സചിൻ വികാരം; അദ്ദേഹത്തോടുള്ള സ്​നേഹം പ്രകടിപ്പിക്കാൻ വാക്കുകളില്ല -ശ്രീശാന്ത്​

കൊച്ചി: സചിൻ ടെണ്ടുൽക്കറിന്​ പിന്തുണയുമായി മലയാളി ക്രിക്കറ്റ്​ താരം എസ്​. ശ്രീശാന്ത്​. സചിൻ ഒരു വികാരമാണെന്ന്​ ശ്രീശാന്ത്​ ട്വീറ്റ്​ ചെയ്​തു. തന്നെ പോലുള്ള പലരും ഇന്ത്യക്കായി കളിക്കുന്നത്​ സ്വപ്​നം കാണാൻ കാരണം സചിനാണെന്നും​ ശ്രീശാന്ത്​ പറഞ്ഞു.

സചിനോടുള്ള സ്​നേഹവും കടപ്പാടും പ്രകടപ്പിക്കാൻ വാക്കുകളില്ല. ഇന്ത്യയിൽ ജനിച്ചതിൽ അഭിമാനിക്കുന്നു. സചിൻ താങ്കൾ എപ്പോഴും ഇന്ത്യയുടെ അഭിമാനമായിരിക്കുമെന്നും ശ്രീശാന്ത്​ ട്വീറ്റിൽ വ്യക്​തമാക്കി.

കർഷകസമരത്തിൽ ഇന്ത്യക്ക്​ പുറത്ത്​ നിന്നുള്ളവർ അഭിപ്രായം പറയേണ്ടെന്ന്​ സചിൻ ട്വീറ്റ്​ ചെയ്​തിരുന്നു. തുടർന്ന്​ വലിയ വിമർശനങ്ങളാണ്​ സചിനെതിരെ ഉയർന്നത്​.