ഹമ്പട എ.ബി.ഡി; ബാംഗ്ലൂരിന്​ ഏഴുവിക്കറ്റി​െൻറ തകർപ്പൻ ജയം

ദുബൈ: ക്രിക്കറ്റിൽ എ.ബി ഡിവില്ലിയേഴ്​സിന്​ മാത്രം കഴിയുന്ന മാന്ത്രികതകളുണ്ട്​. ഇക്കുറി അതിന്​ സാക്ഷിയായത്​ ദുബൈ സ്​റ്റേഡിയം. രാജസ്ഥാൻ റോയൽസ്​ ഉയർത്തിയ 177 റൺസി​െൻറ വിജയലക്ഷ്യം പിന്തുടർന്നിറങ്ങിയ ബാംഗ്ലൂർ റോയൽ ചാലഞ്ചേഴ്​സിനായി 22 പന്തിൽ 55 റൺസുമായി ഡിവില്ലിയേഴ്​സ്​ നിറഞ്ഞാടിയതോടെ ബാംഗ്ലൂർ വിജയം തട്ടിയെടുക്കുകയായിരുന്നു. ആറുസിക്​സറുകളാണ്​ ഡിവില്ലിയേഴ്​സി​െൻ ബാറ്റിൽനിന്നും പറന്നത്​.

പയ്യെക്കളിച്ച ദേവ്​ദത്ത്​ പടിക്കൽ (37 പന്തിൽ നിന്നും 35), നായകൻ വിരാട്​ കോഹ്​ലി (32 പന്തിൽ നിന്നും 43) എന്നിവർ ഒരുക്കിയ അടിത്തറയിൽ എ.ബി ഡിവില്ലിയേഴ്​സ്​ നിറഞ്ഞാടുകയായിരുന്നു. 19 റൺസെടുത്ത ഗുർക്രീത്​ സിങ്​ എ.ബിക്ക്​ മികച്ച പിന്തുണ നൽകി. രാജസ്ഥാന നിരയിൽ ജോഫ്ര ആർച്ചറടക്കമുള്ള ബൗളർമാർക്ക്​ കാര്യമായി ഒന്നും ചെയ്യാനായില്ല. ജയ്​ദേവ് ഉനദ്​കടി​െൻറ 19ാം ഓവറിൽ മൂന്ന്​ സിക്​സറുകളക്കം അടിച്ചെടുത്ത 25 റൺസാണ്​ ബാംഗ്ലൂരിനെ വിജയതീരമണച്ചത്​.

ആദ്യം ബാറ്റുചെയ്​ത രാജസ്ഥാനായി ഫോം വീണ്ടെുത്ത സ്​റ്റീവൻ സ്​മിത്തും (36 പന്തിൽ 57), റോബിൻ ഉത്തപ്പയുമാണ്​ (22 പന്തിൽ 41) തിളങ്ങിയത്​. മലയാളി താരം സഞ്​ജു സാംസൺ 9 റൺസെടുത്ത്​ പുറത്തായി. ബാംഗ്ലൂരിനായി നാലോവറിൽ 26 റൺസ്​ വഴങ്ങി നാലു​വിക്കറ്റെടുത്ത ക്രിസ്​ മോറിസ് ത​െൻറ ക്ലാസ്​ തെളിയിച്ചപ്പോൾഫോമിലുള്ള യൂസ്​വേന്ദ്ര ചാഹൽ രണ്ട്​ വിക്കറ്റ്​ വീഴ്​ത്തി.