കോവിഡ്​ വ്യാപനം: സ്​റ്റീവ്​ സ്​മിത്തും, ഡേവിഡ്​ വാർണറും ഐ.പി.എല്ലിൽ നിന്ന്​ പിന്മാറിയേക്കും

ന്യൂഡൽഹി: ഇന്ത്യയിൽ കോവിഡ്​ വ്യാപനം രൂക്ഷമായി തുടരുന്നതിനിടെ കൂടുതൽ ആസ്​ട്രേലിയൻ താരങ്ങൾ ഐ.പി.എല്ലിൽ നിന്ന്​ പിന്മാറുമെന്ന്​ സൂചന. ഡേവിഡ്​ വാർണറും സ്​റ്റീവ്​ സ്​മിത്തും ഐ.പി.എല്ലിൽ നിന്ന്​ പിന്മാറുമെന്ന റിപ്പോർട്ടുകളാണ്​ പുറത്ത്​ വരുന്നത്​. തിങ്കളാഴ്​ച റോയൽ ചലഞ്ചേഴ്​സ്​ ബാഗ്ലൂർ തങ്ങളുടെ ആസ്​ട്രേലിയൻ താരങ്ങളായ ആദം സാംപ, കെയ്​ൻ റിച്ചാർഡ്​സൺ എന്നിവർ ​ഐ.പി.എല്ലിൽ നിന്ന്​ പിന്മാറിയെന്ന്​ അറിയിച്ചിരുന്നു.

നേരത്തെ രാജസ്ഥാൻ റോയൽസി​െൻറ ആസ്​ട്രേലിയൻ പേസർ ആൻഡ്രു ടൈ ടൂർണമെൻറ്​ പാതിവഴിയിൽ ഉപേക്ഷിച്ച്​ മടങ്ങിയിരുന്നു. കോവിഡിനെ തുടർന്ന്​ ആസ്​ട്രേലിയ ഇന്ത്യയിൽ നിന്നുള്ള വിമാനസർവീസുകൾക്ക്​ വിലക്കേർപ്പെടു​ത്തുമോ​യെന്ന ആശങ്കയാണ്​ താരങ്ങളെ പിന്മാറ്റത്തിന്​ പ്രേരിപ്പിക്കുന്നത്​.

ഡേവിഡ്​ വാർണറും സ്​മിത്തും പിന്മാറുകയാണെന്ന വാർത്ത ഐ.എ.എൻ.എസാണ്​ റിപ്പോർട്ട്​ ചെയ്​തത്​. ഐ.പി.എല്ലിൽ സൺറൈസേഴ്​സ്​ ഹൈദരാബാദി​െൻറ ക്യാപ്​റ്റനാണ്​ വാർണർ. ഡൽഹിക്ക്​ വേണ്ടിയാണ്​ സ്​മിത്ത്​ കളിക്കുന്നത്​.

അതേസമയം, ഇന്ത്യയിലുള്ള പൗരൻമാരുടെ സുരക്ഷക്കാണ്​ പ്രാധാന്യം നൽകുന്നതെന്ന്​ ആസ്​​​ട്രേലിയൻ ആഭ്യന്തര മന്ത്രി കാരൻ ആൻഡ്ര്യൂസ്​ പറഞ്ഞു. രാജ്യത്ത്​ പ്രതിദിനം കോവിഡ്​ ബാധിക്കുന്നവരുടെ എണ്ണം മൂന്ന്​ ലക്ഷം കടന്നിട്ടും ഐ.പി.എൽ മാറ്റില്ലെന്ന നിലപാടിലാണ്​ ബി.സി.സി.ഐ.