ബോർഡർ-ഗവാസ്കർ ട്രോഫി: ഒന്നാം ടെസ്റ്റിൽ ഇന്ത്യയെ ബുംറ നയിക്കും

പെ​ർ​ത്ത്: ബോ​ർ​ഡ​ർ -ഗ​വാ​സ്ക​ർ ട്രോ​ഫി പ​ര​മ്പ​ര​യി​ലെ ഒ​ന്നാം ടെ​സ്റ്റ് ന​വം​ബ​ർ 22ന് ​പെ​ർ​ത്തി​ലെ വാ​ക ഗ്രൗ​ണ്ടി​ൽ ആ​രം​ഭി​ക്ക​വെ ഇ​ന്ത്യ​ക്ക് ആ​ശ​ങ്ക. ആ​സ്ട്രേ​ലി​യ​ക്കെ​തി​രെ ന​ട​ക്കു​ന്ന അ​ഞ്ച് മ​ത്സ​ര പ​ര​മ്പ​ര സ​ന്ദ​ർ​ശ​ക​രെ സം​ബ​ന്ധി​ച്ച് നി​ർ​ണാ​യ​ക​മാ​ണ്. നാ​ലെ​ണ്ണ​ത്തി​ലെ​ങ്കി​ലും ജ‍യി​ച്ചാ​ലേ ലോ​ക ടെ​സ്റ്റ് ചാ​മ്പ്യ​ൻ​ഷി​പ് ഫൈ​ന​ലി​ൽ ക​ളി​ക്കാ​ൻ സാ​ധ്യ​ത തെ​ളി​യൂ.

എ​ന്നാ​ൽ, ഒ​ന്നാം ടെ​സ്റ്റി​ൽ ക്യാ​പ്റ്റ​ൻ രോ​ഹി​ത് ശ​ർ​മ​യു​ടെ​യും ശു​ഭ്മ​ൻ ഗി​ല്ലി​ന്റെ​യും അ​ഭാ​വം മ​റി​ക​ട​ക്കു​ക​യെ​ന്ന വെ​ല്ലു​വി​ളി ടീ​മി​ന് മു​ന്നി​ലു​ണ്ട്. കു​ഞ്ഞി​ന്റെ ജ​ന​ന​വു​മാ​യി ബ​ന്ധ​പ്പെ​ട്ട് രോ​ഹി​ത് നാ​ട്ടി​ലാ​യ​തി​നാ​ൽ പേ​സ​റും ഉ​പ​നാ​യ​ക​നു​മാ​യ ജ​സ്പ്രീ​ത് ബും​റ​യാ​ണ് പെ​ർ​ത്തി​ൽ ന​യി​ക്കു​ക. പ​രി​ക്കേ​റ്റ ഗി​ല്ലി​ന് പ​ക​രം ആ​രെ ക​ളി​പ്പി​ക്കു​മെ​ന്ന ആ​ശ​യ​ക്കു​ഴ​പ്പ​വും പ​രി​ശീ​ല​ക​ൻ ഗൗ​തം ഗം​ഭീ​റി​ന് മു​ന്നി​ലു​ണ്ട്.

ആ​ര് ഓ​പ​ണ​റാ​വും

രോ​ഹി​ത്തി​ല്ലാ​ത്ത​തി​നാ​ൽ യ​ശ​സ്വി ജ​യ്സ്വാ​ളി​നൊ​പ്പം ഇ​ന്നി​ങ്സ് ഓ​പ​ൺ ചെ​യ്യാ​ൻ ഗി​ല്ലി​നെ​യാ​ണ് പ​രി​ഗ​ണി​ച്ചി​രു​ന്ന​ത്. എ​ന്നാ​ൽ, പ​രി​ശീ​ല​ന​ത്തി​നി​ടെ ഗി​ല്ലി​ന്റെ ത​ള്ള​വി​ര​ലി​ന് പ​രി​ക്കേ​റ്റ​തോ​ടെ ഇ​നി​യാ​ര് എ​ന്ന ചോ​ദ്യ​മു​യ​ർ​ന്നു.

പ​രി​ക്കേ​റ്റ മ​റ്റൊ​രു താ​രം കെ.​എ​ൽ. രാ​ഹു​ൽ ആ​രോ​ഗ്യം വീ​ണ്ടെ​ടു​ത്തി​ട്ടു​ണ്ട്. രാ​ഹു​ൽ ഓ​പ​ണ​റാ​യി​ല്ലെ​ങ്കി​ൽ അ​ഭി​മ​ന്യു ഈ​ശ്വ​ര​ന് അ​ര​ങ്ങേ​റ്റ​ത്തി​നും ഇ​ന്നി​ങ്സ് തു​റ​ക്കാ​നും അ​വ​സ​രം ല​ഭി​ക്കും. തു​ട​ർ​ന്ന് രാ​ഹു​ൽ, വി​രാ​ട് കോ​ഹ്‍ലി, വി​ക്ക​റ്റ് കീ​പ്പ​ർ ഋ​ഷ​ഭ് പ​ന്ത് തു​ട​ങ്ങി​യ​വ​രെ​ത്തും. 36കാ​ര​നാ​യ കോ​ഹ്‍ലി ഓ​സീ​സ് മ​ണ്ണി​ൽ ഫോം ​വീ​ണ്ടെ​ടു​ക്കു​മെ​ന്ന പ്ര​തീ​ക്ഷ​യി​ലാ​ണ് ടീം ​മാ​നേ​ജ്മെ​ന്‍റ്. ഇ​ന്ത്യ എ ​ടീ​മി​നാ​യി ക​ളി​ക്കാ​ൻ ആ​സ്ട്രേ​ലി​യ​യി​ലെ​ത്തി​യ മ​ല​യാ​ളി ബാ​റ്റ​ർ ദേ​വ്ദ​ത്ത് പ​ടി​ക്ക​ലി​നോ​ട് ഇ​വി​ടെ തു​ട​രാ​ൻ നി​ർ​ദേ​ശി​ച്ചി​ട്ടു​ണ്ട്.

ഷ​മി​യു​ടെ വ​ര​വ് വൈ​കും

ഒ​രു വ​ർ​ഷ​ത്തെ ഇ​ട​വേ​ള​ക്കു ശേ​ഷം ക്രി​ക്ക​റ്റ് മൈ​താ​ന​ത്ത് തി​രി​ച്ചെ​ത്തി‍യ സ്റ്റാ​ർ പേ​സ​ർ മു​ഹ​മ്മ​ദ് ഷ​മി​യെ പ​ക്ഷേ, ഉ​ട​ൻ ആ​സ്ട്രേ​ലി​യ​യി​ലേ​ക്ക് പ​രി​ഗ​ണി​ക്കി​ല്ല. ര​ഞ്ജി ട്രോ​ഫി​യി​ൽ ക​ഴി​ഞ്ഞ ദി​വ​സം മ​ധ്യ​പ്ര​ദേ​ശി​നെ​തി​രെ ബം​ഗാ​ളി​ന് ജ​യ​മൊ​രു​ക്കു​ന്ന​തി​ൽ മി​ക​ച്ച പ​ങ്കു​വ​ഹി​ച്ച ഷ​മി​യെ സ​യ്യി​ദ് മു​ഷ്താ​ഖ് അ​ലി ട്രോ​ഫി മ​ത്സ​ര​ങ്ങ​ളി​ല​ട​ക്കം ക​ളി​പ്പി​ക്കും. ബും​റ​ക്കും മു​ഹ​മ്മ​ദ് സി​റാ​ജി​നും പു​റ​മെ ഒ​രു പേ​സ​ർ​ക്കു​കൂ​ടി അ​ന്തി​മ ഇ​ല​വ​നി​ൽ അ​വ​സ​ര​മു​ണ്ട്. പ്ര​സി​ദ്ധ് കൃ​ഷ്ണ​യും ഹ​ർ​ഷി​ത് റാ​ണ​യും ത​മ്മി​ലാ​ണ് ഈ ​സ്ഥാ​ന​ത്തി​നാ​യി മ​ത്സ​രം. എ ​ടീ​മി​ൽ ക​ളി​ച്ച മു​കേ​ഷ് കു​മാ​ർ, ഖ​ലീ​ൽ അ​ഹ്മ​ദ്, ന​വ്ദീ​പ് സൈ​നി എ​ന്നീ പേ​സ​ർ​മാ​രും ആ​സ്ട്രേ​ലി​യ​യി​ൽ ബാ​ക്ക് അ​പ്പാ​യി തു​ട​രും.

ന്യൂ​സി​ല​ൻ​ഡി​നെ​തി​രെ നാ​ട്ടി​ൽ മൂ​ന്ന് ടെ​സ്റ്റു​ക​ള​ട​ങ്ങി​യ പ​ര​മ്പ​ര​യി​ൽ സ​മ്പൂ​ർ​ണ തോ​ൽ​വി ഏ​റ്റു​വാ​ങ്ങി​യ​തി​ന്‍റെ ക്ഷീ​ണ​ത്തി​ലാ​ണ് ഇ​ന്ത്യ​ൻ ടീം ​ആ​സ്ട്രേ​ലി​യ​യി​ലെ​ത്തി​യ​ത്. ബോ​ർ​ഡ​ർ-​ഗ​വാ​സ്ക​ർ ട്രോ​ഫി​യി​ലൂ​ടെ ആ​ത്മ​വി​ശ്വാ​സം വീ​ണ്ടെ​ടു​ക്കാ​മെ​ന്ന പ്ര​തീ​ക്ഷ​യി​ലാ​ണ്.