കോൺഗ്രസ്​ തെമ്മാടികൾ 130 കോടി ജനങ്ങളുടെ വികാരം വ്രണപ്പെടുത്തിയെന്ന്​ ശ്രീശാന്ത്​

കൊച്ചി: സചിന്‍റെ ചിത്രത്തിൽ കരി ഓയിലൊഴിച്ച കോൺഗ്രസ്​ നടപടിയിൽ പ്രതിഷേധവുമായി മലയാളി ക്രിക്കറ്റ്​ താരവും ബി.ജെ.പി അംഗവുമായ എസ്​.ശ്രീശാന്ത്​. കോൺഗ്രസ്​ തെമ്മാടികൾ 130 കോടി ഇന്ത്യക്കാരുടെ വികാരം വ്രണപ്പെടുത്തിയെന്ന്​ ശ്രീശാന്ത്​ ട്വീറ്റ്​ ചെയ്​തു.

ഇന്ത്യൻ ക്രിക്കറ്റ്​ ദൈവം സചിന്‍റെ ചിത്രത്തിൽ മഷിയൊഴിച്ച കോൺഗ്രസ്​ തെമ്മാടികളുടെ നടപടിയിൽ കടുത്ത വിയോജിപ്പ്​ രേഖപ്പെടുത്തുന്നു. 130 കോടി ജനങ്ങളുടെ വികാരമാണ്​ കോൺഗ്രസ്​ വ്രണപ്പെടുത്തിയത്​. കോൺഗ്രസിന്‍റെ നടപടിക്കെതിരെ നിൽക്കുന്നവർക്കൊപ്പം താൻ നിലകൊള്ളുമെന്ന്​ ശ്രീശാന്ത്​ വ്യക്​തമാക്കി.

കർഷകസമരത്തിൽ അഭിപ്രായപ്രകടനത്തെ തുടർന്ന്​ യൂത്ത്​ കോൺഗ്രസ്​ സചിന്‍റെ ചിത്രത്തിൽ മഷിയൊഴിച്ചിരുന്നു. രാജ്യത്തിന്​ പുറത്ത്​ നിന്നുള്ളവർ കർഷകസമരത്തിൽ ഇടപെടേണ്ടെന്നായിരുന്നു സചിൻ പറഞ്ഞത്​.