'പറഞ്ഞിട്ട്​ ചെയ്യാൻ ഒരു റേഞ്ച്​ വേണം'; തിരിച്ച്​ വരവ്​ പ്രവചിച്ച്​ താരമായി വാട്​സൺ

ദുബൈ: 'ചെയ്​തിട്ട്​ പറയാൻ ഏവനും പറ്റും എന്നാൽ പറഞ്ഞിട്ട്​ ചെയ്യാൻ ഒരു റേഞ്ച്​ വേണം'-ചെന്നൈ സൂപ്പർ കിങ്​സ്​-കിങ്​സ്​ ഇലവൻ പഞ്ചാബ്​ ഐ.പി.എൽ മത്സരത്തിന്​ ശേഷം വാട്​സാപ്പ്​ സ്​റ്റാറ്റസുകളിൽ പറന്നു നടന്ന ഒരു ​മെസേജാണിത്​. ഐ.പി.എല്ലിൽ മോശം തുടക്കവുമായി അവസാന സ്​ഥാനത്തായിരുന്ന ചെന്നൈയുടെ തിരിച്ചുവരവ്​ പ്രവചിച്ച ഷെയ്​ൻ വാട്​സ​െൻറ ട്വീറ്റാണ്​ ഇതിനാധാരം.

53 പന്തിൽ 83 റൺസുമായി ചെന്നൈയുടെ 10 വിക്കറ്റ്​ വിജയത്തിന്​ ചുക്കാൻ പിടിച്ച വാട്​സ​െൻറ പോസ്​റ്റ്​ സി.എസ്​.കെ ആരാധകർ ആഘോഷമാക്കി മാറ്റുകയായിരുന്നു.

ഫാഫ്​ ഡുപ്ലെസിസിനൊപ്പം (53 പന്തിൽ 87) ചേർന്ന് വാട്​സൺ പഞ്ചാബിനെ അടിച്ച്​ പഞ്ചറാക്കി. ​മത്സരശേഷം വാട്​സ​െൻറ ട്വീറ്റി​െൻറ സ്​ക്രീൻഷോട്ട്​ സമൂഹമാധ്യമങ്ങളിൽ ​വൈറലായി മാറുകയായിരുന്നു.

ചെന്നൈയുടെ തികവുറ്റ മത്സരം വരുന്നുവെന്നായിരുന്നു മത്സരത്തി​െൻറ ത​ലേദിവസം വാട്​സ​െൻറ ട്വീറ്റ്​. വാക്ക്​ പാലിച്ച വാട്​സൺ തുടർച്ചയായ മൂന്ന്​ തോൽവികളിൽ നിരാശരായിരുന്ന ചെന്നൈ ഫാൻസി​െൻറ മുഖത്ത്​ വീണ്ടും പുഞ്ചിരി വിടർത്തി.

14 പന്തുകൾ ശേഷിക്കേ ആയിരുന്നു ചെന്നൈയുടെ വമ്പൻ വിജയം. 10 വിക്കറ്റ്​ വിജയത്തിലെ ഏറ്റവും ഉയർന്ന രണ്ടാമത്തെ ഓപണിങ്​ കൂട്ടുകെട്ടുയർത്താനും വാട്​സൺ-ഡുപ്ലെസിസ്​ സഖ്യത്തിനായി.

വാഗ്​ദാനം കാത്ത വാട്​സ​നെ മത്സരശേഷം ഐ.പി.എൽ ട്വിറ്റർ ഹാൻഡ്​ലിലൂടെ അഭിനന്ദിച്ചു. വാട്​സണെ അഭിനന്ദിക്കുന്നതോടൊപ്പം തുടർപരാജയങ്ങൾക്കിടയിലും താരത്തിൽ വിശ്വാസമർപിച്ച നായകൻ എം.എസ്​. ധോണിയെയും വാഴ്​ത്തുകയാണ്​ ആരാധകർ.

ധോണിയും കോച്ച് സ്​റ്റീഫൻ​ ഫ്ലെമിങും താൽക്കാലിക പരാജയങ്ങളുടെ പേരിൽ കളിക്കാരെ തള്ളിപ്പറയില്ലെന്നും സ്​ക്വാഡിലെ ഓരോ കളിക്കാര​െൻറയും കഴിവിനെക്കുറിച്ച്​ അവർക്ക്​ കൃത്യമായ ധാരണയുണ്ടെന്നും വാട്​സൺ പറഞ്ഞിരുന്നു.

അഞ്ച്​ മത്സരങ്ങളിൽ നിന്ന്​ രണ്ട്​ വിജയമടക്കം നാല്​ പോയൻററുമായി ചെന്നൈ ആറാം സ്​ഥാനത്താണ്​. ബുധനാഴ്​ച അബൂദബിയിൽ കൊൽക്കത്ത നൈറ്റ്​റൈഡേഴ്​സിനെതിരെയാണ് ചെന്നൈയുടെ​ അടുത്ത മത്സരം.