രഞ്ജി ട്രോഫി: ഉത്തര്‍പ്രദേശിനെ എറിഞ്ഞിട്ടു, കേരളം പൊരുതുന്നു

തി​രു​വ​ന​ന്ത​പു​രം: ര​ഞ്ജി ട്രോ​ഫി​യി​ല്‍ ഉ​ത്ത​ര്‍പ്ര​ദേ​ശി​നെ ആ​ദ്യ ഇ​ന്നി​ങ്‌​സി​ല്‍ 162ന് ​പു​റ​ത്താ​ക്കി കേ​ര​ളം. അ​ഞ്ച് വി​ക്ക​റ്റെ​ടു​ത്ത് ജ​ല​ജ് സ​ക്‌​സേ​ന, ര​ണ്ട് വി​ക്ക​റ്റു​മാ​യി ബേ​സി​ല്‍ ത​മ്പി, ഓ​രോ വി​ക്ക​റ്റ് വീ​തം നേ​ടി ആ​സി​ഫ് കെ.​എം അ​പ​രാ​ജി​ത്, സ​ര്‍വ​തെ എ​ന്നി​വ​രാ​ണ് ഉ​ത്ത​ര്‍പ്ര​ദേ​ശി​നെ പ്ര​തി​രോ​ധ​ത്തി​ലാ​ക്കി​യ​ത്. സ്‌​കോ​ര്‍ 129ൽ ​നി​ൽ​ക്കെ ഒ​മ്പ​ത് വി​ക്ക​റ്റ് ന​ഷ്ട​മാ​യ ഉ​ത്ത​ര്‍പ്ര​ദേ​ശി​നെ 150 ക​ട​ത്തി​യ​ത് ശി​വം ശ​ര്‍മ​യും ആ​ക്വി​ബ് ഖാ​നും ചേ​ർ​ന്ന കൂ​ട്ടു​കെ​ട്ടാ​ണ്. 30 റ​ണ്‍സെ​ടു​ത്ത ശി​വം ശ​ര്‍മ​യാ​ണ് ഉ​ത്ത​ര്‍പ്ര​ദേ​ശി​ന്റെ ടോ​പ് സ്‌​കോ​റ​ര്‍.

ആ​ദ്യ ഇ​ന്നി​ങ്‌​സി​ല്‍ അ​ഞ്ച് വി​ക്ക​റ്റ് നേ​ടി​യ​തോ​ടെ ര​ഞ്ജി ട്രോ​ഫി​യി​ല്‍ ആ​റാ​യി​രം റ​ണ്‍സും 400 വി​ക്ക​റ്റും നേ​ടു​ന്ന ആ​ദ്യ താ​ര​മാ​യി സ​ക്‌​സേ​ന മാ​റി. തു​മ്പ സെ​ന്റ് സേ​വ്യ​ര്‍ ഗ്രൗ​ണ്ടി​ല്‍ ന​ട​ക്കു​ന്ന മ​ത്സ​ര​ത്തി​ല്‍ ടോ​സ് നേ​ടി​യ കേ​ര​ളം ഉ​ത്ത​ര്‍പ്ര​ദേ​ശി​നെ ബാ​റ്റി​ങ്ങി​ന​യ​ക്കു​ക​യാ​യി​രു​ന്നു. ക്യാ​പ്റ്റ​ന്‍ ആ​ര്യ​ന്‍ ജു​യാ​ലും മാ​ധ​വ് കൗ​ശി​ക്കും ചേ​ര്‍ന്ന് ഭേ​ദ​പ്പെ​ട്ട തു​ട​ക്കം ന​ല്‍കി​യെ​ങ്കി​ലും സ്‌​കോ​ര്‍ 29ല്‍ ​നി​ൽ​ക്കെ ജു​യാ​ലി​നെ സ​ക്‌​സേ​ന ക്ലീ​ന്‍ ബൗ​ള്‍ഡാ​ക്കി.

ഒ​രു റ​ണ്‍സ് ചേ​ര്‍ക്കു​ന്ന​തി​നി​ടെ പ്രി​യം ഗാ​ര്‍ഗി​നെ കെ.​എം ആ​സി​ഫും മ​ട​ക്കി. നീ​തീ​ഷ് റാ​ണ​യും മാ​ധ​വ് കൗ​ഷി​ക്കും ചേ​ർ​ന്ന് ഉ​ത്ത​ര്‍പ്ര​ദേ​ശ് സ്‌​കോ​ര്‍ 50 ക​ട​ത്തി. വൈ​കാ​തെ സ​ക്‌​സേ​ന​യു​ടെ പ​ന്തി​ല്‍ മു​ഹ​മ്മ​ദ് അ​സ​റു​ദ്ദീ​ന്‍ ക്യാ​ച്ചെ​ടു​ത്ത് മാ​ധ​വ് കൗ​ഷി​ക്കി​നെ പു​റ​ത്താ​ക്കി. സ​മീ​ര്‍ റി​സ്‌​വി​യു​ടെ വി​ക്ക​റ്റ് ബേ​സി​ല്‍ ത​മ്പി​യും വീ​ഴ്ത്തി.

ഉ​ച്ച​ഭ​ക്ഷ​ണ​ത്തി​ന് മു​ന്നെ സി​ദ്ധാ​ർ​ഥ് യാ​ദ​വി​നെ​യും സ​ക്‌​സേ​ന പു​റ​ത്താ​ക്കി. യു.​പി സ്‌​കോ​ര്‍ 129 എ​ത്തി​യ​പ്പോ​ള്‍ തു​ട​രെ ന​ഷ്ട​മാ​യ​ത് ര​ണ്ട് വി​ക്ക​റ്റു​ക​ൾ. മ​റു​പ​ടി ബാ​റ്റി​ങ്ങി​നി​റ​ങ്ങി​യ കേ​ര​ളം ക​ളി നി​ര്‍ത്തു​മ്പോ​ള്‍ ര​ണ്ട് വി​ക്ക​റ്റ് ന​ഷ്ട​ത്തി​ല്‍ 82 റ​ണ്‍സെ​ന്ന നി​ല​യി​ലാ​ണ്. രോ​ഹ​ന്‍ കു​ന്നു​മ്മ​ലി​ന്റെ​യും വ​ത്സ​ല്‍ ഗോ​വി​ന്ദി​ന്റെ​യും വി​ക്ക​റ്റു​ക​ളാ​ണ് ന​ഷ്ട​മാ​യ​ത്.