സഞ്​ജുവിന്‍റെ പ്രകടനം പാഴായി; രാജസ്ഥാന്‍റെ വഴിമുടക്കി ​​​​ൈഹദരാബാദ്​

ദുബൈ: തുടർച്ചയായ രണ്ടാം മത്സരത്തിലും സഞ്​ജുവിന്‍റെ അർധ സെഞ്ച്വറി പാഴായി്​ ജയത്തോ​െട വിലപ്പെട്ട രണ്ടുപോയന്‍റുകൾ നേടി സെമി പ്രതീക്ഷകൾ സജീവമാക്കാനിരുന്ന രാജസ്ഥാന്​ മുന്നിൽ സീസണിലെ രണ്ടാം ജയവുമായി ഹൈദരാബാദ്​ വിലങ്ങിട്ടു. രാജസ്ഥാൻ ഉയർത്തിയ 165 വിജയലക്ഷ്യം 18.2 ഓവറിൽ മൂന്നുവിക്കറ്റ്​ നഷ്​ടത്തിൽ ഹൈദരാബാദ്​ അനായാസം മറികടന്നു. 42 പന്തിൽ 60 റൺസുമായി കിട്ടിയ അവസരം മുതലെടുത്ത ജേസൺ റോയിയും (42 പന്തിൽ 60) സീസണിലാദ്യമായി താളം വീണ്ടെടുത്ത നായകൻ കെയിൻ വില്യംസണും (41 പന്തിൽ 51 നോട്ടൗട്ട്​) ആണ്​ ഹൈദരാബാദിന്‍റെ ജയം എളുപ്പമാക്കിയത്​.

മുഴുവൻ ടീമുകളും പത്ത്​ മത്സരം പൂർത്തിയാക്കിയപ്പോൾ രാജസ്ഥാൻ എട്ടുപോയന്‍റുമായി ആറാം സ്ഥാനത്താണ്​. നാലുപോയന്‍റുള്ള ഹൈദരാബാദിന്‍റെ ​​േപ്ല ഓഫ്​ പ്രതീക്ഷകൾ ഏറെക്കുറെ അസ്​തമിച്ചിരുന്നു. കൊൽകത്ത, പഞ്ചാബ്​, മുംബൈ ടീമുകൾക്കും എട്ടുപോയന്‍റാണുള്ളത്​.

ആവനാഴിയിലെ മുഴുവൻ അസ്​ത്രങ്ങളും പുറത്തെടുത്ത്​ നിറഞ്ഞാടിയ സഞ്​ജു സാംസന്‍റെ കരുത്തിലാണ്​ഹൈദരാബാദിനെതിരെ രാജസ്ഥാൻ​ ഭേദപ്പെട്ട സ്​കോർ കുറിച്ചത്​. 57പന്തിൽ ഏഴുബൗണ്ടറികളും മൂന്നുസിക്​സറുകളുമടക്കം ചേർത്ത 82 റൺസോടെ സഞ്​ജു ടൂർണമെന്‍റിലെ റൺവേട്ടക്കാരിൽ മുമ്പനുള്ള ഓറഞ്ച്​ തൊപ്പിയും ഐ.പി.എല്ലിൽ 3000 റൺസെന്ന ഖ്യാതിയും സ്വന്തമാക്കി. പത്തുമത്സരങ്ങളിൽ നിന്നും 430 റൺസെടുത്ത ശിഖർ ധവാന്‍റെ കയ്യിലുണ്ടായിരുന്ന ഒാറഞ്ച്​ തൊപ്പിയാണ്​ സഞ്​ജു തിരിച്ചുപിടിച്ചത്​.

ടോസ്​ നേടി ബാറ്റിങ്​ തെരഞ്ഞെടുത്ത രാജസ്ഥാൻ എവിൻ ലൂയിസിനെ (6) നഷ്​ടപ്പെട്ടാണ്​ തുടങ്ങിയത്​. തുടർന്ന്​ യശസ്വി ജെയ്​സ്വാളിന്​ കൂട്ടായെത്തിയ സഞ്​ജു പതുക്കെയാണ്​ ഇന്നിങ്​സ്​ തുടങ്ങിയത്​. ഒരറ്റത്ത്​ അടിച്ചുതകർത്ത ജയ്​സ്വാളിന്​ (23 പന്തിൽ 36) സഞ്​ജു ഒത്ത കൂട്ടായി. ജയ്​സ്വാളും തൊട്ടുപിന്നാലെ ലിവിങ്​സ്​റ്റോണും (4) മടങ്ങിയതോടെ ബാറ്റിങ്ങിലെ സർവ ഉത്തരവാദിത്തവും സഞ്​ജും സ്വയം ഏറ്റെടുത്തു. 41 പന്തിൽ അർധ സെഞ്ച്വറി കുറിച്ച സഞ്​ജു ശേഷം അതിവേഗത്തിൽ ഗിയർ മാറ്റുകയായിരുന്നു.

ഒരു വേള സെഞ്ച്വറിയിലേക്കെന്ന്​ തോന്നിച്ചെങ്കിലും അവസാന ഓവറുകളിൽ കണിശതയോടെ പന്തെറിഞ്ഞ ഹൈദരാബാദ്​ ബൗളർമാർക്ക്​ മുന്നിൽ പതറുകയായിരുന്നു. ഇരുപതാം ഓവറിൽ സിദ്ധാർഥ്​ കൗളിന്‍റെ പന്തിൽ ബൗണ്ടറിക്കരികെ പിടികൊടുത്താണ്​ സഞ്​ജു മടങ്ങിയത്​. അവസാന ഓവറുകളിൽ കൂറ്റനടികൾ പിറക്കാത്തതിനാൽ രാജസ്ഥാൻ സ്​കോർ 164 ൽ ഒതുങ്ങുകയായിരുന്നു.