ആദ്യം അടിച്ചൊതുക്കി, പിന്നീട് എറിഞ്ഞു വീഴ്ത്തി; സൺറൈസേഴ്സിന് വമ്പൻ തോൽവി, കൊൽക്കത്തയുടെ ജയം 80 റൺസിന്

കൊ​ൽ​ക്ക​ത്ത: ഐ.പി.എല്ലിൽ സൺറൈസേഴ്സ് ഹൈദരാബാദിന് തുടർച്ചയായ മൂന്നാം തോൽവി. ഈ​ഡ​ൻ ഗാ​ർ​ഡ​ൻ​സി​ൽ നടന്ന പോരാട്ടത്തിൽ കൊൽക്കത്ത നൈറ്റ് റൈഡേഴ്സ് 80 റൺസിനാണ് സൺറൈസേഴ്സിനെ വീഴ്ത്തിയത്. ടോ​സ് ന​ഷ്ട​പ്പെ​ട്ട് ബാ​റ്റി​ങ്ങി​നി​റ​ങ്ങി​യ ആ​തി​ഥേ‍യ​ർ നി​ശ്ചി​ത 20 ഓ​വ​റി​ൽ ആ​റ് വിക്കറ്റ് നഷ്ടത്തിൽ 200 റൺസെടുത്തു. മറുപടി ബാറ്റിങ്ങിനിറങ്ങിയ സൺറൈസേഴ്സ് 16.4 ഓവറിൽ 120 റൺസിന് പുറത്തായി.

33 റൺസെടുത്ത ഹെൻറിച്ച് ക്ലാസനും 27 കാമിന്ദു മെൻഡിസുമാണ് അൽപമെങ്കിലും ചെറുത്തുനിന്നത്. കൊൽക്കത്തക്ക് വേണ്ടി വൈഭവ് അറോറയും വരുൺ ചക്രവർത്തിയും മൂന്ന് വിക്കറ്റ് വീതം വീഴ്ത്തി.

ട്രാവിസ് ഹെഡ് (4) അഭിഷേക് ശർമ (2), ഇഷാൻ കിഷൻ (2) തുടങ്ങിയ മുൻനിര താരങ്ങൾ നിലയുറപ്പിക്കും മുൻപെ മടങ്ങി. നിതീഷ് കുമാർ റെഡിയും (19) നായകൻ പാറ്റ് കമിൻസുമാണ് (14) രണ്ടക്കം കടന്ന മറ്റുബാറ്റർമാർ.

നേരത്തെ, വെ​ങ്കി​ടേ​ഷ് അ​യ്യ​രുടെയും (29 പ​ന്തി​ൽ 60) ആ​ൻ​ഗ്ക്രി​ഷ് ര​ഘു​വം​ഷി‍യുടേയും (32 പ​ന്തി​ൽ 50) അ​ർ​ധ​ശ​ത​ക​ങ്ങ​ളാണ് കൊൽക്കത്തക്ക് മികച്ച സ്കോർ സമ്മാനിച്ചത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ കൊൽക്കത്ത പതർച്ചയോടെയാണ് തുടങ്ങിയത്.

ആ​റ് പ​ന്തി​ൽ ഒ​രു റ​ൺ മാ​ത്ര​മെ​ടു​ത്ത ഓ​പ​ണ​ർ ക്വി​ന്റ​ൺ ഡി ​കോ​ക്കി​നെ ര​ണ്ടാം ഓ​വ​റി​ൽ സീ​ഷ​ൻ അ​ൻ​സാ​രി​യു​ടെ കൈ​ക​ളി​ലെ​ത്തി​ച്ചു പാ​റ്റ് ക​മ്മി​ൻ​സ്. ഏ​ഴ് പ​ന്തി​ൽ ഏ​ഴ് റ​ൺ​സ് നേ​ടി​യ മ​റ്റൊ​രു ഓ​പ​ണ​ർ സു​നി​ൽ ന​രെ​യ്നെ തൊ​ട്ട​ടു​ത്ത ഓ​വ​റി​ൽ മു​ഹ​മ്മ​ദ് ഷ​മി​യും പ​റ​ഞ്ഞു​വി​ട്ടു. വി​ക്ക​റ്റി​ന് പി​റ​കി​ൽ ഹെൻറി​ച് ക്ലാ​സെ​ന് ക്യാ​ച്ച്. ര​ണ്ട് വി​ക്ക​റ്റി​ന് 16 റ​ൺ​സി​ലേ​ക്ക് പ​രു​ങ്ങി​യ ടീ​മി​നെ ക​ര​ക​യ​റ്റേ​ണ്ട ചു​മ​ത​ല ക്യാ​പ്റ്റ​ൻ അ​ജി​ൻ​ക്യ ര​ഹാ​നെ​യു​ടെ ചു​മ​ലി​ലാ​യി. ര​ഘു​വം​ശി ശ​ക്ത​മാ​യ പി​ന്തു​ണ ന​ൽ​കി​യ​തോ​ടെ സ്കോ​ർ ബോ​ർ​ഡ് ച​ലി​ച്ചു. 11 ഓ​വ​ർ പൂ​ർ​ത്താ​ക​വെ ഈ ​സ​ഖ്യം പൊ​ളി​ഞ്ഞു. 27 പ​ന്തി​ൽ 38 റ​ൺ​സ​ടി​ച്ച ര​ഹാ​നെ പു​റ​ത്ത്. അ​ൻ​സാ​രി​യു​ടെ ഓ​വ​റി​ൽ ക്ലാ​സെ​ന് മ​റ്റൊ​രു ക്യാ​ച്ച്. സ്കോ​ർ അ​പ്പോ​ൾ മൂ​ന്നി​ന് 99.

30 പ​ന്തി​ൽ അ​ർ​ധ ശ​ത​കം കു​റി​ച്ച ര​ഘു​വം​ശി പി​ന്നാ​ലെ മ​ട​ങ്ങി. 13ാം ഓ​വ​ർ എ​റി​ഞ്ഞ ക​മി​ന്ദു മെ​ൻ​ഡി​സ് താ​ര​ത്തെ ഹ​ർ​ഷ​ൽ പ​ട്ടേ​ലി​ന്റെ ക​ര​ങ്ങ​ളി​ലേ​ക്ക​യ​ച്ചു. അ​ഞ്ച് ഫോ​റും ര​ണ്ട് സി​ക്സു​മ​ട​ങ്ങു​ന്ന​താ​യി​രു​ന്നു പ്ര​ക​ട​നം. 106ൽ ​നാ​ലാം വി​ക്ക​റ്റ്. തു​ട​ർ​ന്ന് ക്രീ​സി​ൽ സം​ഗ​മി​ച്ച വെ​ങ്കി​ടേ​ഷ്-​റി​ങ്കു കൂ​ട്ടു​കെ​ട്ട് ന​ട​ത്തി​യ വെ​ടി​ക്കെ​ട്ടാ​ണ് സ്കോ​ർ 200ലേ​ക്ക് കൊ​ണ്ടു​പോ​യ​ത്. 25 പ​ന്തു​ക​ളി​ൽ 50ലെ​ത്തി​യ വെ​ങ്കി​ടേ​ഷ് 20ാം ഓ​വ​റി​ലെ മൂ​ന്നാം പ​ന്തി​ൽ അ​നി​കേ​ത് വ​ർ​മ​ക്ക് ക്യാ​ച്ചും ഹ​ർ​ഷ​ലി​ന് വി​ക്ക​റ്റും സ​മ്മാ​നി​ച്ചു. ഏ​ഴ് ഫോ​റും മൂ​ന്ന് സി​ക്സു​മ​ട​ങ്ങു​ന്ന​താ​യി​രു​ന്നു ഇ​ന്നി​ങ്സ്. ആ​ന്ദ്രെ റ​സ്സ​ലി​നെ (1) അ​വ​സാ​ന പ​ന്തി​ൽ ക്ലാ​സെ​ൻ റ​ണ്ണൗ​ട്ടാ​ക്കി. റി​ങ്കു സി​ങ് 17 പ​ന്തി​ൽ 32 റ​ൺ​സു​മാ​യി പു​റ​ത്താ​വാ​തെ നി​ന്നു.