പരിക്കേറ്റ ഭുവനേശ്വറിന്​ പകരം പൃഥ്വിരാജ്​ യാര സൺറൈസേഴ്​സിൽ

ദുബൈ: പരിക്കേറ്റ്​ പുറത്തായ പേസർ ഭുവനേശ്വർ കുമാറിന്​ പകരം പൃഥ്വിരാജ് യാര​ സൺ​റൈസേഴ്​സ് ഹൈദരാബാദ്​ ​ ടീമി​ൽ. കഴിഞ്ഞ സീസണിൽ കൊൽക്കത്ത നൈറ്റ്​റൈഡേഴ്​സ്​ താരമായിരുന്നു. ഹൈദരാബാദിൽ സൺറൈസേഴ്​സിനെതിരെയായിരുന്നു ഐ.പി.എൽ അരങ്ങേറ്റം.

അന്ന്​ ഡേവിഡ്​ വാർണറുടെ വിക്കറ്റ്​ നേടിയ താരം അതേ നായകന്​ കീഴിൽ കളിക്കാൻ പോകുകയാണ്​​. ഈഡൻ ഗാർഡൻസിൽ രാജസ്​ഥാൻ റോയൽസിനെതിരായ മത്സരം കൂടി കളിച്ചെങ്കിലും ഈ വർഷത്തെ താര ലേലത്തിൽ പൃഥ്വിരാജിനെ കെ.കെ.ആർ കൈവിടുകയായിരുന്നു.

22കാരനായ ഇട​ൈങ്കയ്യൻ മീഡിയം പേസർ 2017-18 സീസണിൽ ആന്ധ്രക്ക്​ ​വേണ്ടി കളിച്ചാണ്​ ഫസ്​റ്റ്​ ക്ലാസ്​ ക്രിക്കറ്റിൽ അരങ്ങേറിയത്​.

ഒക്​ടോബർ രണ്ടിന്​ ദുബൈയിൽ ചെന്നൈ സൂപ്പർ കിങ്​സിനെതിരായ മത്സരത്തിനിടെയാണ്​ ഭുവിക്ക്​ പരിക്കേറ്റത്​. മുംബൈ ഇന്ത്യൻസിനെതിരായ മത്സരത്തിൽ ഭുവി കളിച്ചിരുന്നില്ല. ഇതോടെ താരതമ്യേനെ അനുഭവസമ്പത്ത്​ കുറഞ്ഞ പേസ്​ നിരയുമായി സീസണിലെ ബാക്കി മത്സരങ്ങൾ കളിക്കേണ്ട ഗതികേടിലാണ്​ ഹൈദരാബാദ്​.

സന്ദീപ്​ ശർമ, ടി. നടരാജൻ, സിദ്ധാർഥ്​ കൗൾ എന്നിവരാണ്​ ഹൈദരാബാദി​െൻറ പേസർമാർ. ആദ്യ രണ്ട്​ മത്സരങ്ങളിൽ വിക്കറ്റൊന്നും നേടാൻ സാധിക്കാതിരുന്ന ഭ​ുവി ഡൽഹിക്കെതിരെ രണ്ടും ചെന്നൈക്കെതിരെ ഒരു വിക്കറ്റും വിഴ്​ത്തിയിരുന്നു. ആദ്യ അഞ്ച്​ മത്സരങ്ങൾ പൂർത്തിയായപ്പോൾ രണ്ട്​ ജയങ്ങൾ മാത്രമുള്ള ഓറഞ്ച്​ പട ഏഴാം സ്​ഥാനത്താണ്​.