സഞ്​ജുവി​െൻറ പുറത്താകൽ വിവാദത്തിൽ; ചഹലി​െൻറ ക്യാച്​ പിച്ചിൽ തൊ​ട്ടെന്ന്​

അബൂദബി: ഇന്ത്യൻ പ്രീമിയർ ലീഗിൽ രാജസ്​ഥാൻ റോയൽസ്​- റോയൽ ചലഞ്ചേഴ്​സ്​ ബാംഗ്ലൂർ മത്സരം വിവാദത്തിൽ. ബാംഗ്ലൂർ സ്​പിന്നർ യൂസ്​വേന്ദ്ര ചഹൽ സ്വന്തം പന്തിൽ മലയാളി താരം സഞ്​ജു സാംസണിനെ പുറത്താക്കാൻ ഡൈവ്​ ചെയ്​ത്​ എടുത്ത ക്യാചാണ്​ വിവാദങ്ങൾക്ക്​ തിരികൊളുത്തിയിരിക്കു​ന്നത്​​.

ഓപണർമാരായ ജോസ്​ ബട്​ലറും സ്​റ്റീവ്​ സ്​മിത്തും എളുപ്പം മടങ്ങിയതോടെ എല്ലാ കണ്ണുകളും സഞ്​ജുവിലേക്കായിരുന്നു. എന്നാൽ മൂന്ന്​ പന്തുകളിൽ നിന്ന്​ നാല്​ റൺസുമായി സഞ്​ജു പുറത്തായി.

ചഹലി​െൻറ പന്ത്​ ഡ്രൈവ്​ ചെയ്യാൻ ശ്രമിച്ച സഞ്​ജുവിന്​ ടൈമിങ്​ ലഭിച്ചില്ല. ചാടി വീണ ചഹൽ പന്ത്​ കൈപ്പിടിയിലാക്കി. അമ്പയർമാർ ഔട്ട്​ വിളിച്ചെങ്കിലും അന്തിമ വിധിക്കായി മൂന്നാം അമ്പയർക്ക്​ നൽകി. ഫലം മാറ്റാൻ തെളിവുകൾ ഒന്നുമില്ലെന്ന്​ കണ്ട്​ മൂന്നാം അമ്പയർ ഔട്ട്​ വിധിച്ചതോടെ സഞ്​ജു തിരികെ ഡഗ്​​ഔട്ടിലേക്ക്​ നടന്നു.

എന്നാൽ തെളിവ്​ സഹിതം ചില ആരാധകർ ഇത്​ ട്വിറ്ററിൽ ചർച്ചയാക്കി. മൂന്നാം അമ്പയർക്ക്​ ക്രിക്കറ്റ്​ നിയമങ്ങൾ അറിയില്ലെന്ന തരത്തിൽ വരെ ചിലർ ട്വീറ്റ്​ ചെയ്​തു. കഴിഞ്ഞ ദിവസം സൺറൈസേഴ്​സിനെതിരായ മത്സരത്തിൽ ചെന്നൈയുടെ ഫാഫ്​ ഡുപ്ലെസിസി​െൻറ റണ്ണൗട്ടും പിഴവാണെന്ന്​ ചിലർ ചൂണ്ടിക്കാട്ടുന്നുണ്ട്​.

അബൂദബിയിൽ നടന്ന മത്സരത്തിൽ മലയാളി താരം ദേവ്​ദത്ത്​ പടിക്കലി​െൻറയും (63) ക്യാപ്​റ്റൻ വിരാട്​ കോഹ്​ലിയുടെയും (72*) അർധസെഞ്ച്വറികളുടെ മികവിൽ ബാംഗ്ലൂർ എട്ടുവിക്കറ്റിന്​ വിജയിച്ചു. ആദ്യം ബാറ്റുചെയ്​ത രാജസ്​ഥാൻ ആറുവിക്കറ്റ്​ നഷ്​ടത്തിൽ 154 റൺസെടുത്തു.

അഞ്ച്​ പന്തുകൾ ശേഷിക്കേ ബാംഗ്ലൂർ ലക്ഷ്യത്തിലെത്തി. നാലോവറിൽ 34 റൺസ്​ വഴങ്ങി മൂന്ന്​ വിക്കറ്റ്​ വീഴ്​ത്തിയ ചഹലാണ്​ കളിയിലെ താരം.