സ്​കൂട്ടർ യാത്രയിൽ ലാറയോട്​ ഹെൽമെറ്റിടാൻ നിർദേശിച്ച്​ സചിൻ; അഭിനയത്തിൽ​ ഓസ്​കാറിന്​ നിർദേശിക്കണമെന്ന്​​ യുവരാജ്​ - വിഡിയോ

വെസ്റ്റ് ഇൻഡീസ് മുൻ ക്യാപ്റ്റൻ ബ്രയാൻ ലാറക്കൊപ്പം റോഡ് സുരക്ഷയെക്കുറിച്ച് അവബോധം നൽകുന്ന വിഡിയോ പങ്കുവെച്ച്​ സചിൻ ടെണ്ടുൽകർ. 49 സെക്കൻഡ് ദൈർഘ്യമുള്ള വിഡിയോയിൽ, ഇരുചക്ര വാഹനം ഓടിക്കുമ്പോൾ ഹെൽമെറ്റ് ധരിക്കേണ്ടതിന്‍റെ പ്രാധാന്യത്തെക്കുറിച്ച് സചിൻ വിവരിക്കുന്നു​.

'ഇരുചക്ര വാഹനം ഓടിക്കു​േമ്പാഴും ക്രിക്കറ്റിൽ ബാറ്റ്​ ​െചയ്യു​േമ്പാഴും ഹെൽമെറ്റ് ധരിക്കൽ അത്യാവശ്യമാണ്! റോഡ് സുരക്ഷയെ നിസ്സാരമായി കാണരുത്. ശരിയായ ഹെൽമെറ്റ് ധരിച്ച് എല്ലായ്പ്പോഴും സുരക്ഷ നിലനിർത്തുക. ഈ സന്ദേശം പ്രചരിപ്പിക്കാൻ സഹായിച്ചതിന് ബ്രയാൻ ലാറക്ക്​ നന്ദി' - എന്ന കുറിപ്പോടെയാണ്​ സചിൻ വിഡിയോ ട്വീറ്റ് ചെയ്​തിട്ടുള്ളത്​.

വിഡിയോ നിരവധി പേരാണ്​ പങ്കുവെച്ചിട്ടുള്ളത്​. ധാരാളം പേർ വിഡിയോയെ പ്രശംസിച്ച്​ രംഗത്ത്​ വന്നു. 'ഓസ്കാർ നോമിനേഷൻ' ലഭിക്കുമെന്നായിരുന്നു​​ ക്രിക്കറ്റ്​ താരം യുവരാജ് സിങ്ങിന്‍റെ കമന്‍റ്​.

റോഡ് സേഫ്റ്റി വേൾഡ് സീരീസ് ട്വന്‍റി20 ടൂർണമെന്‍റിന്‍റെ ഭാഗമായി സചിനും യുവരാജും റായ്പൂരിലുണ്ട്​. ഇവിടെയുള്ള ഹോട്ടലിൽവെച്ചായിരുന്നു​ വിഡിയോയുടെ ചിത്രീകരണം.​ മാർച്ച് 17ന് നടന്ന സെമി ഫൈനലിൽ ലാറയുടെ നേതൃത്വത്തിലുള്ള വെസ്റ്റ് ഇൻഡീസ് ലെജന്‍റ്​സിനെ പരാജയപ്പെടുത്തിയാണ്​ സചിൻ നായകനായ ഇന്ത്യ ലെജന്‍റ്​സ്​ ടൂർണമെന്‍റിന്‍റെ ഫൈനലിലെത്തിയത്​.

Be it riding on the roads or driving on the 🏏 field, wearing a helmet is a must!

Let's not take road safety lightly & always keep safety first by wearing the right helmet.@BrianLara, thanks for helping spread this message mate. 🙂#RoadSafetyWorldSeries pic.twitter.com/1zoW93WdkH

— Sachin Tendulkar (@sachin_rt) March 21, 2021