേഴ്​സിൽനിന്ന്​ ഇത്തവണ മുംബൈ ഇന്ത്യൻസി​ലേക്ക്​ മാറിയിരുന്നു. പാതിവഴിയിൽ മാറ്റിവെച്ച ​ഐ.പി.എല്ലിൽ മുംബൈ കളിച്ച ഏഴു മത്സരങ്ങളിലും പിയൂഷ്​ കളത്തിലിറങ്ങിയിരുന്നില്ല. രാഹുൽ ചഹാർ മികച്ച ഫോം തുടർന്നതിനെ തുടർന്നാണ്​ പിയൂഷിന്​ അവസരം ലഭിക്കാതെ പോയത്​. 2011 ലോകകപ്പ്​ ജയിച്ച ടീമിൽ അംഗമായിരുന്ന പിയൂഷ്​ 2012ന്​ ശേഷം ഇന്ത്യൻ ജഴ്​സിയണിഞ്ഞിട്ടില്ല.