ശിഖർ ധവാനും അയേഷ മുഖർജിയും വേർപിരിഞ്ഞു

ന്യൂഡൽഹി: ഇന്ത്യൻ ക്രിക്കറ്റ്​ താരം ശിഖർ ധവാനും ഭാര്യ ​അയേഷ മുഖർജിയും വിവാഹമോചിതരായി. എട്ടുവർഷത്തെ ദാമ്പത്യത്തിന്​ ശേഷമാണ്​ ഇരുവരും വേർപിരിയുന്നത്​.

ആദ്യ വിവാഹത്തിൽ രണ്ടു മക്കളുള്ള അയേഷ മുഖർജി 2012ലാണ്​ ധവാനെ വിവാഹം കഴിച്ചത്​. ഈ ബന്ധത്തിൽ ഏഴുവയസ്സുള്ള മകനുണ്ട്​​. ആസ്​ട്രേലിയയിലെ മെൽബണിൽ ​കിക്ക്​ ബോക്​സറാണ്​ അയേഷ. ഇരുവരും സമൂഹമാധ്യമങ്ങളിലൂടെ പരിചയപ്പെട്ട ശേഷമാണ്​ വിവാഹിതരായത്​.

വിവാഹമോചന വാർത്ത അയേഷ തന്നെ ഇൻസ്റ്റ ഗ്രാമിൽ സ്ഥിരീകരിച്ചു. രണ്ട്​ പ്രാവശ്യം വിവാഹമോചിതയാകുന്നതുവരെ വിവാഹമോചനം എന്നത്​ ഒരു അശ്ലീലം പോലെയാണ്​ കണ്ടിരുന്നതെന്ന്​ അയേഷ പോസ്റ്റ്​ ചെയ്​തു. വിവാഹമോചനം എന്നാൽ വിവാഹത്തിന്‍റെ പേരിൽ ​ജീവിതം മറ്റുള്ളവർക്ക്​ വേണ്ടി ത്യജിക്കുന്നത​ിന്​ പകരം എന്‍റെ വഴി ഞാൻ ​തന്നെ തെരഞ്ഞെടുക്കുന്നതാണെന്ന്​ അയേഷ പറഞ്ഞു.