തോളിൽ കയ്യിട്ട്​ ഇന്ത്യയും അഫ്​ഗാനും; 'നിന്‍റെ വിജയം എന്‍റെ വിജയം', മീമുമായി ഇർഫാൻ പഠാൻ

ട്വന്‍റി 20 ക്രിക്കറ്റ്​ ലോകകപ്പിൽ ഞാ​യ​റാ​ഴ്​​ച ന്യൂ​സി​ല​ൻ​ഡി​നെ​തി​രെ ഇ​റ​ങ്ങു​ന്ന അ​ഫ്​​ഗാ​നി​സ്​​താ​െൻറ ജ​യ​ത്തി​നാ​യു​ള്ള പ്രാ​ർ​ഥ​ന​യി​ലാ​ണ്​ ഇ​ന്ത്യ​ൻ ക്രി​ക്ക​റ്റ്​ ലോ​കം. ഇ​ന്ത്യ​ക്ക്​ സെ​മി സാ​ധ്യ​ത നി​ല​നി​ർ​ത്ത​ണ​മെ​ങ്കി​ൽ അ​ഫ്​​ഗാ​ൻ ജ​യി​ക്ക​ണം. ഇതിനെ പ്രതീകവത്​കരിക്കുന്ന മീമുമായി മുൻ ഇന്ത്യൻ ക്രിക്കറ്റ്​ താരം ഇർഫാൻ പഠാൻ. ബോളിവുഡ്​ സിനിമയായ ഷോലെയിലെ സൗഹൃദ രംഗമാണ്​ മീമിനായി ഇർഫാൻ ​തിരഞ്ഞെടുത്തത്​.

ഷോലെയിലെ പ്രശസ്​തമായ 'യേ ദോസ്​തി' എന്ന്​ തുടങ്ങുന്ന പാട്ടിൽ അമിതാഭ്​ ബച്ചനും ധർമ്മേന്ദ്രയും ബൈക്കിൽ പോകുന്ന രംഗമാണ്​ മീമായി മാറ്റിയത്​. 'നിന്‍റെ വിജയം എന്‍റെയും വിജയം, നിന്‍റെ തോൽവി എ​േന്‍റയും തോൽവി, കേൾക്കൂ എന്‍റെ കൂട്ടുകാരാ' എന്ന വരികളും മീമിൽ കുറിച്ചിട്ടുണ്ട്​. 'പ്രത്യേകിച്ച് ഒരു ക്യാപ്ഷനും ആവശ്യമില്ല' എന്ന കുറിപ്പോടെയാണ് ചിത്രം ട്വിറ്ററിൽ പോസ്റ്റ് ചെയ്തിരിക്കുന്നത്.

ഞായറാഴ്ച നടക്കുന്ന അഫ്ഗാന്‍-ന്യൂസിലാന്റ് മത്സരത്തില്‍ അഫ്ഗാന്‍ ന്യൂസിലാന്റിനെ തോല്‍പ്പിച്ചാല്‍ മാത്രമേ ഇന്ത്യയുടെ സെമി പ്രവേശനം സാധ്യമാവൂ. എന്നാല്‍ മികച്ച മാര്‍ജിനിലാണ് അഫ്ഗാന്‍ ജയിക്കുന്നതെങ്കില്‍ അഫ്ഗാനാവും സെമിയില്‍ പ്രവേശിക്കുക. ഗ്രൂ​പ്​ ര​ണ്ടി​ൽ​നി​ന്ന്​ പാ​കി​സ്​​താ​ൻ നേ​ര​ത്തേ സെ​മി​യു​റ​പ്പി​ച്ചു​ക​ഴി​ഞ്ഞു. ഇ​ന്ന്​ ജ​യി​ച്ചാ​ൽ മ​റ്റു മ​ത്സ​ര​ഫ​ല​ങ്ങ​ളെ ആ​ശ്ര​യി​ക്കാ​തെ ന്യൂ​സി​ല​ൻ​ഡി​ന്​ സെ​മി​യി​ലേ​ക്ക്​ മു​ന്നേ​റാം.

അ​ഫ്​​ഗാ​ൻ ജ​യി​ച്ചാ​ൽ അ​വ​ർ​ക്കും ന്യൂ​സി​ല​ൻ​ഡി​നും തു​ല്യ പോ​യ​ൻ​റാ​വും. തി​ങ്ക​ളാ​ഴ്​​ച ന​മീ​ബി​യ​യെ തോ​ൽ​പി​ച്ചാ​ൽ ഇ​ന്ത്യ​ക്കും അ​തേ പോ​യ​ൻ​റാ​വും. അ​പ്പോ​ൾ റ​ൺ​ശ​രാ​ശ​രി​യാ​വും സെ​മി ബെ​ർ​ത്ത്​ നി​ർ​ണ​യി​ക്കു​ക. ന്യൂ​സി​ല​ൻ​ഡ്​ (1.277), ഇ​ന്ത്യ (1.619), അ​ഫ്​​ഗാ​ൻ (1.481) എ​ന്നി​ങ്ങ​നെ​യാ​ണ്​ നി​ല​വി​ലെ റ​ൺ ശ​രാ​ശ​രി. ടൂര്‍ണമെന്റിലെ ആദ്യ രണ്ട് മത്സരങ്ങളും തോറ്റതോടെയാണ് ഇന്ത്യയുടെ സെമി പ്രവേശനം ത്രിശങ്കുവിലായത്. ആദ്യ മത്സരത്തില്‍ പാകിസ്ഥാനോട് 10 വിക്കറ്റിനും രണ്ടാമത്തെ മത്സരത്തില്‍ ന്യൂസിലാന്റിനോട് 8 വിക്കറ്റിനുമാണ് ഇന്ത്യ പരാജയപ്പെട്ടത്.