സചിന്‍റെ അറിവും പരിചയസമ്പത്തും പ്രചോദനം പകരുന്നതെന്ന്​ മീരാഭായി ചാനു

മുംബൈ: ടോക്യോ ഒളിമ്പിക്​സിലെ വെള്ളി മെഡൽ ജേതാവ്​ മീരാഭായ്​ ചാനു ക്രിക്കറ്റ്​ ഇതിഹാസം സചിൻ ടെൻഡുൽക്കറുമായി കൂടിക്കാഴ്ച നടത്തി. സചിന്‍റെ വസതിയിലെത്തിയായിരുന്നു സന്ദർശനം. സചിനുമായുള്ള കൂടിക്കാഴ്ച പ്രചോദനം പകരുന്നതാണെന്ന്​ മീരാഭായ്​ ചാനു ട്വിറ്ററിൽ കുറിച്ചു. ചാനുവിനെ കാണാൻ കഴിഞ്ഞതിൽ സന്തോഷമുണ്ടെന്നും സചിനും പറഞ്ഞു.

സചിനുമായി ഇന്ന്​ രാവിലെ കൂടിക്കാഴ്ച നടത്തി. അദ്ദേഹത്തിന്‍റെ അറിവും പരിചയസമ്പത്തും പ്രചോദനം പകരുന്നതാണെന്ന്​ മീരാഭായ്​ ചാനു ട്വിറ്ററിൽ കുറിച്ചു. ചാനുവിനെ കാണാൻ കഴിഞ്ഞതിൽ സന്തോഷമുണ്ടെന്ന്​ സചിനും പ്രതികരിച്ചു. മണിപ്പൂരിൽ നിന്നും ടോക്കിയോയിലേക്കുള്ള നിങ്ങളുടെ ​യാത്ര പ്രചോദനം പകരുന്നതാണ്​. കൂടുതൽ ഉയരങ്ങളിലെത്താൻ നിങ്ങൾക്ക്​ സാധിക്ക​ട്ടെയെന്നും സചിൻ ആശംസിച്ചു.

ടോക്യോ ഒളിമ്പിക്​സിൽ ഭാരോദ്വഹനത്തിൽ മീരാഭായ്​ ചാനു വെള്ളി നേടിയിരുന്നു. കർണ്ണം മല്ലേശ്വരിക്ക്​ ശേഷം ഇതാദ്യമായാണ്​ ഭാരോദ്വഹനത്തിൽ ഇന്ത്യക്ക്​ ഒരു മെഡൽ ലഭിക്കുന്നത്​.