അയാൾ ലോകത്തെ മികച്ച ആൾ റൗണ്ടർമാരിലൊരാളായിത്തീരും; പ്രവചനവുമായി സചിൻ

ന്യൂഡൽഹി: ലോകടെസ്​റ്റ്​ ചാമ്പ്യൻഷിപ്​ ഫൈനലിൽ ഇന്ത്യയെ തകർത്ത്​ ന്യൂസിലൻഡ്​ കിരീടം ചൂടിയതിന്​ പിന്നാലെ കിവി ആൾറൗണ്ടറെ പുകഴ്​ത്തി ക്രിക്കറ്റ്​ ഇതിഹാസം സചിൻ ടെണ്ടുൽക്കർ. നിർണായക മത്സരത്തിൽ ഏഴുവിക്കറ്റും 21 റൺസും നേടിയ കൈൽ ജാമിസണെ പുകഴ്​ത്തിയാണ്​ സചിൻ രംഗത്തെത്തിയത്​. ജാമിസൺ ലോകത്തെ ഏറ്റവും മികച്ച ആൾ റൗണ്ടർമാരിലൊരാളായിത്തീരുമെന്ന്​ സചിൻ ത​െൻറ യൂട്യൂബ്​ ചാനലിൽ പറഞ്ഞു.

''കഴിഞ്ഞവർഷം ന്യൂസിലൻഡിൽ​ വെച്ചുകണ്ടപ്പോൾ തന്നെ അദ്ദേഹം എന്നെ ആകർഷിച്ചിരുന്നു. അദ്ദേഹത്തി​െൻറ ബൗളിങ്​ നോക്കൂ. വളരെ ഉയരക്കാരനാണ്​ അയാൾ. സ്വിങ്​ ബൗളിങ്ങിനേക്കാൾ ഉപരി സീം പന്തുകളാണ്​ അദ്ദേഹത്തി​േൻറത്​. ടിം സൗത്തി, ട്രെൻറ്​ ബോൾട്ട്​, നീൽ വാഗ്​നർ എന്നിവരിൽ നിന്നും വ്യത്യസ്​തമാണ്​ അദ്ദേഹത്തി​​െൻറ ശൈലി​.

ജാമിസണ്​ അദ്ദേഹത്തിന്​ ആശിച്ച ഇടത്തേക്ക്​ പന്ത്​ ബൗൺസ്​ ചെയ്യിക്കാൻ സാധിക്കും. കൈ​ത്തണ്ട തിരിച്ചുകൊണ്ട്​ പന്തി​െൻറ ഗതിയിൽ മാറ്റം വരുത്താനും വലിയ ഇൻസ്വിങ്ങറുകൾ എറിയാനും ​ സാധിക്കും. അദ്ദേഹത്തി​െൻറ ബൗളിങ്ങ്​ സ്ഥിരതയുള്ളതാണ്​.

കെയ്​ൻ വില്യംസണോടൊപ്പം നിർണായക ഘട്ടത്തിൽ ബാറ്റിങ്​ കൂട്ടുകെട്ട്​ അദ്ദേഹം തീർത്തു. ആദ്യ പന്തുമുതൽ ആക്രമിച്ചുകളിച്ച അദ്ദേഹം അദ്ദേഹത്തി​െൻറ ഉയരം മനോഹരമായി ഉപയോഗിച്ചു'' -സചിൻ പറഞ്ഞു.

ആറടി എട്ടിഞ്ച്​ ഉയരമുള്ള ജാമിസൺ വർത്തമാന ക്രിക്കറ്റിലെ ഏറ്റവും ഉയരക്കാരനാണ്​. 26കാരനായ താരത്തെ ഐ.പി.എല്ലിൽ റോയൽ ചാലഞ്ചേഴ്​സ്​ ബാംഗ്ലൂർ 15 കോടി നൽകിയാണ്​ സ്വന്തമാക്കിയത്​. ബാംഗ്ലൂർ നായകനായ കോഹ്​ലിയെ ജാമിസണാണ്​ ടെസറ്റ്​ ചാമ്പ്യൻഷിപ് ഫൈനലിൽ രണ്ടിങ്​സിലും പുറത്താക്കിയത്​.