േപ്ല ഓഫ്​ ഉറപ്പിച്ച്​ ബാംഗ്ലൂർ; ​തോൽവിയോ​െട പഞ്ചാബ്​ പുറത്തേക്ക്​

ഷാർജ: ​േപ്ല ഓഫ്​ സാധ്യതകൾക്ക്​ ജയം അനിവാര്യമായ മത്സരത്തിലും പഞ്ചാബ്​ കിങ്​സിനെ മധ്യനിര ചതിച്ചു. ആറു റൺസ്​ ജയത്തോടെ 12 കളികളിൽ നിന്നും 16 പോയന്‍റുമായി ബാംഗ്ലൂർ ​േപ്ല ഓഫ്​ ഉറപ്പിച്ചപ്പോൾ 13 കളികളിൽ നിന്നും 10 പോയന്‍റ്​ മാത്രമുളള പഞ്ചാബിന്‍റെ സാധ്യതകൾ ഏതാണ്ട്​ അസ്​തമിച്ചു. 165 റൺസ്​ വിജയലക്ഷ്യം തേടിയിറങ്ങിയ പഞ്ചാബ്​ വിക്കറ്റൊന്നും നഷ്​ടപ്പെടാതെ 91 റൺസിലെത്തിയെങ്കിലും പിന്നീട്​ തകർന്നടിയുകയായിരുന്നു.​

കെ.എൽ.രാഹുലും (35 പന്തിൽ 39), മായങ്ക്​ അഗർവാളും (42 പന്തിൽ 57) ചേർന്ന്​ പഞ്ചാബിന്​ ആശിച്ച തുടക്കമാണ്​ നൽകിയത്​. പഞ്ചാബ്​ അനായാസം വിജയത്തിലേക്കെന്ന്​ തോന്നിച്ച മത്സരം ബാംഗ്ലൂർ തിരിച്ചുപിടിക്കുകയായിരുന്നു. രാഹുൽ പുറത്തായതിന്​ പിന്നാലെയെത്തിയ നികൊളാണ്​ പുരാൻ (3), സർഫറാസ്​ ഖാൻ (0) എന്നിവർ അ​േമ്പ പരാജയപ്പെട്ടു. അവസാന ഓവറുകളിൽ മോയ്​സസ്​ ഹെന്‍റിക്വസിനും (9 പന്തിൽ 12), ഷാരൂഖ്​ ഖാനും (11 പന്തിൽ 16) വിജയത്തിലേക്ക്​ വേണ്ട വേഗത്തിൽ സ്​കോർ ചെയ്യാനായില്ല. 29 റൺസ്​ വഴങ്ങി മൂന്ന്​ വിക്കറ്റ്​ വീഴ്​ത്തിയ യുവ്​വേന്ദ്ര ചഹലാണ്​ ബാംഗ്ലൂർ നിരയിൽ മികച്ചു നിന്നത്​.

ആദ്യം ബാറ്റ്​ ചെയ്​ത ബാംഗ്ലൂർ 33 പന്തിൽ 57 റൺസുമായി നിറഞ്ഞാടിയ ​​െഗ്ലൻ മാക്​സ്​വെല്ലിന്‍റെ മിടുക്കിലാണ്​​ പൊരുതാവുന്ന സ്​കോറുയർത്തിയത്​​. ആദ്യവിക്കറ്റിൽ ദേവ്​ദത്ത്​ പടിക്കലും (38 പന്തിൽ 40) വിരാട്​ കോഹ്​ലിയും (24 പന്തിൽ 25) ഒരുക്കിയ അടിത്തറയിലാണ്​ ബാറ്റിങ്​ ദുഷ്​കരമായ പിച്ചിൽ ബാംഗ്ലൂർ ഇന്നിങ്​സ്​ പടുത്തുയർത്തിയത്​​. കോഹ്​ലി, പടിക്കൽ, ഡാനിയൽ ക്രിസ്റ്റ്യൻ എന്നിവരെ ഹെന്‍റിക്വസ്​​ പുറത്താക്കിയതോടെ തകർച്ച മുന്നിൽ കണ്ട ബാംഗ്ലൂരിനെ മാക്​സ്​വെൽ എടുത്തുയർത്തുകയായിരുന്നു.

നാലുസിക്​സറുകളും മൂന്നു ബൗണ്ടറികളും സഹിതമാണ്​ ​െഗ്ലൻ മാക്​സ്​വെൽ തിമിർത്ത്​ പെയ്​തത്​. ഒരറ്റത്ത്​ 18 പന്തിൽ 23 റൺസുമായി എ.ബി ഡിവില്ലിയേഴ്​സ്​ മാക്​സ്​വെലിന്​ പിന്തുണ നൽകി. അവസാന ഓവറിൽ മൂന്നുവിക്കറ്റ്​ വീഴ്​ത്തി ഷമി സീസണിലെ തന്‍റെ വിക്കറ്റ്​ വേട്ട തുടർന്നു.