ബാറ്റ് ചെയ്യാനാവാതെ ശ്രേയസ്; ബി.സി.സി.ഐ മെഡിക്കൽ ടീമിന്റെ നിരീക്ഷണത്തിൽ

അഹ്മദാബാദ്: പുറം വേദനകാരണം ഒന്നാം ഇന്നിങ്സിൽ ബാറ്റ് ചെയ്യാനാവാതിരുന്ന ഇന്ത്യൻ താരം ശ്രേയസ് അയ്യരെ സ്കാനിങ് പരിശോധനകൾക്ക് വിധേയമാക്കി. പുറംഭാഗത്ത് താഴെ വേദന അനുഭവപ്പെടുന്ന താരം ബി.സി.സി.ഐ മെഡിക്കൽ ടീമിന്റെ നിരീക്ഷണത്തിലാണെന്ന് അധികൃതർ അറിയിച്ചു.

ഈ വർഷം ആദ്യം നടന്ന ന്യൂസിലൻഡിനെതിരായ ഏകദിന പരമ്പര പരിക്കു കാരണം ശ്രേയസ്സിന് നഷ്ടമായിരുന്നു. ആസ്ട്രേലിയക്കെതിരായ ഒന്നാം ടെസ്റ്റും കളിക്കാനായില്ല. രണ്ടാം ടെസ്റ്റ് മുതൽ ഇന്ത്യൻ ഇലവനിലുണ്ട് ശ്രേയസ്സ്. നാലാം ടെസ്റ്റിന്റെ അവസാന ദിവസമായ തിങ്കളാഴ്ച മധ്യനിര ബാറ്റർക്ക് കളിക്കാനാവുമോയെന്ന് വ്യക്തമല്ല.