വാര്‍ത്താസമ്മേളനത്തിനിടെ കൊക്കകോള കുപ്പി എടുത്തുമാറ്റി ഡേവിഡ് വാര്‍ണര്‍; സംഘാടകര്‍ ഇടപെട്ടതോടെ തിരികെവച്ചു -വീഡിയോ

ദുബായ്: ട്വൻറി 20 ലോകകപ്പുമായി ബന്ധപ്പെട്ട് നടത്തിയ വാര്‍ത്താസമ്മേളനത്തിനിടെ കൊക്കകോള കുപ്പി എടുത്തുമാറ്റി ഓസ്‌ട്രേലിയന്‍ താരം ഡേവിഡ് വാര്‍ണര്‍. ശ്രീലങ്കക്കെതിരായ മത്സരത്തിന് ശേഷം നടന്ന വാര്‍ത്താസമ്മേളനത്തിലാണ് സംഭവം. വാര്‍ത്താസമ്മേളനത്തിനായി എത്തിയ വാര്‍ണര്‍ കസേരയില്‍ ഇരുന്ന ശേഷം മേശപ്പുറത്തുണ്ടായിരുന്ന കൊക്കകോളയുടെ രണ്ട് കുപ്പികള്‍ എടുത്തു മാറ്റുകയായിരുന്നു. എന്നാല്‍ തിരികെ മേശയില്‍ തന്നെ വെക്കണമെന്ന് സംഘാടകര്‍ അഭ്യർഥിച്ചതോടെ വാര്‍ണര്‍ കോളകുപ്പി തിരികെ വെച്ചു.

കഴിഞ്ഞ യൂറോ കപ്പിനിടെ ക്രിസ്റ്റ്യാനോ റൊണാള്‍ഡോയും ഇത്തരത്തില്‍ കൊക്കോക്കോള കുപ്പി എടുത്തുമാറ്റിയിരുന്നു. കോള കുടിക്കരുതെന്നും വെള്ളം കുടിക്കണമെന്നുമാണ്​ അന്ന്​ റൊണാൾഡോ പറഞ്ഞത്​. ഹം​ഗ​റി​ക്കെ​തി​രാ​യ മ​ത്സ​ര​ത്തി​നു മു​മ്പ്​ ന​ട​ത്തി​യ വാ​ർ​ത്ത​സ​​മ്മേ​ള​ന​ത്തി​ലാ​ണ്​ റൊ​ണാ​ൾ​ഡോ മേ​ശ​പ്പു​റ​ത്തി​രു​ന്ന കൊ​ക്ക​കോ​ള നീ​ക്കം ചെ​യ്​​ത്​ വെ​ള്ളം കു​ടി​ക്കാ​ൻ ആ​ഹ്വാ​നം ചെ​യ്​​ത​ത്. തൊ​ട്ടു​പി​ന്നാ​ലെ​​ ഫ്രാ​ൻ​സി​‍െൻറ പോ​ൾ പോ​ഗ്​​ബ മേ​ശ​പ്പു​റ​ത്തു​നി​ന്ന്​ മ​ദ്യ​ക്കു​പ്പി നീ​ക്കം ചെ​യ്​​ത​ിരുന്നു.

pic.twitter.com/wfInzxvKoq

— Hassam (@Nasha_e_cricket) October 28, 2021

ക്രി​സ്​​റ്റ്യാ​നോ​യു​ടെ ന​ട​പ​ടി​യി​ൽ നീ​ര​സം പ്ര​ക​ടി​പ്പി​ച്ച്​ യൂ​റോ​ക​പ്പ്​ സം​ഘാ​ട​ക​രാ​യ യു​വേ​ഫ രംഗത്തെത്തിയിരുന്നു. സ്​​പോ​ൺ​സ​ർ​മാ​രു​മാ​യു​ണ്ടാ​ക്കി​യ ക​രാ​ർ പാ​ലി​ക്കാ​ൻ ടീ​മു​ക​ളും ക​ളി​ക്കാ​രും ബാ​ധ്യ​സ്​​ഥ​രാ​ണെ​ന്ന്​ യു​വേ​ഫ അ​ഭി​പ്രാ​യ​പ്പെ​ട്ടു. ഫു​ട്​​ബാ​ളി​‍െൻറ വി​ക​സ​ന​ത്തി​നും ന​ട​ത്തി​പ്പി​നും സ്​​പോ​ൺ​സ​ർ​മാ​ർ അ​ത്യാ​വ​ശ്യ​മാ​ണ്. അ​വ​രു​മാ​യി ഏ​ർ​പ്പെ​ട്ട ക​രാ​റി​നെ മാ​നി​ക്ക​ണ​മെ​ന്നും യു​വേ​ഫ അഭ്യർഥിച്ചിരുന്നു. മു​സ്​​ലി​മാ​യ പോ​ഗ്​​ബ​യു​ടെ ന​ട​പ​ടി വി​ശ്വാ​സ​പ​ര​മാ​യ​തി​നാ​ൽ ഗൗ​ര​വ​ത്തി​ലെ​ടു​ക്കു​ന്നി​ല്ലെ​ന്നും എ​ന്നാ​ൽ റൊ​ണാ​ൾ​ഡോ ചെ​യ്​​ത​ത്​ അ​ങ്ങ​നെ​യ​ല്ലെ​ന്നും ടൂ​ർ​ണ​മെൻറ്​ ഡ​യ​റ​ക്​​ട​ർ മാ​ർ​ട്ടി​ൻ ക​​ല്ല​ൻ അന്ന്​ വി​ശ​ദീ​ക​രി​ക്കുകയും ചെയ്​തിരുന്നു.