'ട്വന്റി-20 വിരമിക്കൽ പിൻവലിക്കാൻ രോഹിത് ശർമ?' താരത്തിന്റെ വാക്കുകൾ ഏറ്റെടുത്ത് ആരാധകർ
text_fieldsരോഹിത് ശർമ
ഈ വർഷം അരങ്ങേറിയ ടി-20 ലോകകപ്പ് വിജയിച്ചുകൊണ്ട് ഈ ഫോർമാറ്റിൽ നിന്നും മികച്ച വിരമിക്കൽ ലഭിച്ച താരമാണ് രോഹിത് ശർമ. ലോകകപ്പ് നേടിയ ഇന്ത്യൻ ടീമിന്റെ നായകൻ കൂടെയായ അദ്ദേഹമാണ് ഇന്ത്യക്കായി ഏറ്റവും കൂടുതൽ റൺസ് നേടിയതും. ലോകകപ്പ് വിജയച്ചതിന് ശേഷം ടി-20യിൽ നിന്നും വിരമിച്ചതായി പ്രഖ്യാപിക്കുകയായിരുന്നു ഓപ്പണിങ് ബാറ്റർ. രോഹിത്തിനെ കൂടാതെ സൂപ്പർതാരം വിരാട് കോഹ്ലി ഓൾറൗണ്ടർ രവീന്ദ്ര ജഡേജ എന്നിവരും ടി-20യിൽ നിന്നും വിരമിച്ചിരുന്നു.
ടി-20 വിരമിക്കൽ പ്രഖ്യാപനത്തിൽ നിന്നും താരം പിന്മാറുമെന്ന് വിശ്വസിക്കുകയാണ് ആരാധകർ. അതിന് കാരണം പ്രസ് മീറ്റിലെ രോഹിത്തിന്റെ വാക്കുകളാണ്. തമാശരൂപേണ രോഹിത് ശർമ പറഞ്ഞത് പക്ഷെ ആരാധകർ കാര്യമായി തന്നെ ഏറ്റെടുത്തിരിക്കുകയാണ്. ടി-20യിൽ നിന്നും വിശ്രമിക്കുന്നത് പോലെയാണ് തനിക്ക് തോന്നുന്നതെന്നും വലിയ ടൂർണമെന്റ് വരുമ്പോൾ തയ്യാറാകണമെന്നും രോഹിത് പറഞ്ഞു.
'എനിക്ക് ഇപ്പോഴും തോന്നുന്നത്, എനിക്ക് ടി-20യിൽ നിന്നും വിശ്രമം അനുവദിച്ചിരിക്കുകയാണെന്നാണ്. മുമ്പത്തെ പോലെ, വലിയ ടൂർണമെന്റ് വരാനിരിക്കെ ഞങ്ങൾ തയ്യാറാക്കാനാണ് ഇതെന്ന് എനിക്ക് തോന്നാറുണ്ട്. അതുകൊണ്ട് ഈ ഫോർമാറ്റിൽ നിന്നും ഞാൻ ഇപ്പോഴും പൂർണമായും പുറത്തായിട്ടില്ല,' രോഹിത് പറഞ്ഞു.
ഇന്ത്യ-ശ്രിലങ്ക ഏകദിന പരമ്പരക്ക് മുന്നോടിയായാണ് താരം സംസാരിച്ചത്. രോഹിത് ഇതൊരു തമാശക്ക് പറഞ്ഞതായിരിക്കാം, എന്നാൽ ആരാധകർ താരത്തിന്റെ വാക്കുകൾ ഏറ്റെടുത്തിരിക്കുകയാണ്. 2026ൽനടക്കുന്നടി-20 ലോകകപ്പിലേക്ക് ഒരു 'വൈൽഡ് കാർഡ്' എൻട്രിയായി രോഹിത് എത്തും എന്നൊക്കെ ആരാധകർ ട്വിറ്ററിൽ കുറിക്കുന്നു.
അതേസമയം ലങ്കക്കെതിരെയുള്ള മൂന്ന് മത്സരങ്ങളടങ്ങിയ ഏകദിന പരമ്പര ഇന്നാരംഭിക്കും. ആർ. പ്രേമദാസ സ്റ്റേഡിയത്തിൽ ഉച്ച കഴിഞ്ഞ് 2.30നാണ് മത്സരം ആരംഭിക്കുക.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.