രഞ്ജി ട്രോഫി: ​കേരളത്തിന് സമനില

ജ​യ്പു​ർ: ര​ഞ്ജി ട്രോ​ഫി എ​ലീ​റ്റ് സി ​ഗ്രൂ​പ് മ​ത്സ​ര​ത്തി​ൽ രാ​ജ​സ്ഥാ​നെ​തി​രെ ​കേ​ര​ള​ത്തി​ന് സ​മ​നി​ല. ഒ​ന്നാ​മി​ന്നി​ങ്സ് ലീ​ഡ് നേ​ടി​യ രാ​ജ​സ്ഥാ​ൻ നാ​ലു പോ​യ​ന്റ് ക​ര​സ്ഥ​മാ​ക്കി. കേ​ര​ള​ത്തി​ന് ഒ​രു പോ​യ​ന്റും. ര​ണ്ടു മ​ത്സ​ര​ങ്ങ​ളി​ൽ 13 പോ​യ​ന്റു​മാ​യി ഛത്തീ​സ്ഗ​ഢാ​ണ് ഗ്രൂ​പ്പി​ൽ മു​ന്നി​ൽ. ക​ർ​ണാ​ട​ക​ക്ക് 10 പോ​യ​ന്റു​ണ്ട്. കേ​ര​ളം ഏ​ഴു പോ​യ​ന്റു​മാ​യി മൂ​ന്നാ​മ​താ​ണ്.

ആ​ദ്യ ഇ​ന്നി​ങ്സി​ൽ 337 റ​ൺ​സെ​ടു​ത്ത രാ​ജ​സ്ഥ​നെ​തി​രെ കേ​ര​ളം 306ന് ​പു​റ​ത്താ​യി​രു​ന്നു. ര​ണ്ടാം ഇ​ന്നി​ങ്സി​ൽ എ​ട്ടി​ന് 306 റ​ൺ​സെ​ടു​ത്ത രാ​ജ​സ്ഥാ​ൻ 395 റ​ൺ​സി​ന്റെ വി​ജ​യ​ല​ക്ഷ്യം മു​ന്നോ​ട്ടു​വെ​ച്ചെ​ങ്കി​ലും എ​ട്ടി​ന് 299 റ​ൺ​സെ​ടു​ക്കാ​നേ കേ​ര​ള​ത്തി​നാ​യു​ള്ളൂ. ആ​ദ്യ ഇ​ന്നി​ങ്സി​ൽ സെ​ഞ്ച്വ​റി നേ​ടി​യ സ​ചി​ൻ ബേ​ബി​യാ​ണ് ര​ണ്ടാം വ​ട്ട​വും കേ​ര​ള​ത്തി​ന്റെ ടോ​പ്സ്കോ​റ​ർ (139 പ​ന്തി​ൽ 81 നോ​ട്ടൗ​ട്ട്). ക്യാ​പ്റ്റ​ൻ സ​ഞ്ജു സാം​സ​ണും (53 പ​ന്തി​ൽ 69) ഓ​പ​ണ​ർ പി. ​രാ​ഹു​ലും (70 പ​ന്തി​ൽ 64) അ​ർ​ധ സെ​ഞ്ച്വ​റി നേ​ടി. രാ​ഹു​ലും സ​ഞ്ജു​വും സ​ചി​ൻ ബേ​ബി​യും ആ​ഞ്ഞ​ടി​ച്ച​തോ​ടെ തു​ട​ക്ക​ത്തി​ൽ വി​ജ​യ​ത്തി​നാ​യി ശ്ര​മി​ച്ച കേ​ര​ള​ത്തി​ന് പി​ന്നീ​ട് തു​ട​രെ വി​ക്ക​റ്റു​ക​ൾ ന​ഷ്ട​മാ​യ​ത് തി​രി​ച്ച​ടി​യാ​യി.

ഒ​രു ഘ​ട്ട​ത്തി​ൽ 50 ഓ​വ​റി​ൽ എ​ട്ടി​ന് 269 എ​ന്ന നി​ല​യി​ൽ കേ​ര​ളം പ​രാ​ജ​യ​ഭീ​തി​യി​ലാ​യെ​ങ്കി​ലും അ​ഭേ​ദ്യ​മാ​യ ഒ​മ്പ​താം വി​ക്ക​റ്റി​ന് 103 പ​ന്തി​ൽ 30 റ​ൺ​സ് ചേ​ർ​ത്ത് സ​ചി​ൻ ബേ​ബി​യും എം.​ഡി. നി​ധീ​ഷും (38 പ​ന്തി​ൽ പു​റ​ത്താ​വാ​തെ ര​ണ്ട്) ടീ​മി​നെ ര​ക്ഷി​ക്കു​ക​യാ​യി​രു​ന്നു.