കരുത്തുകാട്ടി യുവബൗളർമാർ; ആസ്​ട്രേലിയ 369ന്​ പുറത്ത്

ബ്രിസ്​ബേൻ: ഇന്ത്യയുടെ യുവ ബൗളർമാർ അരങ്ങ്​ തകർത്തപ്പോൾ നാലാം​ ടെസ്റ്റിലെ ഒന്നാം ഇന്നിങ്​സിൽ ആസ്​ട്രേലിയ 369 റൺസിന്​ പുറത്ത്​. രണ്ടാം ദിനം 95 റൺസ്​ മാത്രം വഴങ്ങി അഞ്ച് വിക്കറ്റാണ്​ അന്താരാഷ്​​്ട്ര ടെസ്റ്റിൽ വലിയ അനുഭവസമ്പത്തില്ലാത്ത ഇന്ത്യൻ ബൗളർമാർ വീഴ്​ത്തിയത്​.

അഞ്ച്​ വിക്കറ്റ്​ നഷ്​ടത്തിൽ 274 റൺസെന്ന നിലയിലായിരുന്നു കഴിഞ്ഞദിവസം ആസ്​ട്രേലിയ ഇന്നിങ്​സ്​ അവസാനിപ്പിച്ചിരുന്നത്​​. ശനിയാഴ്ച ആദ്യം ക്യാപ്​റ്റൻ ടിം പെയ്​നാണ്​​​ പുറത്തായത്​. 104 പന്തിൽ 50 റൺസെടുത്ത നായകനെ ഷർദുൽ താക്കൂറാണ്​ പുറത്താക്കിയത്​.

അടുത്ത ഓവറിൽ കാമറൂൺ ഗ്രീൻ അർധ സെഞ്ച്വറിക്ക്​ മൂന്ന്​ റൺസ്​ അകലെ വാഷിങ്​ടൺ സുന്ദറിന്‍റെ പന്തിൽ ക്ലീൻബൗൾഡായി. തുടർന്ന്​ ബാറ്റിങ്ങിനെത്തിയ പാറ്റ്​ കമ്മിൻസിനും വലിയ ആയുസ്സുണ്ടായിരുന്നില്ല. തന്‍റെ അടുത്ത ഓവറിൽ താക്കൂർ കമ്മിൻസിനെ (രണ്ട്​ റൺസ്​) എൽ.ബി.ഡബ്ല്യുവിൽ കുരുക്കി.

മൂന്ന് ഓവറിനുള്ളിൽ മൂന്ന്​ വിക്കറ്റുകൾ നഷ്​ടപ്പെ​ട്ടെങ്കിലും വാലറ്റക്കാർ പിടിച്ചുനിന്നതോടെയാണ്​ ആതിഥേയരുടെ സ്​കോർ 369ൽ എത്തിയത്​. മിച്ചൽ സ്റ്റാർക്ക്​ (20 നോ​ട്ടൗട്ട്​), നഥാൻ ലിയോൺ (24), ജോഷ്​ ​െഹയ്​സൽവുഡ്​ (11) എന്നിങ്ങനെ സ്​കോർ ചെയ്​തു. ഇന്ത്യക്കായി നടരാജനും താക്കൂറും വാഷിങ്​ടൺ സുന്ദറും മൂന്ന്​ വിക്കറ്റ്​ വീതം വീഴ്​ത്തി. മുഹമ്മദ്​ സിറാജിനാണ്​ ഒരു വിക്കറ്റ്​.

ഒന്നാംദിനം 17 റൺസ്​ എടുക്കു​േമ്പാഴേക്ക്​ രണ്ടു വിക്കറ്റ്​ വീണ്​ പതറിയ ആസ്​ട്രേലിയയെ കരകടത്തിയത്​ സെഞ്ച്വറി നേടിയ മാർനസ്​ ലബൂഷെയ്നായിരുന്നു. 204 പന്തിലായിരുന്നു സെഞ്ച്വറി നേട്ടം.

1-1ന്​ ഇരുവരും ഒപ്പം നിൽക്കുന്ന പരമ്പരയിൽ ആസ്​ട്രേലിയക്ക്​ പരമ്പര നേട്ടത്തിന്​ ജയം ആവശ്യമാണ്​. എന്നാൽ, സമനില കൊണ്ട്​ ബോർഡർ- ഗവാസ്​കർ ട്രോഫി ഇന്ത്യക്ക്​ നിലനിർത്താം.