അരങ്ങേറ്റ മത്സരത്തിൽ സഞ്ജു 46ന് പുറത്ത്
text_fieldsശ്രീലങ്കക്കെതിരായ മൂന്നാം ഏകദിനത്തിൽ സഞ്ജുവിന്റെ ബാറ്റിങ്
കൊളംബോ: ശ്രീലങ്കക്കെതിരായ മൂന്നാം ഏകദിന ക്രിക്കറ്റ് മത്സരത്തിൽ ഇന്ത്യയുടെ മലയാളിതാരം സഞ്ജു സാംസൺ 46 റൺസിന് പുറത്തായി. ഏകദിനത്തിൽ അരങ്ങേറ്റ മത്സരത്തിനിറങ്ങിയ സഞ്ജു മികച്ച തുടക്കം കിട്ടിയശേഷം പ്രവീൺ ജയവിക്രമയുടെ ബൗളിങ്ങിൽ അവിഷ്ക ഫെർണാണ്ടോക്ക് പിടി കൊടുത്താണ് കളം വിട്ടത്. 46 പന്ത് നേരിട്ട സഞ്ജു അഞ്ചു ഫോറും ഒരു സിക്സുമുതിർത്താണ് 46ലെത്തിയത്.
ടോസ് നേടിയ ഇന്ത്യ ബാറ്റിങ് തെരഞ്ഞെടുക്കുകയായിരുന്നു. 23 ഓവർ പിന്നിടവേ, മഴ കാരണം കളി നിർത്തിവെച്ചപ്പോൾ ഇന്ത്യ മൂന്നു വിക്കറ്റ് നഷ്ടത്തിൽ 147 റൺസെടുത്തിട്ടുണ്ട്. പത്തു റൺസുമായി മനീഷ് പാണ്ഡെയും 22 റൺസെടുത്ത് സൂര്യകുമാർ യാദവുമാണ് ക്രീസിൽ. നേരത്തേ ക്യാപ്റ്റൻ ശിഖർ ധവാൻ (13) എളുപ്പം മടങ്ങിയശേഷം സഞ്ജുവും പൃഥി ഷായും (49 പന്തിൽ 49) രണ്ടാം വിക്കറ്റിൽ 74 റൺസ് കൂട്ടുകെട്ടുയർത്തിയാണ് ടീമിന്റെ രക്ഷക്കെത്തിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.