ബംഗ്ലാ ഹിസ്​റ്ററി

ധാക്ക: ബംഗ്ലാദേശിനു​ മുന്നിൽ ചരിത്രത്തിൽ ആദ്യമായി പരമ്പര തോറ്റ്​ ശ്രീലങ്ക. രണ്ടാം ഏകദിനത്തിൽ മുഷ്​ഫിഖുർ റഹിമി​െൻറ സെഞ്ച്വറി മികവിൽ കളി പിടിച്ച ബംഗ്ലാദേശ്​ 103 റൺസിനാണ്​ ലങ്കയെ തോൽപിച്ചത്​. മഴമൂലം തടസ്സപ്പെട്ട കളിയിൽ ഡക്​വർത്​ ലൂയിസ്​ നിയമപ്രകാരമായിരുന്നു മത്സരം തീർപ്പാക്കിയത്​. ആദ്യം ബാറ്റുചെയ്​ത ബംഗ്ലാദേശ്​ മുഷ്​ഫിഖി​െൻറ കരിയറിലെ എട്ടാം സെഞ്ച്വറി (125) മികവിൽ 246 റൺസെടുത്തു. എന്നാൽ, ശ്രീലങ്ക മറുപടി ബാറ്റിങ്ങിനിറങ്ങിയപ്പോൾ രണ്ടു തവണയാണ്​ മഴ കളിമുടക്കിയത്​.

40 ഒാവറിൽ ഒമ്പതു വിക്കറ്റ്​ നഷ്​ടത്തിൽ 141 റൺ​സിലെത്തിയപ്പോൾ വീണ്ടും മഴ വന്നതോടെ, ബംഗ്ലാദേശിനെ 103 റൺസിന്​ വിജയികളായി പ്രഖ്യാപിച്ചു. മെഹ്​ദി ഹസനും മുസ്​തഫിസുറും മൂന്നു വിക്കറ്റ്​ വീതം വീഴ്​ത്തി.